Yohana 8:34 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

³⁴ ũYesu nuashookeelia, “Tai-taaii namuĩĩla, Tũlũ wensi nukutendaa umulandu ingĩ musese wa mulandu.

Yohana 8:34 Referans Kwoze

Alumĩ 6:16

Sika mumanilene kĩna kumuakue uzo kanga mwĩpũnie uniinie zĩ asese aakue kukumugombia, mwitũla asese aakue namumugombilie, kanga wĩĩ wĩtumi wa mulandu nauleetile ukiu, katia wĩtumi wa ugombia nauleetile ĩkulukuuluu.

2 Petelo 2:19

Naapũnĩlia ĩmalago ma ukomolua nĩndĩo ĩeene asese a oononeki. Kuitĩ nazukumudulaa umuntu, uzo ukutũla musese wa zaasio.

Alumĩ 6:12

Kuitĩ umulandu ulekitema munsĩ mumiĩlĩ yaani namĩkola ukiu sunga kwigombia inshula zaakue.

Alumĩ 6:6

Kumanile kĩna uuntu wĩĩtu wa kalĩ alĩ ukononteelue mumusalaba palumuĩ ninduyo, koona umuĩlĩ wa mulandu uleegigue, kulekitũla asese a mulandu kangĩ.

Tito 3:3

Kuitĩ ĩpo pakalĩ, ishie nĩndiishie alĩ kuagila kamasala, aleki, nakukupuutagiguaa, asese a nsula nuwĩloeelia wa mpiani ningĩ, nakugendela muubĩĩ nuwĩĩlũ, nuusuukĩlua sunga kukĩsuukĩlua ndiishie kundiishie

Aepeso 2:2

Naalĩ mukugendelaa ndĩo ĩkalĩ kukuzitiata intendo za unkũmbigyulu uu, nukukumutiata umutemi wa usũũmi wa nzega, ĩnkolo niasio nyĩkĩtuma umulĩmo sunga nunzuauu muaana auleki.

Alumĩ 7:25

Nzua wasongeeligue kunsooko ya kĩYesu Kilisito Shekulu wĩĩtu. Luulo gua, kwishala liane ĩne uneene nukuutumĩkĩla uUlagĩĩlio wa kĩNzua, ĩpa kumuĩlĩ waane uulagĩĩlio wa mulandu.

Alumĩ 8:21

koona iiumbe ĩeene ĩkiĩĩkua uukolelua nukwileegigua muusese wa oononeki nukwiligia uukolelua wa ukulu wa aana a kĩNzua.

Alumĩ 7:14

Kuitĩ kumanile ya kĩna uUlagĩĩlio iingĩ wa kĩnkoolo; ĩpa ĩne numuntu wa kĩmuĩlĩ numuguligue nsĩlĩlĩ ya mulandu.

Utendi 8:23

Kuitĩ nakuonaa wĩĩlĩ muukalĩ zĩ ntundu, kangĩ mukĩtũngo kya oonooni.”

Yohana 3:3

ũYesu nushookeelia numuĩĩla, “Tai taaii nakuĩĩla, tũlũ wensi kanga wasiitilelua kaubĩlĩ sika wishũũma kukuuona uutemi wa kĩNzua.”

Matayo 5:18

Tai namuĩĩla; ‘Sunga igyulu nĩnsĩĩ pĩna zijililega, koolua kamuĩ katia kalutonua kamuĩ sika kikileegigua muUlagĩĩlio sunga tũlũ zensi zikondeeligue.