Yohana 4:36 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

³⁶ uMuogoli ukuligagiaa ĩkĩnauogoli nukwiilingĩĩla ĩmaogola kuupanga wa kalĩ nakalĩ, koona umuminzi numuogoli alumbe palumuĩ.

Yohana 4:36 Referans Kwoze

Alumĩ 1:13

Ĩpa anũna aane, sika numuloe muulie impola kĩna nkua ningĩ alĩ nukulomaa nĩĩze kunsiani, (koona ndigie inkali nukumuani gaa,) kĩna io nantĩĩte pakatĩ ya ndugu nzia; nangiligua sunga ityũngo lyolĩ.

Alumĩ 6:22

Ĩpaino pĩna mwakomolua kwipũnamumulandu nukwitũla asese a kĩNzua, mutĩĩte nsaĩlo yaani, ingĩ kwieeligua, nĩmpelo yaakue upanga wa kalĩ nakalĩ.

1 Timoteo 4:16

Ĩkendegeele uuue mukola, sunga uumania waako; wĩkakie muziizo, kuitĩ pĩna witenda itĩ, ukakĩgũna uuue mukola sunga ndĩo naakukũigia.

1 Atesaloniki 2:19

Kuitĩ uulaaĩĩli wĩĩtu ingĩ yaani, katia ilyumbi liĩtu, katia ĩngala ya kĩkũmia ntongela ya kĩShekulu wĩĩtu Yesu Kilisito pityũngo lya kuuza kumuakue. Sika uniiniene?

Matayo 19:29

Wensi nwalekile ĩnumba, katia anũna nĩagũlĩ, katia shee nunina nĩaana, katia mĩgunda kunsooko ya liina liane, ikiligia nukwiongeeligua nkua gyana, nukwishaala uupanga wa kalĩ nakalĩ.

Yohana 3:36

Nusuĩlĩĩle mwa kĩMuana utĩĩte uupanga wa kalĩ nakalĩ; nasikumusuĩlĩĩle uMuana sikukiona uupanga, ĩpa uutaki wa kĩNzua ukuĩmaa mumuakue.

Yohana 4:14

unuasio nukikopa ĩmaazĩ nanĩkakumupeela ĩne, sikukikolua kanoota sunga ĩkalĩ nakalĩ, ĩpa ĩmaazĩ nanĩkakumupeela mikitũla munsĩ yaakue nziĩlio ya maazĩ namakusamambaa sunga kuupanga wa kalĩ nakalĩ.”

Yohana 5:24

Tai-taaii namuĩĩla, “Nukũigagiaa ulukaani luane nukukumusuĩĩla naaluntumile utĩĩte uupanga wa kalĩ nakalĩ, sunga sika wipika muulamuli, ĩpa walegile muukiu, wingĩĩle muupanga.

Alumĩ 2:7

ĩaasio naakudũũmaa uukulu nikyulio nuusiitioononeka kuugigimĩlia wa kutenda namaaza, ikipeegua upanga wa kalĩ nakalĩ;

Alumĩ 6:23

Kuitĩ ĩkĩnamulĩmo kya mulandu ingĩ ukiu; ĩpa uupeegua wa kĩNzua ingĩ upanga wa kalĩ nakalĩ mwa kĩKilisito Yesu Shekulu wĩĩtu.

1 Akolinto 9:17

Kuitĩ malĩĩnitenda umulĩmo kuuloa waane ntĩĩte kĩnamulĩmo; malĩĩ sika kuuloa waane nasuĩlĩĩlue uukendegeeli.

1 Akolinto 9:18

Kiani ĩkĩnamulĩmo kiane? Ingĩ kyokĩ, yakĩna pĩna nitanantia, mpũnilie iMpola naNziiza pĩnakutilĩ kilyĩpo, iio ndekitumĩla uusũũmi waane nanuutĩĩte muMpola naNziiza.