Yohana 3:34 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

³⁴ Kuitĩ uzo, kunsooko sika ukumupũnagiaa uMuau kunzĩla ya kugelelana.

Yohana 3:34 Referans Kwoze

Utendi 10:38

impola za kĩYesu wa kuNazaleti, kĩna uNzua alumupakile ĩmakũta kuMuau Muelu ningũlũ; nduyo nupilima uko ninduuko nukwitenda naiiza nukukuakamia tũlũ naalemeeligue nũShetani, kunsooko uNzua alĩ ĩpalamuĩ ninduyo.

Yohana 15:26

Ĩpa pĩna waaza uMualĩĩlia nanĩkakumutuma ĩne kwipũna kwa kĩTata, uMuau nwa tai nupũnile kwa kĩTata, unuasio ukinkuĩla;

Matayo 12:18

“Laaa, umwĩtumi waane nanumusaaguĩle, Muloogua waane; nkolo yaane yukuloeelagiguaa nduyo. nĩkakumuĩĩkĩla uMuau waane mumuakue, Nduyo ukakuzitanantĩlia indugu nazĩngĩ ĩkulukuuluu.

Akolosai 2:9

Kunsooko mumuakue ukoolĩ uwijuli tũlũ-tũũlũũ wa kĩNzua kumpiani ya kĩmuĩlĩ.

Yohana 5:26

Iio gua, kĩna uTata utĩĩte upanga umuene, iio-iioo numupeela uMuana wĩĩ nuupanga umuene.

Luka 4:18

“uMuau wa kĩShekulu wĩĩlĩ mumuane, kuitĩ wampakile ĩmakũta kukuatanantĩlia ĩatũka iMpola na Nziiza. Untumile nĩatanantĩlie ĩatũngua uutũnguĩlua waao, nĩapokũ aone kangĩ, nĩatende akolelua naalĩ atuunĩĩligue,

Akolosai 1:19

Kunsooko mwa kĩuyo alĩ iloeelĩĩlie uwijuli tũlũ wakĩNzua wikyale,

Alumĩ 8:2

Kuitĩ uulagĩĩlio wa kiMuau wa upaanga naukoolĩ mwa kĩKilisito Yesu wantũngulĩĩle kwipũna muulagĩĩlio wa mulandu nuukia.

Yohana 7:16

ũYesu nuashookeelia nuũga, “uUmania waane sika waane, ingĩ waakue naaluntumile.

Yohana 3:17

Kuitĩ uNzua sikumutumile uMuana muna unkũmbigyulu waulamule uunkũmbigyulu, ĩpa uunkũmbigyulu ugũnue ninduyo.

Yohana 1:16

Numuwijuli waakue ishie tũlũ nakuanũnkula, ukende muukende.

Aepeso 3:8

Ĩne nanumuniino kwikĩla unuasio naalĩ muniino wa eelu tũlũ, alĩ numupeegue uukende uu, kukuatanantĩlia ĩa ndugu nazĩngĩ iMpola na Nziiza za ugolĩ wa kĩKilisito nasika usũũmile kwilĩngĩka;

Yohana 8:47

Nwa kĩNzua ukuziigagiaa inkaani za kĩNzua. Luulo inie sika mukũigagiaa kunsooko inie sika mwa kĩNzua.”

Ukũnukulua 22:1

Paapo nundagĩĩla umongo wa mazĩ ma upanga naukumĩlĩmĩntaa zĩ kĩlolelo, upũnile mwityengu lya kĩtemi lya kĩNzua, nĩlya Muana-nkolo,

Yohana 16:7

Ĩpa ĩne namuĩĩla ĩtai, yumũjĩpĩle inie ĩne ndege; kuitĩ kanga nsiitilega, uMualĩĩlia sika wijile kumiani; ĩpa kanga nende nĩkakumutuma kumuani.

Ukũnukulua 21:6

Numbuĩla, “Yakondaa kwitũla! Ine neene Alipa nĩOmega, Muandio nĩMpelo. Namukolue ĩnoota, nĩkakumupeela nakanda ĩmaazĩ namapũnile munjiĩlio ya maazĩ ma upanga.

Yohana 8:40

Ĩpaino mwidũũma kwimbulaga ĩne, nanumuntu nanukumuĩĩlaa ĩtai naalĩ nĩmiigilie kwa kĩNzua. uIbũlahimu sika alutendile itĩ.”

Utendi 1:2

sunga kulutondo pĩna alĩ musole kwienda kwigyulu, pĩna nukondia kukualagĩĩlia kunzĩla ya kĩMuau Muelu ĩatumua naaluasaaguĩle.