Yohana 19:26 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

²⁶ ũYesu pĩna numuona unina numumanigua naalumuloilue wĩĩmĩkile piipĩ, numuĩĩla uniina, “Maau, laaa umuana waako.”

Yohana 19:26 Referans Kwoze

Yohana 21:24

Uyu wayu mumanigua nukuĩlĩĩle izi, nuzandĩkile izi; kumanile kĩna uukuĩlĩ waakue ingĩ tai.

Yohana 20:2

Iio numanka, nuenda kwa kĩSimoni Petelo nukumumanigua muua, unuasio ũYesu naalumuloilue, nuaĩĩla, “Amuleegagiaa ũShekulu mukĩbĩĩla, sika kumanile kĩna amuĩĩkile.”

Yohana 13:23

Alukoolĩ umuĩ wa amanigua aakue naalumuegamĩĩle ũYesu mukĩkũa kiakue, uzo ũYesu naalumuloilue.

Yohana 2:4

ũYesu numuĩĩla, “Maau, Ya yaani ĩne ninduue? Ityũngo liane sika lyalaaza.”

Yohana 21:7

Paapo umumanigua nuasio ũYesu naalumuloilue numuĩĩla uPetelo, “Ingĩ Shekulu.” uSimoni Petelo pĩna nũigia kĩna ingĩ Shekulu, nwĩtũnga ĩntiila kunsooko alĩ ukĩpũĩ, nutima munanza.

Yohana 21:20

uPetelo nupĩluka, numuona umumanigua ũYesu naalumuloilue utiatĩlĩĩle, uuzo naalĩ weegamĩĩle mukĩkũa kiakue pandia; numuĩĩla, “Shekulu, waani ukakukusakia ue?”