Yohana 7:39 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

³⁹ Alutambuĩle itĩ mumpola za kĩMuau naĩkakumuanũnkula naasuĩlĩĩle mumuakue, kuitĩ uMuau alĩ wikĩĩlĩ kalakigyelela, kunsooko ũYesu alĩ wikĩĩlĩĩ wakuligue.

Yohana 7:39 Referans Kwoze

Utendi 2:17

‘Ikitũla pantondo za mpelo, uũgile uNzua, nĩkakuiitĩla ĩantu tũlũ uMuau waane, nĩaana aani, agoosia nĩnaakĩĩma, ikipũnia unakĩdagu; nĩasumba aani ikiona maono; nĩanampala aani ikiloota ndooti

Utendi 2:33

Iio gua, pĩna nunankĩligua sunga kumukono nwa kĩgoosia nwa kĩNzua nukwiligia kwa kĩTata ilyago lya Muau Muelu, ukiitile ĩkĩntu ĩkĩ namukĩoonie nukukukiigia.

Utendi 2:4

Tũlũ naijulua nuMuau Muelu, naandia kwitambula kuntambo nazĩngĩ kĩna uMuau alĩ waatongelĩĩle kwilikitia.

Yohana 16:7

Ĩpa ĩne namuĩĩla ĩtai, yumũjĩpĩle inie ĩne ndege; kuitĩ kanga nsiitilega, uMualĩĩlia sika wijile kumiani; ĩpa kanga nende nĩkakumutuma kumuani.

Yohana 12:16

ĩAmanigua akue sika naazilĩnga izi kumuandio, ĩpa pĩna ũYesu nukuligua, paapo naijuka kĩna alĩ muandĩkĩligue izi, kangĩ kĩna alĩ amutendĩĩle aya.

Alumĩ 8:9

Ĩpa kanga uMuau Muelu wa kĩNzua ĩwikyalile tai munsĩ yaani, inie sika muĩlĩ mukĩmuĩlĩ; muĩlĩ mwa kĩMuau. Wensi nasikumutĩĩte uMuau wa kĩKilisito, unuasio sika muntu waakue.

Utendi 2:38

uPetelo nuashookeelia, “Pelĩ, mubadĩĩzigue wensi mumiani muliina lya kĩYesu Kilisito, muleegeligue ĩmĩlandu yaani, niniinie mukiligia ĩkĩpeegua kya Muau Muelu.

Yohana 20:22

Pĩna nutambula izi, nuasũũpĩla, nuaĩĩla, “Aanũnkulĩ uMuau Muelu.

Yohana 12:23

ũYesu nuashookeelia nuũga, “iTyũngo liazaa uMuana-muntu wakuligue.

Aepeso 4:30

Kangĩ muleke kumupeela usungu uMuau Muelu wa kĩNzua, nakumuakue alĩ muaĩĩkĩlue umuhũli sunga kulutondo lwa ukomolua.

2 Akolinto 3:8

mbii gua uwĩtumi wa kĩMuau sika ukitũla nuukulune kwikĩla uwaasio?

Utendi 4:31

Pĩna naakondia kwilompa, umuasio muna alĩ ĩlundĩlĩĩle naishũngũsigua, tũlũ naijulua nuMuau Muelu, naatambula ulukaani lwa kĩNzua kuukamatĩkũ.”

Utendi 3:13

uNzua wa kĩĨbũlahimu nuĨsakĩ nuYakobo, uNzua wa atata ĩĩtu wamukulagiaa uMwĩtumi waakue ũYesu, uuyo inie naalĩ mumusakilie nukukumukaana ntongela ya kĩPilatu pĩna alupũnilie ulamuli umuasio watũnguĩlue.

Yohana 17:5

Ĩpaino Tata, nkulia pamuako kuukulu waasio naalĩ ntĩĩte kumuako pĩna uunkũmbigyulu alĩ wikaalĩ.

Yohana 14:13

Luensi namukakululompa muliina liane nĩkakulutenda, uTata wakuligue muMuana.

Yohana 7:12

Na wĩĩ wĩng'ũng'ũntia wingĩ mumulundo kunsooko yaakue ĩĩĩa naaũga, “Muntu muuza,” ĩĩĩa naaũga, “Zũi, ĩpa ukualimĩĩlia ĩantu.”

Yohana 6:14

Luulo gua, ĩantu pĩna naakĩona ĩkĩlĩngasĩĩliio naaũga, “Uyu wayu tai taaii umunakĩdagu nũjile muna unkũmbigyulu.”

Yohana 1:33

Nineene sika numuĩzĩ, ĩpa uzo naaluntumile kwibadĩĩzia kumaazĩ uuyo numbuĩla, ‘Uyo nukakumuona uMuau witima nukukikyala mumuakue, uuyo ukubadĩĩzagiaa kuMuau Muelu.’

Yohana 1:25

Naamukolia naamuĩĩla, “Nĩkĩ gua wibadĩĩzia kanga ue ĩsika wĩKilisito katia Elia katia munakĩdagu uzo?”

Yohana 1:21

Naamukolia, “mbii gua? Ue uue Eliane?” Nuũga, “Sika neene.” “Ue uue munakĩdagu nuasione?” Nushookeelia, “Zũi.”

Luka 24:49

Laaĩ, namuleetela kumuani ilyango lya kĩTata waane, ĩpa kyalĩ mwamu munakaa sunga mujialue ingũlũ nazipũnile kukiania.”

Luka 7:16

Tũlũ naingĩĩlua nuooa, naĩĩ kumukulia uNzua naiũga “Munakĩdagu mukulu wigyelelaa kunsĩĩtu;” kangĩ, “uNzua waagaanaa ĩantu aakue.”

Luka 3:16

uYohana nushookeelia nuaĩĩla tũlũ “ĩne tai nukumubadĩĩzagiaa kumazĩ, ĩpa upolokile umukola usũũmi kwinkĩla ĩne, nineene sikaka nijĩpĩĩle kukumutũngulĩlia sunga ĩmĩkoa ya ilaatu yaakue. Uzo ukakumubadĩĩzia kuMuau Muelu nukumooto.

Matayo 16:14

Naaũga, “ĩĨĩa akuũgaa, Yohana Mubadĩĩzia; ĩĩĩa naaũga, Elia; ĩĩĩa, Yelemia katia umuĩ wa anakĩdagu.”

Yohana 14:26

Ĩpa uMualĩĩlia, uMuau Muelu, uTata nukakumutuma muliina liane, unuasio ukakumumania tũlũ zensi nukukumũjukĩlia tũlũ zensi naalĩ numuĩĩlĩĩle.

Matayo 21:11

ĩMaũmbĩ namaũga, “Uzu ingĩ Yesu, umunakĩdagu wa kuNazaaleti ya Galĩlaya.”

Yohana 8:54

ũYesu nushookeelia, “Kanga nĩkulie uneene, uukulu waane sika kĩntu. Nukunkulagiaa ingĩ uTata waane namukumutambulaa inie kĩna ingĩ Nzua waani.

Yohana 16:14

uNuasio ukinkulia ĩne, kunsooko ukishola ĩzaane nukakumutanantĩlia inie.

Yohana 17:1

iNkaani izi aluzitambuĩle ũYesu; nulangamĩla kwigyulu, nuũga, “Tata, ityũngo liazaa. Kulia ue uMuana waako, koona uMuana wakukulie ue,

Utendi 19:2

Nuakolia, “Alĩ muanũnkuĩlene uMuau Muelu pĩna namusuĩĩla.” Naamushookeelia, “Sunga kwiigia sika kwaliigia kĩna uMuau Muelu ukoolĩ.”