Yohana 21:17 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹⁷ Numuĩĩla kautatu, “Simoni shaYohana, undoiluene?” uPetelo nuona usungu kunsooko alĩ waamuĩĩla kautatu, “Undoiluene.” Numuĩĩla, “Shekulu, umanile tũlũ, ulĩngile kĩna nukuloilue.” ũYesu numuĩĩla, “Lĩĩsia ipikolo piane.

Yohana 21:17 Referans Kwoze

Yohana 13:38

ũYesu nushookeelia; Ukĩpũniane uuumĩ waako kunsooko yaane. Tai-taaii nakuĩĩla, uMumbĩ sika ukikunkula pina uwe ukawankana nkua zitatu.

Maliko 14:72

Ĩkamuĩ umumbĩ nukunkula nkua ya kabĩlĩ. uPetelo nulũjuka ulukaani luasio naalĩ muĩĩlue nũYesu, “uMumbĩ ĩkaa wikaalĩ kalakunkula nkua zibĩlĩ, ukinkaana nkua zitatu.” Pĩna nulupindĩkia, nulĩla.

Yohana 16:30

Ĩpaino kumanile kĩna umanile tũlũ-tũũlũũ, sika wishiia tũlũ wensi wakukolie; luulo kwasuĩĩla kĩna ue upũnile kwa kĩNzua.”

Ukũnukulua 2:23

nineene nĩkakuaulaga ĩaana aakue kuukiu. Nĩmakanisa tũlũ mikilĩĩnga kĩna neene nukukeesagiaa moo nĩnkolo. Nineene nĩkakumupeela muntu wensi kumiani kwilika lya utendi waakue.

Aepeso 4:30

Kangĩ muleke kumupeela usungu uMuau Muelu wa kĩNzua, nakumuakue alĩ muaĩĩkĩlue umuhũli sunga kulutondo lwa ukomolua.

Utendi 15:8

uNzua numanile inkolo, nuakuĩla nuapeela uMuau Muelu kĩna yoi naalukupĩĩle nindiishie,

Yohana 15:10

Kanga mukendegeele ĩmalagĩĩlio maane, mukakikyala muuloogua waane, kĩna uneene naalĩ nĩmakendegelĩĩle ĩmalagĩĩlio ma kĩTata waane, nanikyala muuloogua waakue.

Yohana 14:15

Kanga mundoogue mukikendegeela ĩmalagĩĩlio maane.

2 Petelo 3:1

Aloogua, ĩĩ yaĩ mbalua ya kabĩlĩ nanukumuandĩkĩĩla; muzaasio nazibĩlĩ nalaĩlia ĩmasĩĩgo maani namaaza kukumũjukia,

1 Petelo 1:6

Mwilumbĩkia kunsooko yaakue, kanga ĩpaino kwityũngo, itũle yumũjĩpĩĩle kwiona usungu kumagemua mĩkulĩ kulĩ,

2 Akolinto 1:12

Kuitĩ kukĩkũmazukia kumuĩtu nsuuku, uukuĩli wa mioo yĩĩtu ingĩ kuweelu nuugolokũ naupũnile kwa kĩNzua, sika kumasala ma kĩmuĩlĩ, ĩpa kuukende wa kĩNzua alĩ kwikyalile muna unkũmbigyulu, nangũlũ gua kunsiani inie.

Utendi 1:24

Naatũlilompa, naaũga, “Ue Shekulu numanile inkolo za antu tũlũ, kulagĩĩle waani numusaaguĩle muĩĩa naabĩlĩ,

Yohana 18:27

Paapo uPetelo nukaana kangĩ; ĩkamuĩ umumbĩ nukunkula.

Yohana 18:4

Iio ũYesu kunsooko alumanile tũlũ nazĩkakumuagaana, nupũna nuaĩĩla, “Mukumudũũma waani?”

Yohana 12:8

ĩAtũka mwĩensi intondo tũlũ, ĩpa ĩne sika kwĩensi kantondo tũlũ.”

Matayo 25:40

uMutemi ukakuashookeelia, ‘Tai namuĩĩla, kĩna alĩ mukumutendela umuĩ waao wa anũna aane naaniino, alĩ mukutndelaa uneene.’

Ukũnukulua 3:19

Ĩpa nukuanaganĩlaa tũlũ nanĩaloilue, nukukualanga; luulo gua, utũle nukamatĩkũ, upele.

Yohana 21:18

Tai-taii nakuĩĩla, Pĩna alĩ umusumba ulukĩtũngaa nukwiumba kĩna umuloe, ĩpa pĩna ukinampaala, ukigolola ĩmĩkono yaako, wĩngĩ ukakukutũnga, ukakukutuala kĩna sikumuloe.”

Yohana 4:16

ũYesu numuĩĩla, “Lenda umuĩte umugoosia waako ushooke kunu.”

Utendi 11:10

uLukaani ulu nalũngyeleela nkua zitatu, pembele iintu yensi naishookigua kwigyulu.