Yohana 5:15 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹⁵ uMuntu nuasio nuenda nuaĩĩla ĩAyahũdi kĩna ingĩ ũYesu naalumukamilie.

Yohana 5:15 Referans Kwoze

Yohana 4:29

“Nzuĩ muone muntu naazumbuĩlĩĩle tũlũ zensi naalĩ nizitendile; kanga wayu Kilisito, magu?”

Yohana 9:34

Naashookeelia naamuĩĩla, “Ue alumulelue mumĩlandu mĩtilĩ, ninduuene wakukumania ishie?” Naamuguma kunzi.

Yohana 9:30

Umuntu nuasio nushookeelia nuaĩĩla, “uLukaani ulu lwa ukulĩlua! Kĩna inie sika mumanile kĩna upũnile, nduyo nundaĩlia ĩmiiso.

Yohana 9:25

uNuasio nushookeelia, “Kanga ĩmunamĩlandu magu sika manile; manile luuluu lumuĩ, alĩ numupokũ ĩpaino naaziona.”

Yohana 9:15

ĩApalisayo namukolia kangĩ, “Alumulaĩligue mbii. Nuaĩĩla, Numpaka malolo ĩmiiso maane, nankalala, namona.”

Yohana 5:12

Naamukolia, “Muntu kĩ nukuĩĩlĩĩle, ĩtuĩke uulĩlĩ, ulongole?”

Yohana 1:19

Uuwau ukuĩli wa kĩYohana pĩna ĩAyahũdi naatuma kumuakue kwipũna kũYelusalemũ apolia nĩAlawi amukolie, “Ue uue waani?”

Maliko 1:45

Ĩpa nupũna, nuandia kwitanantia ningĩ nukwishapatilia ulukaani luasio, sunga ũYesu sika nusũũma kwiingĩla mukaa ĩwigyelĩĩle kualiĩ; ĩpa alĩ wĩĩlĩ kuweekusĩ, naamuagaana kwipũna nandĩ zensi.

Yohana 5:10

Iio gua ĩAyahũdi naamuĩĩla naalĩ mukamigue, “Nantende lutondo lwa wikyali, ingĩ mũiko kumuako kukĩtuĩka uulĩlĩ.”

Yohana 5:16

Luulo gua, ĩAyahũdi naamuagia ũYesu kunsooko alutendile izi palutondo lwa wikyali.

Yohana 5:18

Kunsooko ĩĩ, ĩAyahũdi naĩkakia kwidũũma kukumuulaga kunsooko sika alutimulĩĩle ulutondo lwa wikyali udũũ, ĩpa numuĩta uNzua Tata waakue, nukĩtenda lika lĩmuĩ nuNzua umuene.