Yohana 20:21 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

²¹ Iio ũYesu nuaĩĩla kangĩ, “Matiliga mĩĩ kumiani. Kĩna uTata aluntumile ĩne, nineene nukumutuma inie.”

Yohana 20:21 Referans Kwoze

Yohana 13:20

Tai-taaii namuĩĩla, uNuasio nukumuanũnkula wensi nanumutumile ukunanũnkulaa uneene; nduyo nukunanũnkulaa ĩne ukumuanũnkulaa uzo naaluntumile.”

Yohana 3:17

Kuitĩ uNzua sikumutumile uMuana muna unkũmbigyulu waulamule uunkũmbigyulu, ĩpa uunkũmbigyulu ugũnue ninduyo.

Utendi 1:8

Ĩpa mukiaanũnkula ingũlũ pĩna uMuau Muelu wamuuzĩĩla; niniinie mukitũla akuĩli aane mũYelusalemũ numuUyahũdi wensi numuSamalia, sunga kumpelo ya nsĩĩ.”

2 Timoteo 2:2

Nĩzaasio naaluziigilie kumuane ntongela ya akuĩili iingĩ, uziĩĩke kumiao naasuĩĩli naikishũũma kukuamania nĩnaĩngĩ gaa.

Matayo 10:40

“Nukumuanũnkulaa inie, ukunanũnkulaa uneene; nduzo nukunanũnkulaa ĩne, ukumuanũnkulaa naaluntumile.

Matayo 10:16

“Laaĩ, ĩne namutuma zĩ nkolo pakatĩ ya iyĩngi; luulo gua, muĩ asugũ zĩ nzoka; muĩ muagila kautiulia zĩ nkunda.

Yohana 14:27

ĩMatiliga namulekela; ĩmatiliga maane namupeela, ĩne nukumupeelaa sika kĩna uunkũmbigyulu naukumupeelaa. iNkolo zaani zilekikankanala sunga zilekiopoka.

Aebulania 3:1

Luulo gua anũna namwĩeelu, namukamantĩĩne muwĩĩtua wa kwigyulu, musĩĩgĩkiĩ ũYesu, mutumua kangĩ mupolia namukulu wa ukũmuuli wĩĩtu.

Yohana 20:19

Pĩna nĩtũla mpĩndĩ ya lutondo luasio lwa muandio lwijũma, injĩĩgĩ alĩ ngyalĩlue muasio muna alĩ ĩĩlĩ ĩamanigua kunsooko ya koopooka ĩAyahũdi, nuuza ũYesu nuĩmĩka pakatĩ, nuaĩĩla, “Matiliga mĩĩ kumiani.”

Luka 24:36

Pĩna alĩ itambula ĩzaasio, uyo muene nuĩmĩka pakatĩ yaao, nuaĩĩla, “Matiliga mĩĩ kumiani.”

Yohana 20:22

Pĩna nutambula izi, nuasũũpĩla, nuaĩĩla, “Aanũnkulĩ uMuau Muelu.

Yohana 20:26

Nazikĩla intondo munaana, ĩamanigua aakue alĩ akoolĩ munumba kangĩ, nuTomaso palumuĩ ndĩo ũYesu nuuza, injĩĩgĩ alĩ zigyalĩlaguaa, nuĩmĩka pakatĩ, nuũga, Matiliga mĩĩ kumiani.

Utendi 1:2

sunga kulutondo pĩna alĩ musole kwienda kwigyulu, pĩna nukondia kukualagĩĩlia kunzĩla ya kĩMuau Muelu ĩatumua naaluasaaguĩle.

3 Yohana 1:14

ndaaĩlĩĩle kukukuona kuukaũ, kwĩtambuĩle ninduue mulomo kumulomo.