Yohana 3:21 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

²¹ Uyo gua nukumĩtendaa ĩtai ukuuzaa kuwelu, itĩ uutendi waakue wigyelele kĩna utendue mwa kĩNzua.

Yohana 3:21 Referans Kwoze

1 Yohana 1:6

Kanga kuũge ya kĩna kukamantĩĩne ninduyo nukwigendela muwiilu kwalomboka, sunga sika kutendile naza tai.

3 Yohana 1:11

Muloogua, uleke kuutiata uubĩĩ, ĩpa uutiate uuza. uNuasio nukutendaa naiiza ingĩ wakĩ Nzua, ĩpa nukutendaa naibĩĩ sikumuoonie uNzua.

Aepeso 5:9

Kuitĩ ĩnkali ya weelu ĩkoolĩ muuuza tũlũ nĩkulukuuluu nĩtai),

Apilipi 2:13

Kuitĩ ingi Nzua muene nukĩtumaa umulĩmo munsĩ yaani, kwishiia kumiani sunga kwitenda kumiani kwilika lya ulooa waakue nauuza.

Agalatia 6:8

Kunsooko unuasio nukupandĩlaa kumuĩlĩ waakue umuene, muumo mumuĩlĩ ukiogola uuolũ; ĩpa unuasio nukupandĩlaa kwa kĩMuau, muumo mwa kĩMuau ukiogola uupanga wa kalĩ nakalĩ.

1 Petelo 1:22

Pĩna namuzeelia inkolo zaani kukumĩgombia ĩtai, mwĩloogekigue nkankanaa mukĩnũna, ĩkutilĩ kaunamampĩlu; ĩkakiĩ gua kukĩloogua kunkolo nanzelu.

Aebulania 13:21

wamusũũmĩkie muutendi wensi nauuza koona mutende uulooa waakue, nduyo wĩtume munsĩ yaani nalukuloeelagiaa ntongela yaakue kunzĩla ya kĩYesu Kilisito; kumuakue nawĩĩ ukulu ĩkalĩ nakalĩ. Amini.

Akolosai 1:29

Nineene nĩkĩtumĩkia umulĩmo uu kwilika lya ngũlũ zaakue nukĩtuma umulĩmo munsĩ yaane kungũlũ.

Apilipi 1:11

Mũjuligue inkalĩ za kulukuuluu kunzĩla ya kĩYesu Kilisito, kuukulu nulukũmo lwa kiNzua.

Yohana 5:39

Mukuukeesekagiaa uwandĩkua, kuitĩ inie mukusĩĩgaa kĩna muumo mutĩĩte uupanga wa kalĩ nakalĩ; uwaasio uuo unkuĩlĩĩle ĩne.

Yohana 1:47

ũYesu numuona uNatanaeli wijile kumuakue, nutambula mumpola zaakue; “Laaĩ muĩSilaeli wa tai-taaii, kutilĩ kaupembeelia mumuakue!”

2 Akolinto 1:12

Kuitĩ kukĩkũmazukia kumuĩtu nsuuku, uukuĩli wa mioo yĩĩtu ingĩ kuweelu nuugolokũ naupũnile kwa kĩNzua, sika kumasala ma kĩmuĩlĩ, ĩpa kuukende wa kĩNzua alĩ kwikyalile muna unkũmbigyulu, nangũlũ gua kunsiani inie.

1 Akolinto 15:10

Ĩpa kuukende wa kĩNzua ntũlile kĩna nĩĩlĩ; nuukende waakue kumuane sika nakanda, ĩpa nanĩkamatĩkia kukĩtuma umulĩmo kwikĩla io tũlũ, ĩpa sika neene, ingĩ ukende wakĩ Nzua nawĩpalumuĩ nineene.

Ukũnukulua 3:15

Manile uutendi waako, ya kĩna sika umupolo sunga sika umupiu; aza ijilitũla iiza kanga ĩutulile wĩmupolo katia umupiu!

Yohana 3:20

Tũlũ wensi gua nukumatendaa namabĩĩ ukuusuukĩlaguaa uweelu. Sikukuuzaa kuweelu, uutendi waakue ulekitakĩlua.

Yohana 7:17

Wensi kanga waloogue kwitenda uulooa waakue, ukakuulĩnga uumanigua uu, kĩna upũnile kwa kĩNzua katia nĩkĩtambulĩlia ning'ene.