Yohana 20:19 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹⁹ Pĩna nĩtũla mpĩndĩ ya lutondo luasio lwa muandio lwijũma, injĩĩgĩ alĩ ngyalĩlue muasio muna alĩ ĩĩlĩ ĩamanigua kunsooko ya koopooka ĩAyahũdi, nuuza ũYesu nuĩmĩka pakatĩ, nuaĩĩla, “Matiliga mĩĩ kumiani.”

Yohana 20:19 Referans Kwoze

Yohana 20:26

Nazikĩla intondo munaana, ĩamanigua aakue alĩ akoolĩ munumba kangĩ, nuTomaso palumuĩ ndĩo ũYesu nuuza, injĩĩgĩ alĩ zigyalĩlaguaa, nuĩmĩka pakatĩ, nuũga, Matiliga mĩĩ kumiani.

Yohana 14:27

ĩMatiliga namulekela; ĩmatiliga maane namupeela, ĩne nukumupeelaa sika kĩna uunkũmbigyulu naukumupeelaa. iNkolo zaani zilekikankanala sunga zilekiopoka.

Yohana 20:21

Iio ũYesu nuaĩĩla kangĩ, “Matiliga mĩĩ kumiani. Kĩna uTata aluntumile ĩne, nineene nukumutuma inie.”

Aepeso 2:14

kuitĩ uyo muene matiliga mĩĩtu, naalukutendile ishie naalĩ kuabĩlĩ kwitũla umuĩ, nukĩleegia ĩkĩgilia ĩkya pakatĩ, ĩkya ulugu naalĩ kyukutemanuĩle.

2 Atesaloniki 3:16

Ĩpaino, ũShekulu wa matiliga muene wamupeele ĩmatiliga ntoondo zensi kunzĩla tũlũ. Shekulu wĩĩ palumuĩ niniiie tũlũ.

Yohana 7:13

Ĩpa kutilĩ naalumutambuĩle paantu kunsooko ya koopoka ĩAyahũdi.

Maliko 16:14

Pembele nũigyeleela aasio naikyumi numuĩ pĩna alĩ ilĩa, nuatakĩla kuusiitishuĩĩla waao nuukakũ wa nkolo zaao, kuitĩ sika alĩ aasuĩlĩĩle ĩaasio naalĩ amuoonie pĩna alĩ wiiukile kwipũna muakiu.

Ukũnukulua 1:4

Ĩne Yohana, namandĩkĩla ĩmakanisa namamupũngatĩ namĩĩlĩ muAsia, uUkende wĩĩ kumiani nĩmatiliga namapũnile kumuakue uyo nukoolĩ, nĩnaalukoolĩ nĩnukiiiza; nĩnazipũnile kunkolo mupũngatĩ nazĩĩlĩ ntongela ityegu liakue lya kĩtemi,

1 Akolinto 15:5

nĩya kĩna numũgyeleela uKefa nĩnaikyumi naabĩlĩ.

Yohana 16:33

Izi alĩ numuĩĩlĩĩle muĩ nĩmatiliga mumuane. Muna unkũmbigyulu mutĩĩte luago ĩpa kamiĩ nkolo; ĩne naudulile uunkũmbigyulu.”

Aebulania 7:2

uIbũlahimu numoomoela ityũmpĩ likyumi lya iintu tũlũ. Taangua ĩndogolelio ya liina liakue, ingĩ mutemi wa kulukuuluu, kangĩ mutemi wa Salemũ, kuitĩ ingĩ mutemi wa matiliga.

Apilipi 1:2

uUkende wĩĩ kumiani nĩmatiliga namapũnile kwa kĩNzua Tata wĩĩtu nukwa kĩShekulu Yesu Kilisito.

Aepeso 6:23

Matiliga mĩĩ, kuanũna, nuuloogua palumuĩ nuusuĩĩli naupũnile kwa kĩNzua Tata, nukwa kĩShekulu Yesu Kilisito.

Alumĩ 15:33

uNzua wa matiliga wĩĩpalumuĩ niniinie tũlũ. Amini.

Yohana 16:22

Iio niniinie mutĩĩte uusungu ĩpaino, ĩpa nĩkakumuona kangĩ ninkolo zaani zikilumba, nuulumbi waani ukutilĩ nukumuleegelia.

Matayo 18:20

Kuitĩ naabĩlĩ katia naatatu pĩna ĩlundĩlĩĩle kuliina liane, nineene nkolĩ paapo pakatĩ yaao.”

Matayo 10:13

nĩnumba kanga ijĩpĩĩle, matiliga maani mĩĩ muasio; malĩĩ ĩsikijĩpĩĩle, matiliga maani mamushookele.

Yohana 21:1

Pembele ũYesu nwĩambia kangĩ kuamanigua pananza ya Tibelia; alĩ wĩambilie itĩ.

Yohana 21:14

Ĩi yoi alĩ nkua ya katatu ũYesu kukĩambia ntongela ya amanigua pĩna nũiuka kwipũna muakiu.

Utendi 1:3

Kuaasio nũigyeleela kĩna mupanga kuukuĩlĩ wingĩ pĩna nukondia kwiaagigua, nuĩ kũigyeleelaa kuntondo makumi manĩĩ nukwitambula impola za utemi wa kĩNzua.

3 Yohana 1:14

ndaaĩlĩĩle kukukuona kuukaũ, kwĩtambuĩle ninduue mulomo kumulomo.