Yohana 6:15 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹⁵ Iio gua, ũYesu pĩna nulĩnga kĩna alĩ asĩĩgaa kukumuguĩla koona amutende wĩĩ mutemi, nwĩũna kangĩ kunkonko wing'ene dũũ.

Yohana 6:15 Referans Kwoze

Yohana 18:36

ũYesu nushookeelia, “uUtemi waane sika wa unkũmbigyulu uu, kanga uutemi waane ĩazaa wa unkũmbigyulu uu, ĩĩtumĩ aane aza ijile kĩnsomeelia ndekiĩĩkua mumĩkono ya Ayahũdi. Ĩpa gua, uutemi waane sika wa ĩpa.”

Luka 19:38

naaũga; “wakũmazukigue uMutemi nũjile muliina lya kĩShekulu! Matiliga kwigyulu nuukulu kukiania!”

Maliko 11:9

ĩAntu naalĩ atongĩĩle nĩaasio naalĩ ĩtiatile naĩtunta induli zaao naaũga, Osiana, wakũmazukigue nũjile muliina lya kĩShekulu!

Aebulania 4:13

Sunga kyukutilĩ kakĩumbe nakĩpisigue ntongela yaakue, ĩpa itĩ tũlũ-tũũlũũ igyelĩĩle kualiĩ nukwikũnukulua pamiiso maakue nutĩĩte impola zĩĩtu.

Yohana 5:41

Sika niaanũnkula ulukũmo kuantu.

Yohana 6:3

ũYesu nunankĩla munkonko, kuasio nwikyalansa palumuĩ nĩamanigua aakue.

Matayo 5:1

Pĩna numaona ĩmaũmbĩ, nunankĩla munkonko; nwikyalansa, ĩamaningua aakue naamuagaana.

Yohana 6:22

Mudaau yaakue iyũmbĩ naalĩ liĩmĩkile pityumbĩ lya nanza nalĩona kĩna lyukutilĩ pyango naliĩngĩ paasio, isiiititũla lĩĩlo naalĩ lĩmuĩ, kangĩ kĩna ũYesu sika alĩ wingĩĩle mwipyango liasio palumuĩ nĩamanigua aakue, ĩpa ĩamanigua aakue alĩ endile ing'ene.