Yohana 3:32 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

³² Nuzioonie nukukuziigia, ziizo ukuzikuĩlaa; ĩpa kutilĩ nukugombaa uukuĩli waakue.

Yohana 3:32 Referans Kwoze

Yohana 3:11

Tai-taaii nakuĩĩla, nakulumanile kukulutambulaa; nakuluoonie kukulukuĩlaa, nuukuĩlĩ wĩĩtu sika mugombile.

Yohana 15:15

Sika nukumuĩta kangĩ asese, kunsooko umusese sika wĩĩzĩ kĩna ukutendaa ũshekulu waakue. Ĩnie numuĩtile asuaĩaane, kunsooko tũlũ zensi nanĩziigilie kwa kĩTata nukumulĩngagiaa.

Yohana 1:11

Nuuza kumuakue, ndĩo naalĩ aakue sika naamuanũnkula.

Yohana 8:26

Ntĩĩte ningĩ za kutambula nukwilamula kumuani; ĩpa uzo naaluntumile ingĩ wa tai, nineene naalĩ nĩziigilie kumuakue, ziizo nukutambulaa muna unkũmbigyulu.”

Yohana 5:20

Kunsooko uTata umuloogilue uMuana, ukumulagĩĩlaa tũlũ zensi nukuzitendaa umuene, nĩmĩlĩmo namĩkulu nangũlũ kwikĩla ĩĩ ukakumulagĩĩla, koona inie mukulĩlue.

Yohana 3:33

Uzo nuugombile uukuĩli waakue waĩĩkĩĩle lumenko ya kĩna uNzua ingĩ wa tai.

Yohana 3:26

Naamuagaana uYohana naamuĩĩla, “Mumania numukulu, unuasio naalĩ mwĩensi ninduue kwityũmbĩ liYolidani naalumukuĩlĩle ue, laaa nduzo wibadĩĩzia, nĩ tũlũ ensi akumuagaana.”

Matayo 7:8

Kuitĩ wensi nukulompaa ukuanũnkulaa; nduyo nukudũũmaa ukuonaa; nduyo nukuũgagiaa ukigyuĩlaguaa.

Yohana 18:37

Iio uPilatu numuĩĩla, “Ue umutemine gile?” ũYesu nushookeelia, “Kĩna ue waũgaa, ĩne neene numutemi. Ĩne alĩ numulelue kunsooko ĩĩ, nukunsooko ĩĩ nijile muna unkũmbigyulu, koona nkuĩle ĩtai. Wensi nwa tai ukunzigagiaa ululi luane.”