Yohana 5:19 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹⁹ Iio gua ũYesu nushookeelia, “Tai-taai namuĩĩla, uMuana sika wishũũma kwitenda kalukaani wing'ene, ĩpa luensi nuoonie uTata witenda; kuitĩ kĩna ukutendaa uyo, iio nuMuana ukuzitendaa zizo-ziizoo.

Yohana 5:19 Referans Kwoze

Yohana 12:49

Kunsooko sika alĩ ntambuĩle ning'ene, ĩpa uTata naaluntumile, muene undagĩlĩĩlie nanikiũga nikwitambula.

Yohana 8:28

Paapo ũYesu nuaĩĩla, “Pĩna mukakumunansula uMuana-muntu, paapo mukilĩnga kĩna ingĩ neene, kangĩ kutilĩ nanukulutenda ning'ene, ĩpa kĩna uTata naalumanilie ĩne, ziizo nukuzitambula.

Yohana 14:10

Sika wishuĩĩlane kĩna ĩne moolĩ mwa kĩTata, nuTata umoolĩ mumuane. iNkaani nanukumuĩĩla ĩne sika nĩkĩtambulĩlagiaa ning'ene, ĩpa uTata nũkyalile munsĩ yaane ukĩtumaa ĩmĩlĩmo yaakue.

Yohana 10:18

Ukutilĩ nukundeegelagiaa, ĩpa ĩne nuupũnilie uneene. Ntĩĩte usũũmi wa kuupũnua; ntĩĩte usũũmi wa kuusola kangĩ. Ilyangĩĩlio ĩlĩ alĩ naanũnkuĩle kwa kĩTata waane.”

Alumĩ 8:11

Ĩpa kanga uMuau wa kĩuyo naalumũiukilie ũYesu kwipũna muakiu ĩwikyalile munsĩ yaani, uyo naalumũiukilie uKilisito Yesu kwipũna muakiu ukakuĩpangatia nĩmiĩlĩ yaani niĩlĩ muukiu, kwa kĩMuau waakue nũkyalile munsĩ yaani.

Yohana 9:4

Yukũjĩpĩĩle ishie kukĩtuma ĩmĩlĩmo yaakue naaluntumile pĩna kĩlĩ munsĩ. Utiku ukiiiza ukilemua kaumuĩ kukĩtuma umulĩmo.

Luka 21:15

Kunsooko ĩne nĩkakumupeela ĩmĩlomo nĩmasala, ĩalugu aani nasika ikishũũma kukumadula nukukumupĩnga-pĩnga.

Yohana 5:21

Kuitĩ kĩna uTata ukũiukagiaa ĩakiu nukukuapangatia, iio-iioo nuMuana ukuapangatagiaa nualoilue.

2 Akolinto 5:10

Kuitĩ yukũjĩpĩĩle kukigyelela ntongela ityengu lya ulamulua lya kĩKilisito, koona muntu wensi waanũnkule naalumatendile pĩna alĩwĩĩlĩ mumuĩlĩ, namatũla maaza katia mabĩĩ.

Yohana 3:3

ũYesu nushookeelia numuĩĩla, “Tai taaii nakuĩĩla, tũlũ wensi kanga wasiitilelua kaubĩlĩ sika wishũũma kukuuona uutemi wa kĩNzua.”

Ukũnukulua 2:23

nineene nĩkakuaulaga ĩaana aakue kuukiu. Nĩmakanisa tũlũ mikilĩĩnga kĩna neene nukukeesagiaa moo nĩnkolo. Nineene nĩkakumupeela muntu wensi kumiani kwilika lya utendi waakue.

1 Petelo 3:18

Kuitĩ uKilisito nduyo alukiile kamuĩ dũũ kunsooko ya mĩlandu, munakulukuuluu kunsooko yaao nasika anakulukuuluu, koona wakutuale ishie kwa kĩNzua; nuulagua umuĩlĩ ĩpa ĩnkolo yaakue nĩpangatigua.

Akolosai 1:16

Kunsooko mumuakue intu tũlũ alĩ iumbue, naya mwigyulu niya muna nsĩĩ, naigyĩĩle nĩnasika igyĩĩle, kanga yĩĩ matengu ma ukulu katia utemi, katia akulu a kĩtemi, katia akola usũũmi; intu tũlũ alĩ iumbue kunzĩla yaakue nukunsooko yaakue.

Apilipi 4:13

Nĩzishũũmile tũlũ kwa kĩuyo nukumpeela ingũlũ.

Apilipi 3:21

nukakuukaĩla umuĩlĩ wĩĩtu wa uniekũ wĩpiane numuĩlĩ waakue wa ukulu, kungũlũ nazukumusũũmagia kukuiĩĩka tũlũ yensi nsĩlĩlĩ yaakue.

Aepeso 3:16

Wamupeele inie kwilika lya ugolĩ wa ukulu waakue, kwitendua akamũ kungũlũ, kunzĩla ya kĩMuau waakue muuntu wa munsĩ.

Aepeso 2:5

sunga paapo pĩna alĩ kuakiu kunsooko ya utimu wĩĩtu, nukupangatia palumuĩ nuKilisito (muagũnue kuukende).

2 Akolinto 4:14

kumanile kĩna naalumũiukilie ũShekulu Yesu ukakukũiukia sunga nindiishie palumuĩ nũYesu, nukukukutuala palumuĩ niniinie ntongela yaakue.

1 Akolinto 15:12

Ĩpa gua, Malĩĩ uKilisito ĩmutanantigue kunsiani kĩna alĩ muiukigue kwipũna muakiu, nĩkĩ naĩngĩ kunsiani itambula kĩna kutilĩ kawiiuki wa akiu.

Alumĩ 6:4

Kuitĩ alĩ kuaĩĩkue palumuĩ ninduyo kunzĩla ya ubadĩĩzo munkia yaakue, kĩna itĩ uKilisito alĩ wiiukile kwipũna muakiu kunzĩla ya ukulu wa kĩTata, iio-iioo nindiishie kugendele muupia wa upanga.

Utendi 2:24

Ĩpa uNzua numũiukia, numutũnguĩla muuwai wa nkia, kunsooko sika alĩ ishũũmĩkile waguĩlue nduo.

Yohana 2:19

ũYesu nushookeelia nuaĩĩla, “Mĩtaulĩ ĩNumba ĩĩ nya kĩNzua nineene kuntondo zitatu nikakumiĩmĩkia.”

1 Atesaloniki 4:14

Malĩĩ kusuĩlĩĩle ya kĩna ũYesu alukiilee, nũiuka, iio-iioo nĩaasio naagonile mwa kĩYesu, uNzua akakualeeta palumuĩ ninduyo.

Akolosai 1:11

Kangĩ musũũmigue kungũlũ, kwilika lya usũũmi wa ukulu waakue, kuukamatĩkũ tũlũ nuugigimĩlia palumuĩ nilyumbi.

Matayo 26:39

Nutela iiniino, nugua pansĩ, nulompa, nuũga, “Tata, malĩĩ ĩishũũmĩkile, ĩkĩĩko ĩkĩ kĩnkĩle; ĩpa sika kĩna numuloelue ĩne, ĩpa kĩna umuloelue uue.”

Yohana 6:38

Kuitĩ sika alĩ ntimile kwipũna kwigyulu koona nĩtume uulooa waane, ĩpa uulooa waakue naaluntumile.

Yohana 12:50

Nineene manile kĩna ilyagĩĩlio liakue ingĩ upanga wa kalĩ nakalĩ. Izi nanukutambulaa gua; kĩna uTata alumbuĩlĩĩle, iio nukutambulaa.”