Yohana 19:30 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

³⁰ ũYesu pĩna nuukopa umubinio namukalĩ nuũga, “Yakondaa.” Nusũnĩnkĩlia ityũe, nutiĩka ĩnkolo.

Yohana 19:30 Referans Kwoze

Yohana 17:4

Ĩne alĩ nukukulĩlie muna nsĩĩ; nanuumalĩĩlia umulĩmo naalumpĩĩle nuutume.

Apilipi 2:8

kangĩ pĩna naamulaa, nwigyelela kwilika lya kĩuntu udũũ, alĩ wĩniinupilie, nugombia sunga ĩnkia, ndĩo ĩnkia ya musalaba.

Aebulania 12:2

ĩkumulaaĩlĩĩle ũYesu. mukola kuandĩĩlia, numukola kukamĩnkĩĩlia uusuĩĩli wĩĩtu. uMuene kunsooko ya ulumbi naalĩ uĩĩkue ntongela yaakue aluugigimĩĩlie umusalaba nukũshiitikolua inshoni, wikyalansile pa mukono wa kĩgoosia pityengu lya kĩtemi lya kĩnzua.

Yohana 10:11

“Ĩne neene numudĩĩmi namuuza. uMudĩĩmi namuuza ukuupũnagiaa uumĩ waakue kunsooko ya nkolo.

Luka 23:46

ũYesu nwĩtunta kululi lukulu nuũga; Tata mumĩkono yako namĩĩĩka ĩnkolo yaane.

Alumĩ 10:4

Kuitĩ uKilisito alukondelĩĩlie uUlagĩĩlio, kĩna wensi nusuĩlĩĩle waaalĩĩligue ĩkulukuuluu.

Yohana 19:28

Pembele ũYesu pĩna numana kĩna tũlũ zakondagiguaa uwandĩkua utimĩĩligue, nuũga, “Nakolua noota.”

Maliko 15:37

NũYesu nwĩtunta ululi, nutiĩka ĩnkolo.

Yohana 10:18

Ukutilĩ nukundeegelagiaa, ĩpa ĩne nuupũnilie uneene. Ntĩĩte usũũmi wa kuupũnua; ntĩĩte usũũmi wa kuusola kangĩ. Ilyangĩĩlio ĩlĩ alĩ naanũnkuĩle kwa kĩTata waane.”

Yohana 4:34

ũYesu nuaĩĩla, “ĩNdia yaane ntĩĩ,” ntende uulooa waakue naaluntumile, “Nuumalĩĩlie umulĩmo waakue.

Matayo 20:28

Kĩna iio uMuana-muntu sika wijile kukĩtumĩlua, ĩpa kukĩtuma, nukwipũnia uuumĩ wakue wĩĩ kĩkomoli kunsooko ya iingĩ.”

Matayo 27:50

Paapo ũYesu mwĩtunta kangĩ kululi lukulu, nutiĩka ĩnkolo.

Aebulania 9:22

NumuUlagĩĩlio piipĩ intu tũlũ yukuelagiguaa kumugali, nĩpĩna sika wiitĩkĩle umugali, kutilĩ kaulekelua.

Alumĩ 3:25

Uyo uNzua numuPũnilie watũle tyengu lipyolia kunzĩla ya usuĩĩli mumugali waakue. Itĩ walagĩĩle ĩkulukuuluu yaakue, kunsooko ya kuĩleka ĩmĩlandu naalĩ ĩtongĩĩle kwitendua muugigimĩlia wakĩnzua.

Matayo 3:15

ũYesu numushookeelia, numuĩĩla. Ĩpaino naitũle iio! Kuitĩ yukũjĩpĩĩle kwitimĩĩlia ĩkulukuuluu tũlũ.

1 Akolinto 5:7

Luulo gua, muuleegie ugaasũ wakalĩ koona muĩ pyũli nĩpia, kĩna iio namuĩlĩ muagila kaugaasũ. Kuitĩ ĩnkolo ya Pasaka yĩĩtu alĩ mpũnigue pyolia, muene uKilisito.

Luka 22:37

Kuitĩ namuĩĩla, ‘Ulo naalĩ luandĩkue ijĩpĩĩle lutimĩĩligue mumuane kutilĩ kawĩnegelo,’ ya kĩna, alĩ mualĩĩligue palumuĩ nĩatimuli. Kuitĩ naluandĩkue mumpola zaane lwatimĩĩlagiguaa.”