Yohana 6:40 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

⁴⁰ Kuitĩ uu wau uulooa wa kĩtata waane, tũlũ wensi nukumulaaa uMuana nukwishuĩĩla mumuakue, wĩĩ nuupanga wa kalĩ nakalĩ; nineene nĩkakumũiukia palutondo lwa mpelo.”

Yohana 6:40 Referans Kwoze

Alumĩ 6:23

Kuitĩ ĩkĩnamulĩmo kya mulandu ingĩ ukiu; ĩpa uupeegua wa kĩNzua ingĩ upanga wa kalĩ nakalĩ mwa kĩKilisito Yesu Shekulu wĩĩtu.

Yohana 6:54

Nulĩĩle umuĩlĩ waane nukwikopa umugali waane utĩĩte upanga wa kalĩ nakalĩ; nineene nĩkakumũiukia palutondo lwa mpelo.

Yohana 5:24

Tai-taaii namuĩĩla, “Nukũigagiaa ulukaani luane nukukumusuĩĩla naaluntumile utĩĩte uupanga wa kalĩ nakalĩ, sunga sika wipika muulamuli, ĩpa walegile muukiu, wingĩĩle muupanga.

Yohana 11:25

ũYesu numuĩĩla, “Ĩne neene wiiuki nuupanga; nusuĩlĩĩle mumuane, kanga wakie nakĩ, ukipangata.

Yohana 4:14

unuasio nukikopa ĩmaazĩ nanĩkakumupeela ĩne, sikukikolua kanoota sunga ĩkalĩ nakalĩ, ĩpa ĩmaazĩ nanĩkakumupeela mikitũla munsĩ yaakue nziĩlio ya maazĩ namakusamambaa sunga kuupanga wa kalĩ nakalĩ.”

Yohana 14:19

Kĩlĩ katũngo kaniino uunkũmbigyulu sika wimona kangĩ, ĩpa inie mwĩmona kunsooko ĩne numupamga, niniinie mukitũla muapanga.

Yohana 12:45

Nundaaile ĩne amulaaile naaluntumile.

Yohana 6:27

Muleke kĩtuma umulĩmo kunsooko ya ndia nyukoononekaa, tazu kunsooko ya ndia nyĩkikyalaa sunga upanga wa kalĩ nakalĩ, uMuana-muntu nukakumupeela; kuitĩ uyu wayu namuĩĩkĩlue ulumenko nuTata Nzua.”

Yohana 3:36

Nusuĩlĩĩle mwa kĩMuana utĩĩte uupanga wa kalĩ nakalĩ; nasikumusuĩlĩĩle uMuana sikukiona uupanga, ĩpa uutaki wa kĩNzua ukuĩmaa mumuakue.

Yohana 1:14

NuLukaani nutũla muĩlĩ, nwikyala kumuĩtu, nakuulaaa uukulu waakue, ukulu zĩ wa Muana wing'ene kwa kĩTata, wijuile uukende nĩtai. (

Luka 2:30

kuitĩ ĩmiiso maane mauonaa uugũnua waako

1 Yohana 2:25

Nĩndĩĩlĩ lyolĩ lyago naalukulagĩĩle ishie, uupanga wakalĩ nakalĩ.

Yohana 17:2

kĩna yoi naalumupĩĩle uusũũmi kuensi naakola muĩlĩ, itĩ tũlũ naalumupĩĩle waapeele uupanga wa kalĩ nakalĩ.

Yohana 10:28

Nineene nukuzipeelaa upanga wa kalĩ nakalĩ, sika zikilimĩĩla ĩkalĩ nakalĩ; ukutilĩ nukakuzikamantuula mumukono waane.

Yuda 1:21

Ĩkendegeelĩ muuloogua wa kĩNzua; ĩmulindĩĩle ĩkĩnishungu kwa kĩShekulu wĩĩtu Yesu Kilisito sunga kuupanga wa kalĩ nakalĩ

1 Petelo 1:8

Nduyo mumuloilue pĩna sika mumuoonie; kanga ĩsika mumuoonie unzuauu nakĩĩ, musuĩlĩĩle mumuakue nukwilumbĩkia kuulumbi nasika usũũmĩkile kwitambulua, kangĩ naukũmigue.

2 Akolinto 4:6

Kuitĩ uNzua naaluũgile, “Weelu naweelie mukiiti; muene alĩ weelilie munkolo zĩĩtu wakupeele uweelu wa ulĩngi wa ukulu wa kĩNzua muusiu wa kĩYesu.”

Alumĩ 5:21

Itĩ yoi kĩna umulandu nalĩ utemile muukiu, iio-iioo nuukende uteme kunzĩla ya kulukuuluu kuupanga wa kalĩ nakalĩ kunzĩla ya kĩYesu Kilisito Shekulu wĩĩtu.

Yohana 12:50

Nineene manile kĩna ilyagĩĩlio liakue ingĩ upanga wa kalĩ nakalĩ. Izi nanukutambulaa gua; kĩna uTata alumbuĩlĩĩle, iio nukutambulaa.”

Yohana 8:56

uIbũlahimu utata waani alĩ muloekigue waone ulutondo luane; nuluona, nulumba.”

Maliko 16:16

Nusuĩlĩĩle nukwibadĩĩzigua ukigũnĩka; nasikusuĩlĩĩle ukilamulua.

Aebulania 11:1

uUsuĩĩli gua, ingĩ kwitũla nuukamĩnkĩĩlũ wa mpola nakuzilaaĩlĩĩle; ingĩ kwimana kutai impola nasika zigyelĩĩle.

Aebulania 11:27

Kuusuĩĩli nulega kuMĩsili, sika noopooka uutaki wa mutemi, kuitĩ alugigimĩlĩĩlie zĩ umuoonie uzo nasika ukigyelaa.

Yohana 14:17

uMuau nwa tai; uunkũmbigyulu sika wishũũma kukumuanũnkula kunsooko sika umuoonie, sunga sika umulĩngile. Ĩnie mumulĩngile kunsooko wikyalile kumuani, nduzo ukitũla munsĩ yaani.

Matayo 10:15

Tai namuĩĩla, ikitũla itontũ ĩnsĩĩ ya Sodomũ nĩGomola kwigigimĩlĩa palutondo lwa ulamulua kwikĩla ĩkaa niasio.

Matayo 25:46

Ĩa ikilega ingĩle muukasigua wa kalĩ nakalĩ, ĩpa ĩakola kulukuuluu muupanga wa kalĩ nakalĩ.”

Yohana 6:39

Nuuloa waakue naaluntumile ingĩ ntuu, wensi naalumpĩĩle ndekilimĩĩlia kaumuĩ, ĩpa numũiukie palutondo lwa mpelo.

Yohana 6:44

Kutilĩ nusũũmile kwiiiza kumuane kaanga ĩsika mulũtue nuTata naaluntumile; nineene nĩkakumũiukia palutondo lwa mpelo.

Yohana 11:24

uMalita numuĩĩla, “Manile kĩna ukiiiuka muwiiuki palutondo lwa mpelo.”