Yohana 5:42 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

⁴² Ĩpa numumanile kĩna muagila kauloogua wa kĩNzua munsĩ yaani.

Yohana 5:42 Referans Kwoze

1 Yohana 4:20

Wensi kanga waũge; “Namuloogua uNzua,” ninduyo ĩumusuukĩĩlue umunũna waakue, uyu ingĩ mulongo; kuitĩ nasikumuloogilue umunũna waakue numuoonie, sika wishũũma gua, kukumuloogua uNzua nasikumuoonie.

1 Yohana 3:17

Ĩpa wensi kanga ĩutĩĩte inshao za munu muna unkũmbigyulu, kanga wamuone umunũna waakue namusilĩlue, nukukumugilĩlia ĩkĩsuusu kumuakue, uuloogua wa kĩNzua wikyalile mbii munsĩ yaakue?

1 Yohana 2:15

Muleke kuuloogua uunkũmbigyulu, sunga nazĩĩlĩ muunkũmbigyulu. Wensi kanga wauloogue uunkũmbigyulu, uuloogua kwa kĩTata ukutilĩ munsĩ yaakue.

Yohana 2:25

Luulo gua, sika alusiiile tũlũ wensi wakuĩle impola za muntu, kunsooko umuene alulĩngile nazĩĩlĩ mumuntu.

Ukũnukulua 2:23

nineene nĩkakuaulaga ĩaana aakue kuukiu. Nĩmakanisa tũlũ mikilĩĩnga kĩna neene nukukeesagiaa moo nĩnkolo. Nineene nĩkakumupeela muntu wensi kumiani kwilika lya utendi waakue.

Alumĩ 8:7

Kuitĩ ishĩĩgo lya kĩmuĩlĩ ingĩ ulugu kwa kĩNzua, kangĩ sika ligombile uUlagĩĩlio wa kĩNzua, kangĩ sika asũũmile kwigombia.

Yohana 21:17

Numuĩĩla kautatu, “Simoni shaYohana, undoiluene?” uPetelo nuona usungu kunsooko alĩ waamuĩĩla kautatu, “Undoiluene.” Numuĩĩla, “Shekulu, umanile tũlũ, ulĩngile kĩna nukuloilue.” ũYesu numuĩĩla, “Lĩĩsia ipikolo piane.

Yohana 8:55

Niniinie sika mumumanile, ĩpa ĩne numumanile. Kangambũge sika numumanile nikitũla mulongo zĩ uniinie; ĩpa numumanile, nulukaani luakue nulukendegelĩĩle.

Yohana 8:47

Nwa kĩNzua ukuziigagiaa inkaani za kĩNzua. Luulo inie sika mukũigagiaa kunsooko inie sika mwa kĩNzua.”

Yohana 8:42

ũYesu nuaĩĩla, “Kanga uNzua ĩTata waani aza mujilindoogua nineene, kuitĩ nijile mpũnile kwa kĩNzua; sika nijile ning'ene, ĩpa muene aluntumile.

Yohana 5:44

Mwishũũma mbii kwishuĩĩla, inie namukĩkulagiaa niinie kuniinie, nuukulu naupũnile kwa kĩNzua nwing'ene sika mukuudũũmaa?

Luka 16:15

Nuaĩĩla; “Inie niinie mukĩpeelaa ĩkulukuuluu ntongela ya antu, ĩpa uNzua ulĩngile inkolo zaani; kuitĩ nalukuligue pakatĩ ya antu lukutũla uĩĩpĩlua ntongela ya kĩNzua.

Yohana 5:41

Sika niaanũnkula ulukũmo kuantu.

Yohana 5:43

Ĩne nijile muliina lya kĩTata waane, sika mwananũnkula ĩne, umuua kanga waaze muliina liakue umuene, unuasio mukakumuanũnkula.