Yohana 19:23 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

²³ Paapo ĩĩlaasi, pĩna naamukononteela ũYesu mumusalaba, naasola intiila zaakue, naaziĩĩka matũmpĩ manĩĩ, mwĩlaasi wensi ityũmpĩ liakue; numunkũmbĩ. Ĩpa munkũmbĩ sika alĩ mutũmĩnkanigue, alĩ mutũmue udũũ, kwipũna kukiania.

Yohana 19:23 Referans Kwoze

Luka 23:34

ũYesu nuũga, “Tata ualekele, kunsooko sika amanile naakumatenda.” Naoomolania intiila zaakue naazikuĩla nsimbi.

Maliko 15:24

Naamukononteela mumusalaba, naoomolana intiila zaakue, naazikuĩla nsimbi, muntu wensi wasole kĩ.

Matayo 27:35

Pĩna naamukononteela mumusalaba naoomolana intiila zaakue, naazikuĩla nsimbi (koona lutimĩĩligue ulukaani naalĩ lutambulue numunakĩdagu. Naoomolana intiila zaane pakatĩ yaao, nĩlyumunkũmbĩ liane naalĩkuĩla nsimbi).

Utendi 12:4

Pĩna numuguĩla, numũingĩlia mukĩtũngo, numuĩĩkĩla mumĩkono ya maũmbĩ manĩĩ ma ĩlaasi, iyũmbĩ liensi ĩlaasi anĩĩ, amulindĩĩle, alusiiile wamupũnie wamũgyelelie ntongela ya antu pĩna ulutondo lwa Pasaka lwakĩla.