Yohana 19:13 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹³ Paapo uPilatu pĩna nuziigia izi, numupũnia ũYesu kunzi; nwikyalansa mwityengu lya ulamuli pana yĩĩtue kĩanda kya magũe, kuKĩebũlania, Gabata.

Yohana 19:13 Referans Kwoze

Matayo 27:19

Pĩna alĩ wikyalansile mwityengu lya ulamuli, umusungu waakue nutuma impola kumuakue, nuũga, “Ulekitũla nulukaani numuntu nuasio nwa kulukuuluu, kuitĩ aza naagĩkilie mundooti utiku uu kunsooko yaakue.”

Utendi 4:19

Ĩpa uPetelo nuYohana naashookeelia naaaĩĩla, “Kanga ĩkulukuuluu ntongela ya kĩNzua kukumũigia inie kwikĩla uNzua, lamulĩ uniinie;

Yohana 19:8

uPilatu pĩna nũigia ulukaani luasio, noopokekia,

Luka 12:5

Ĩpa nĩkakumusugula namukakumoopooka; moopooke uyo nutĩĩte usũũmi wa kwiulaga, kangĩ utĩĩte usũũmi wa kutaaga muGehena eeze namuĩĩla, moopookĩ unuasio!

Yohana 5:2

Kuasio mũYelusalemũ pamulango wa nkolo lĩkoolĩ lyambo lyukuĩtaguaa kuKĩebũlania Betesida, nalĩtĩĩte ianda itaano.

Yohana 19:17

nwĩkenkelia umusalaba waakue, nuenda pana yukuĩtagua Nungulu iTyũe, kuKĩebũlania, Goligota.

Yohana 19:20

ĩAyahũdi iingĩ alĩ asomile uwandĩkua waasio, kunsooko paasio pĩna alĩ mukononteelue mumusalaba ũYesu alĩ piipĩ nĩkaa, Alĩ yandĩkue kuKĩebũlania nĩKĩlumĩ nĩKĩgiliki.