Yohana 8:19 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹⁹ Paapo naamuĩĩla, Ushoo wĩĩlĩĩ mpĩĩ? ũYesu nushookeelia, “Sika mumanile ĩne sunga uTata sika mumumaile. Kanga ĩmumanile ĩne, alĩ mũjile kumumana nuTata waane.”

Yohana 8:19 Referans Kwoze

Yohana 16:3

Nindiizi ĩkakuzitenda kunsooko sika alĩ amuĩzĩ uTata sunga uneene.

1 Akolinto 15:34

Sukukĩkiĩ kulukuuluu, mulekitimula. Kuitĩ naĩngĩ sika amuĩzĩ uNzua. Nitambula izi numukolie inshoni.

Yohana 7:28

Luulo ũYesu nwĩtunta ululi muNumba ya kĩNzua, nũmania nuũga, “Ĩne munzĩzĩ, nĩkĩna mpũnile muĩzĩ; sunga sika nĩĩzĩĩle uneene, ĩpa naaluntumile ingĩ wa tai, niniinie sika mumuĩzĩ.

Yohana 1:10

Alĩ wĩĩlĩ muna unkũmbigyulu nuunkũmbigyulu nautũla kwa kĩuyu; nuunkũmbigyulu sika naumulĩnga.

Matayo 11:25

ĩTyungo liasio ũYesu nushookeelia, nuũga, “Nakusongelia, Tata, Shekulu wigyulu nĩnsĩĩ, kunsooko waapisĩĩle izi ĩanamasala nusugũ nuakũnukuĩla ĩaana naatakata.

2 Yohana 1:9

Tũlũ wensi nukuupũũta uumanigua, waleke kikyala muumanigua wa kĩKilisito, mugila kaNzua. uNuasiio nwikyalile muumanigua wa kĩKilisito, uyu umutĩĩte uTata nuMuana gaa.

1 Yohana 5:20

Kumanile ya kĩna uMuana wa kĩNzua waazile nduyo wakupĩĩle uulĩngi, koona kumulĩnge uzo nwa tai, nindiishie kukoolĩ munsĩ yaakue nwa tai, ingĩ munsĩ ya Muana waakue ũYesu Kilisito. Uyu wayu Nzua nwa tai, nuupanga wa kalĩ nakalĩ.

Agalatia 4:9

ĩpaino pĩna mwamumanile uNzua, katia taazu mbũge mwamanilue nuNzua, nĩkĩ mwazishookela kangĩ intendo za muandio naniekũ kangĩ nkeepũ; musiiile muĩ asese a ntendone kangĩ?

Yohana 17:3

Nuupanga wa kalĩ nakalĩ ingĩ ntuuu, akumane ue nwĩNzua nwing'ene nwa tai, nũYesu Kilisito nalumutumile.

Akolosai 1:10

mugendele kĩna ĩmũjĩpĩĩle inie mwa kĩShekulu, ĩmukumuloeelia nangũlũ, mumulĩmo wensi namuuza ĩmwĩpĩa inkali, ĩmukĩongeela muulĩngi wa kĩNzua.

Yohana 15:21

Ĩpa izi tũlũ ĩkakumutendela kunsooko ya liina liane, kuitĩ sika amuĩzĩ naaluntumile.

Aebulania 1:3

Uzo ingĩ weelu wa ukulu wa kĩNzua. kangĩ kĩna uNzua wĩĩlĩ, iio ninduyo wĩĩlĩ; nuikenka iintu tũlũ yensi kulukaani luakue lwa ngũlũ. Pĩna alutendile uweeligua wamĩilandu, alĩ wikyalansile pamukono wa kĩgoosia nwa ukulu kukiania,

Akolosai 1:15

Nduyo ingĩ mpiani ya kĩNzua nasika ikigyelaa, mulelua wa muandio wa iumbe tũlũ.

Aepeso 1:17

Koona uNzua wa kĩShekulu wĩĩtu Yesu Kilisisto, Tata wa ukulu, wamupeele ĩnkolo ya masala nĩnya ukũnukulua, mumulĩnge uyo kĩna wĩĩlĩ.

Yohana 1:18

Kutilĩ numuoonie uNzua ityũngo liensi; uMuana wing'ene nuĩlĩ mukĩkũa kya kĩTata, muene alumukũnukuĩle.

1 Yohana 2:23

Tũlũ wensi nukumukaana uMuana mugila kaTata; uzo nukumukũmuulaa uMuana, unuasio utĩĩte nuTata gaa.