Yohana 5:4 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

⁴ Kuitĩ ityũngo alĩ lĩkoolĩ pĩna alukutimaa umalaĩka pilyambo, numakũlũgania ĩmaazĩ. Iio gua wensi nwa kũingĩla mbele pĩna ĩmaazĩ makũlũganiguaa nukamia uluĩle wensi naalĩ wamutyapile.

Yohana 5:4 Referans Kwoze

Yohana 5:3

Muasio alĩ akoolĩ aluĩle iingĩ, apokũ, anakĩtele, akiigyandi, naatũngĩĩle uuseliuki wa maazĩ.

Yohana 5:5

ĩPaasio alukoolĩ muntu alĩ walemilue miaka makumi matatu namunaana.

Yohana 5:7

uMuluĩle numushookeelia, “Shekulu, numugila kamuntu nwa kungumĩla mwilyambo pĩna ĩmaazĩ makũlũganigua. Pĩna ĩne nunziĩ, wĩngĩ nũingĩla nuntanga.”

Matayo 6:33

Ĩpa udũũmi tangua uutemi waakue nĩkulukuuluu yaakue, nindizi tũlũ zensi mukiongeeligua.

Matayo 11:12

Kwipũma intondo za kĩYohana mubadĩĩzia sunga nantende uutemi wa kwigyulu ukuuza kumakanambalũ, nĩanamakanambalũ akuusolaa kungũlũ.

Luka 13:24

“Ĩkamatĩkiĩ kwiingĩla kumulango namupinĩ, Kuitĩ namuĩĩla ya kĩna iingĩ ikishiia kwiingĩla. Alemue.

Luka 16:16

“uUlagĩĩlio nĩAnakĩdagu alĩ ikoolĩ sunga kuntondo za kĩYohana; kwipũna ĩmatũngo maao iMpola naNziiza ĩza utemi wa kĩNzua zukutanantagiguaa, numuntu wensi ukĩingĩlagiaa kungũlũ.

1 Akolinto 6:11

Nĩĩĩa kunsiani alĩ ĩkĩna awa. Ĩpa namoogigua, ĩpa namueligua, ĩpa namualĩĩligua ĩkulukuuluu muliina lya kĩShekulu Yesu Kilisito, nuMuau wa kĩNzua wĩĩtu.

1 Yohana 1:7

Ĩpa kanga kugendele muweelu, kĩna umuene nuĩlĩ muweelu, kukamantanile ndiishie kundiishie, numugali wa kĩYesu uMuana waakue ukukoogia umulandu tũlũ wensi.