Yohana 3:27 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

²⁷ uYohana nushookeelia nuũga, “uMuntu sika wishũũma kwiaanũnkula kakĩntu ĩsika mupeegue kwipũna kwigyulu.

Yohana 3:27 Referans Kwoze

Yakobo 1:17

uUpeegua wensi nauuza, nĩkĩpeelo kiensi nakĩkamĩnkĩĩlũ kĩpũnile kukiania nakĩtima kwipũna kwa kĩTata wa weelu; kumuakue kutilĩ kaukaĩlĩkĩ kĩna mulũle naukukailĩkaa.

1 Akolinto 4:7

Kuitĩ waani nukuoonie wĩkĩlankĩlile numĩaako? Kangĩ utĩĩte kĩntu kĩ nasikukianũnkuĩle? Malĩĩ alĩ waanũnkuĩle, nĩkĩ ukĩkũmazukia kĩna zĩ sika alĩ waanũnkuĩle?

1 Akolinto 15:10

Ĩpa kuukende wa kĩNzua ntũlile kĩna nĩĩlĩ; nuukende waakue kumuane sika nakanda, ĩpa nanĩkamatĩkia kukĩtuma umulĩmo kwikĩla io tũlũ, ĩpa sika neene, ingĩ ukende wakĩ Nzua nawĩpalumuĩ nineene.

Matayo 25:15

Umuĩ numupeela talanta zitaano umuua zibĩlĩ, umuua ĩmuĩ, muntu wensi kuusũũmi waakue; pembele nulongola.

1 Timoteo 2:7

Nineene alĩ numuĩĩkue ntũle mutanantia wa mumpola zaasio, kangĩ mutumua; (ntambuĩle ĩtai, sika ntambuĩle kaulongo), ntũle mumania wa ndugu nazĩngĩ mumpola za usuĩĩli nĩtai.

Matayo 21:25

uUbadĩĩzo wa kĩYohana alĩ upũnile mpĩĩ? Alĩ upũnile kwigyulune kanga kuaana antu? Naĩĩ kĩsĩĩgia eene kueene, naiũga, Kanga kuũge upũnile kwigyulu, ukakukuĩĩla, ‘Nĩkĩ gua, sika namumusuĩĩla?’

Alumĩ 12:6

Kuitĩ gua, kutĩĩte ipeegua nayĩkĩlankĩlile, kwilika lya ukende naalĩ kuapeegue; kanga wĩĩ unakĩdagu, kuupũnie uunakĩdagu kwilika lya usuĩĩli wĩĩtu;

Maliko 13:34

Ikitũla zĩ muntu nutũngile musĩnzo kulĩ, nuleka ĩnumba yaakue, nuapeela ĩĩtumi aakue uusũĩmi, wensi umulĩmo waakue, numulagĩĩlia umulindĩĩla-mulango wakengeale.

Aepeso 1:1

Paulo, mutumua wa kĩKilisio Yesu kuulooa wa kĩNzua, namuandĩkĩla inie eelu namukoolĩ kuEpeso, namuasuĩĩli mwa kĩKilisito Yesu.

Agalatia 1:1

Paulo mutumua, sika numutumue nĩantu katia kunzĩla ya kĩuntu, ĩpa kunzĩla ya kĩYesu Kilisito nuNzua Tata naalumũiukilie kwipũna muakiu.

1 Akolinto 12:11

Ĩpa ĩmĩlĩmo ĩĩ tũlũ yensi yĩkĩtumaguaa nuMuau uuyo umuĩ, nwioomolania muntu wensi muna muloele umuene.

1 Akolinto 3:5

uApolo gua waani? NuPaulo gua waani? Ingĩ ĩtumi nukuwĩtumi waao namusuĩĩla, muntu wensi muna ũShekulu alumupeelĩĩle.

Alumĩ 1:5

Numumuakue umuene nakuanũnkula uukende nuutumua, koona kuzimanie indugu tũlũ zensi uugombigua wa usuĩĩli kunsooko ya liina liakue.

1 Akolinto 1:1

Paulo, naalĩ numuĩtue kwitũla mutumua wa kĩKilisito Yesu kuuloa wa kĩNzua, nuSositene umunũna wĩĩtu,

Yohana 6:65

Nuũga, “Kunsooko ĩĩ aza mumuĩĩlĩĩle kĩna ukutilĩ nusũũmile kwiiiza kumuane kanga ĩsika mupeegue nuTata.”

Yohana 10:41

Iingĩ naamuagaana, naaũga, “uYohana sikaalutendile kĩlĩngasĩĩlio kakĩmuĩ, ĩpa zensi naalutambuĩle uYohana mumpola za kĩuyu alĩ za tai.”