Yohana 6:51 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

⁵¹ Ĩne neene nĩndia ya upanga naalĩ ĩtimile kwipũna kwigyulu; tũlu wensi kanga wamĩlĩe ĩndia ĩĩ, ukitũla nuupanga wa kalĩ nakalĩ. Nĩndia nanikipũnia ĩne kunsooko ya upanga wa unkũmbigyulu ingĩ umuĩlĩ waane.”

Yohana 6:51 Referans Kwoze

Luka 22:19

Nusola uugalĩ, nusongelia, nuuega nuapeela, nuũga, “Uu wau muĩlĩ waane namupũnigue kunsooko yaani; tendĩ yoi mwinjuke ĩne.

Yohana 6:33

Kuitĩ ĩndia ya kĩNzua, ĩĩoo nyĩtimile kwipũna kwigyulu nukukuupeela uunkũmbigyulu upanga.”

Yohana 3:13

Kutilĩ naalunankĩĩle kwigyulu ĩpa uuzo uMuana-muntu naalĩ wiikile kwipũna kwigyulu.

Tito 2:14

Uyu wayu nwĩpũnilie umuene kunsooko yĩĩtu, koona wakukomole kwipũna muuleki tũlũ, nukukĩeelelia umuene ĩantu atũle aakue, naatite wikamatĩkia kuutendi na uza.

Matayo 20:28

Kĩna iio uMuana-muntu sika wijile kukĩtumĩlua, ĩpa kukĩtuma, nukwipũnia uuumĩ wakue wĩĩ kĩkomoli kunsooko ya iingĩ.”

Aebulania 10:20

kunzĩla niasio naalukuandĩĩlie, nampia, nampanga, naalumigyuile kwikĩlĩla mwipyupa, ingĩ umuĩlĩ waakue,

2 Akolinto 5:21

Uyo nasikuumanile umulandu, numutenda watũle mulandu kunsooko yĩĩtu, koona kutũle kulukuuluu ya kĩNzua mumuakue.

1 Petelo 2:4

Nzuĩ kumuakue, gyũe nipyanga nishiitue nĩantu, ĩpa kwa kĩNzua ingĩ shaagulue, lĩtĩĩte ĩngele nankakũ.

Aepeso 5:2

Mugendele muuloogua kĩna uKilisito naalumuloogilue inie, nwĩsuula kunsooko yĩĩtu, wĩĩ pyũnio nipyolia kwa kĩNzua, kwitũla munũnku namuuza.

Yohana 3:16

Iti yoi uNzua aluulogilue uunkũmbigyulu, sunga numupũnia uMuana waakue wing'ene, koona tũlũ wensi nusuĩlĩĩle mumuakue walekilimĩĩla, ĩpa wĩĩ nuupanga wa kalĩ nakalĩ.

Yohana 1:29

Mudaau yakue numuona ũYesu wijile kumuakue nuũga, “Laaĩ uMuana-nkolo wa kĩNzua nuukenkile umulandu wa unkũmbigyulu!

1 Yohana 4:14

Nindiishie kwaoonie nukwikuĩla ya kĩna uTata wamutumile uMuana watũle Mugũni wa unkũmbigyulu.

1 Yohana 4:10

Uu wau uloogua, sika kĩna alĩ kumuloogilue uNzua, ĩpa umuene alukuloogilue ishie, numutuma uMuana waakue watũle pyolia kunsooko ya mĩlandu yĩĩtu.

1 Yohana 2:2

Muene pyolia kunsooko yamĩlandu yĩĩtu; sika kunsooko ya mĩlandu yĩĩtu udũũ, ĩpa kunsooko ya mĩlandu ya unkũmbigyulu tũlũ.

Yohana 1:14

NuLukaani nutũla muĩlĩ, nwikyala kumuĩtu, nakuulaaa uukulu waakue, ukulu zĩ wa Muana wing'ene kwa kĩTata, wijuile uukende nĩtai. (

Aepeso 5:25

Inie agooia, alooguĩ asungu aani kĩna iio uKilisito naalulĩloogilue ikyanisa, nwĩpũnia kunsooko yaakue,

2 Akolinto 5:19

yakĩna uNzua alĩ wĩĩlĩ mwa kĩKilisito nukuukamantania uunkũmbigyulu nĩnduzo, waleke kuaalĩĩlia uutimu waao; nduyo nuĩĩka mumuĩtu ulukaani lwa ukamantani.

Yohana 7:38

Nusuĩlĩĩle mumuane kĩna uwandĩkua uũgile, miongo ya maazĩ ma upanga ikipũna munsĩ yaakue.”

Yohana 3:14

Kĩna uMusa naalumĩnansuĩle ĩnzoka mumbugi-melemele, iio iioo yumũjĩpĩĩle uMuana-muntu wanansulue.

Yohana 3:36

Nusuĩlĩĩle mwa kĩMuana utĩĩte uupanga wa kalĩ nakalĩ; nasikumusuĩlĩĩle uMuana sikukiona uupanga, ĩpa uutaki wa kĩNzua ukuĩmaa mumuakue.

Yohana 5:24

Tai-taaii namuĩĩla, “Nukũigagiaa ulukaani luane nukukumusuĩĩla naaluntumile utĩĩte uupanga wa kalĩ nakalĩ, sunga sika wipika muulamuli, ĩpa walegile muukiu, wingĩĩle muupanga.

Yohana 6:35

ũYesu nuaĩĩla, “Ĩne neene nĩndia ya upanga. Nuasio nũjile kumuane sika ukikolua kanzala; nduyo nusuĩlĩĩle mumuane sikukikolua ĩnoota kainiino.

Yohana 6:41

Paapo ĩAyahũdi naĩĩ kĩũlũnga kunsooko yaakue, kuitĩ alĩ waũgaa, “Ĩne neene nĩndia naalĩ ĩtimile kwipũna kwigyulu.”

Yohana 6:47

Tai-taaii namuĩĩla, nusuĩlĩĩle utĩĩte uupanga wa kalĩ nakalĩ.

Yohana 6:48

Ĩne neene nindia ya upanga.

Yohana 6:50

Ĩĩ yoĩ ndia nĩtimile kwipũna kwigyulu koona tũlũ wensi wamĩlĩe walekikia.

Yohana 11:26

Wensi namupanga nukwishuĩĩla mumuane sika ukikia sunga ĩkalĩ nakalĩ. Usuĩlĩĩlene izi.”