Yohana 3:15 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹⁵ Koona tũlũ wensi nusuĩlĩĩle mumuakue wĩĩ nuupanga wakalĩ nakalĩ.

Yohana 3:15 Referans Kwoze

Yohana 3:16

Iti yoi uNzua aluulogilue uunkũmbigyulu, sunga numupũnia uMuana waakue wing'ene, koona tũlũ wensi nusuĩlĩĩle mumuakue walekilimĩĩla, ĩpa wĩĩ nuupanga wa kalĩ nakalĩ.

Yohana 6:40

Kuitĩ uu wau uulooa wa kĩtata waane, tũlũ wensi nukumulaaa uMuana nukwishuĩĩla mumuakue, wĩĩ nuupanga wa kalĩ nakalĩ; nineene nĩkakumũiukia palutondo lwa mpelo.”

Yohana 3:36

Nusuĩlĩĩle mwa kĩMuana utĩĩte uupanga wa kalĩ nakalĩ; nasikumusuĩlĩĩle uMuana sikukiona uupanga, ĩpa uutaki wa kĩNzua ukuĩmaa mumuakue.

Yohana 20:31

ĩpa izi nandĩkue koona musuĩĩle kĩna ũYesu ingĩ Kilisito Muana wa kĩNzua, numuusuĩĩli muĩ nuupanga muliina liakue.

1 Yohana 5:1

Tũlũ wensi nukusuĩĩla kĩna ũYesu ingĩ Kilisito mulelue nuNzua. Tũlũ wensi nukumuloogaguaa umukola kulela, ukumuloogaguaa ninduzo namulelue nduyo.

Aebulania 7:25

Iio gua, usũũmile kukuagũna sunga kumpelo ĩaasio naakumusũgamĩĩla uNzua kwa kĩuyo, kunsooko ukoolĩ mupanga intondo tũlũ, koona waalompeele.

1 Yohana 5:20

Kumanile ya kĩna uMuana wa kĩNzua waazile nduyo wakupĩĩle uulĩngi, koona kumulĩnge uzo nwa tai, nindiishie kukoolĩ munsĩ yaakue nwa tai, ingĩ munsĩ ya Muana waakue ũYesu Kilisito. Uyu wayu Nzua nwa tai, nuupanga wa kalĩ nakalĩ.

Yohana 6:47

Tai-taaii namuĩĩla, nusuĩlĩĩle utĩĩte uupanga wa kalĩ nakalĩ.

Yohana 1:12

Ĩpa tũlũ naalĩ amuanũkuĩle nuapeela usũũmi atũle aana a kĩNzua, naasuĩlĩĩle muliina liakue,

Yohana 5:24

Tai-taaii namuĩĩla, “Nukũigagiaa ulukaani luane nukukumusuĩĩla naaluntumile utĩĩte uupanga wa kalĩ nakalĩ, sunga sika wipika muulamuli, ĩpa walegile muukiu, wingĩĩle muupanga.

Luka 19:10

Kuitĩ uMuana-muntu alĩ wijile kwidũũma nukwigũna naalĩ kĩlimĩlĩĩle.”

Agalatia 2:16

kumanile kĩna umuntu sikukualĩĩlagiguaa ĩkulukuuluu kuutendi wa Ulagĩĩlio ĩpa kunzĩla ya usuĩĩli mwa kĩYesu Kilisito, nindiishie nakusuĩĩla mwa kĩKilisito, Yesu koona kualĩĩligue ĩkulukuuluu kuusuĩĩli mwa kĩKilisito, sika kuutendi wa Ulagĩĩlio, kunsooko kutilĩ kamukola muĩlĩ nwakualĩĩligua ĩkulukuuluu kuutendi wa Ulagĩĩlio.

1 Yohana 2:25

Nĩndĩĩlĩ lyolĩ lyago naalukulagĩĩle ishie, uupanga wakalĩ nakalĩ.

Aebulania 10:39

Ĩpa ishie kukutilĩ mumiao naakushookaa kĩnsengeluma nukwilimĩĩla, ĩpa kukoolĩ pakatĩ yaao naatĩĩte uusuĩĩli nukwikendegeela inkolo zaao.

Utendi 8:36

Pĩna alĩ alonguĩle naapika pamaazĩ, numulindĩĩla-nsao nuũga, “Laa ntaaya ĩmaazĩ; yaani naingilia ndekibadĩĩzigua.”

Maliko 16:16

Nusuĩlĩĩle nukwibadĩĩzigua ukigũnĩka; nasikusuĩlĩĩle ukilamulua.

Agalatia 2:20

Nakonontelĩĩlue mumusalaba palumuĩ nuKilisito, ĩpa itĩ numupanga; kangĩ sika neene nanumupanga, ĩpa uKilisito muene mupanga munsĩ yaane; nuupanga nanuutĩĩte ĩpaino mumuili, nuutĩĩte kuusuĩĩli muMuana wa kĩNzua naalundoilue nwĩsuula umuene kunsooko yaane.

2 Akolinto 4:3

Impola na Nziiza nakutanantilie malĩĩ zikũnĩkĩlua, zikũnĩkĩlua kumuao nailimila.

1 Akolinto 1:18

Kunsooko ulukaani lwa musalaba kuĩo naalĩmĩlĩĩle ingĩ ulu, ĩpa kumuĩtu ishie nakuagũnue ingĩ ngũlũ za kĩNzua.

Alumĩ 5:21

Itĩ yoi kĩna umulandu nalĩ utemile muukiu, iio-iioo nuukende uteme kunzĩla ya kulukuuluu kuupanga wa kalĩ nakalĩ kunzĩla ya kĩYesu Kilisito Shekulu wĩĩtu.

Utendi 13:41

Laaĩ inie namukumelaa, kulĩluĩ, musile; Kunsooko nĩkĩtuma umulĩmo muntondo zaani, Mulĩmo nasika mukishuĩĩla kaiiniino Anga umuntu wamuganuĩle.”

Matayo 18:10

“Laaĩ, muleke kumumela umuĩ wa ĩa naaniino, kuitĩ namuĩĩla kĩna ĩamalaĩka aao kwigyulu ntondo zensi akuulaaa uusiu wa kĩTata waane nuĩlĩ kwigyulu.

Yohana 16:33

Izi alĩ numuĩĩlĩĩle muĩ nĩmatiliga mumuane. Muna unkũmbigyulu mutĩĩte luago ĩpa kamiĩ nkolo; ĩne naudulile uunkũmbigyulu.”

Matayo 25:46

Ĩa ikilega ingĩle muukasigua wa kalĩ nakalĩ, ĩpa ĩakola kulukuuluu muupanga wa kalĩ nakalĩ.”

Yohana 6:27

Muleke kĩtuma umulĩmo kunsooko ya ndia nyukoononekaa, tazu kunsooko ya ndia nyĩkikyalaa sunga upanga wa kalĩ nakalĩ, uMuana-muntu nukakumupeela; kuitĩ uyu wayu namuĩĩkĩlue ulumenko nuTata Nzua.”