Yohana 5:22 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

²² Kangĩ uTata sika ukumulamulaa kaumuĩ, ĩpa numupeela uMuana ulamuli wensi,

Yohana 5:22 Referans Kwoze

Yohana 5:27

Numupeela uusũũmi kwilamula, kunsooko ingĩ Muana-muntu.

Utendi 17:31

Kunsooko uĩĩkile ulutondo lwa kulamula uunkũmbigyulu mukulukuuluu kumuntu naalumusaaguĩle; ninduyo nuapĩĩle ĩantu ensi ukamĩnkĩĩlia wa mpola izi kunzĩla ya kumũiukia kwipũna muakiu.”

2 Akolinto 5:10

Kuitĩ yukũjĩpĩĩle kukigyelela ntongela ityengu lya ulamulua lya kĩKilisito, koona muntu wensi waanũnkule naalumatendile pĩna alĩwĩĩlĩ mumuĩlĩ, namatũla maaza katia mabĩĩ.

Matayo 28:18

ũYesu nuaagaana, nuĩ kuatambuĩla, nuũga, “Napeegaguaa uusũũmi tũlũ wensi kwigyulu numuna nsĩĩ.

Utendi 10:42

Nukulagĩĩlia kuatanantĩlie ĩantu nukukuakuĩla kĩna uyu wayu naalĩ muĩĩkue nuNzua wĩĩ Mulamuli wa apanga nĩnaakiu.

Yohana 9:39

ũYesu nuũga, “Ĩne nijile muna unkũmbigyulu uu kuulamuli, itĩ nasika akuonaa aone, ndĩo nakuonaa atũle apokũ.”

2 Timoteo 4:1

Nukulagĩlĩĩlie ntongela ya kĩNzua nũShekulu Kilisito Yesu nukilamula naapanga nĩnaakiu, sunga kuwigyeleli waakue nuutemi waakue.

Alumĩ 2:16

palutondo luasio uNzua pĩna ukakuulamula uunkũnkũ wa antu kunzĩla ya kĩYesu Kilisito, kwilika lya Mpola na Nziiza nantanantilie.

Yohana 17:2

kĩna yoi naalumupĩĩle uusũũmi kuensi naakola muĩlĩ, itĩ tũlũ naalumupĩĩle waapeele uupanga wa kalĩ nakalĩ.

1 Petelo 4:5

Ndĩo ikipũnia iyalo kumuakue uyo nwĩlĩganĩlĩĩlie kukualamula naapanga nĩnaakiile.

Matayo 16:27

Kuitĩ uMuana-muntu wijile muukulu wa kĩTata wakue palumuĩ nĩamalaĩka aakue; paapo ukakumulĩpa wensi mũlika lya utendi waakue.

Yohana 3:35

uTata umuloilue uMuana, nduyo umupĩĩle tũlũ mumukono waakue.

Matayo 11:27

“Tũlũ yensi napĩĩlue nuTata waane; kutilĩ numulĩngile uMuana, isiititũla uTata; kangĩ kutilĩ numulĩngile uTata, isiititũla uMuana, nunuasio wensi uMuana nusiiile kukumukũnukũĩla.