Yohana 6:9 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

⁹ “Kakoolĩ kalĩĩsia papa nakatĩĩte mapũli mataano ma uwele nipishiĩ, pibĩlĩ ĩpa aya makuagela mpĩĩ naiingĩ itĩ?”

Yohana 6:9 Referans Kwoze

Luka 9:13

Nuaĩĩla; “Apeelĩ uniinie india.” Naaũga; “Kuagila kakĩntu nakiĩngĩ isiititũla ĩmapũli mataano ninshiĩ zibĩlĩ kanga kusiitienda kuagulĩlie ĩantu ĩa tũlũ india.”

Maliko 6:38

Nuaĩĩla, mutĩĩte mapũli manga. Longolĩ mulaae. Pĩna naamana, naaũga, “Mataano nishiĩ zibĩlĩ.”

Matayo 14:17

Paapo naamushookeeli, “Kuagila kakĩntu, isiititũla ĩmapũli mataano ninshiĩ zibĩlĩ.”

Matayo 16:9

Sika mwalalĩngane. Sunga sika mũjukilene ĩmapũli namataano kuantu naalĩ ĩmagana ma nzogũ matano, kangĩ itooto iinga naalĩ mũjuilie?

Maliko 8:19

Pĩna alĩ nĩaeganilie alĩ ĩmagana ma nzogũ mataano ĩmapũli naalĩ matano, namukenka itooto iinga naalĩ ijuile ĩmaminangulua? Naamuĩĩla, kyumi naibĩlĩ.

2 Akolinto 8:9

Kuitĩ mwalĩngile uukende wa kĩShekulu wĩĩtu Yesu Kilisito kanga ĩalĩĩ mugolĩ nakĩĩ, nutũla mutũka kunsooko yaani, koona mugolĩpigue kuutũka waakue.

Ukũnukulua 6:6

Naniigia zĩ luli pakatĩ ya iyumbe naipanga inĩĩ lwiũga, “ĩNngele nya ngano kushilinge, ningele nazitatu zaupemba kushilinge, ĩpa ulekioonoona ĩmakũta numubinio!”

Yohana 11:32

Iio, uMalia pĩna nupika kuasio kĩna alĩ wĩĩlĩ ũYesu, numuona, nutũngama pamĩgulu yaakue, numuĩĩla, “Shekulu, kanga alĩĩ ukoolĩ kwanu, umugũlĩ wane sika alĩ wijilikia.”

Yohana 11:21

Iio uMalita numuĩĩla ũYesu, “Shekulu, kanga ĩalĩĩ ukoolĩ kwanu, umugũlĩ waane sika alĩ wijilikia.

Yohana 6:7

uPilipo numushookeelia, “ĩMapũli ma shilinge magana mabĩlĩ sika makuenda muumo tũlũ wensi waligie kaniino udũũ.”

Yohana 6:11

ũYesu numasola ĩmapũli, nusongelia, nuoomolania naalĩ ikyalansile, iio-iioo nipishiĩ gaa, muna alĩ aloelue.

Yohana 21:9

Pĩna naapika pikiki, naaona mooto wa makala nipishiĩ piĩlĩ muumo, nipyũli.

Yohana 21:10

ũYesu nuaĩĩla, “Oomolĩ ipishiĩ naaza muzũile ĩpaino.”

Yohana 21:13

ũYesu nuuza nulĩsola ipyũli, nuapeela, iio ninshiĩ.