Yohana 18:18 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹⁸ ĩAsese nĩĩtumi alĩ ĩĩmĩkile naikoleelia umooto wa makala naioota kunsooko alĩ mpepo. uPetelo alĩ yĩensi palumuĩ ndĩo, nuĩmĩkile nwioota umooto.

Yohana 18:18 Referans Kwoze

Maliko 14:54

uPetelo numutiatĩlĩĩle nuĩlĩ kulĩ, sunga kukĩanda kya mupolia namukulu; nwikyalansile palumuĩ nĩĩtumi, nwioota umooto.

Yohana 18:25

NuSimoni Petelo alĩ wĩĩmĩkile nwioota umooto. Naamuĩĩla, “Sika uuene umuĩ wa amanigua aakue?” Uyu nukaana nuũga, “Sikaka neene.”

Yohana 21:9

Pĩna naapika pikiki, naaona mooto wa makala nipishiĩ piĩlĩ muumo, nipyũli.

Maliko 14:67

nakamuona uPetelo wioota umooto, nakamutuupĩĩla, nakaũga, ue ninduue aza mwĩpalumuĩ nuMunazaleti ũYesu.

1 Akolinto 15:33

Muleke kĩlimĩĩlia; “Uwĩtambuĩli naubĩĩ ukuzoonoonaa intendo nanziiza.”

Utendi 4:23

Pĩna naatũnguĩlua naenda kuantu aao, naaaganuĩla impola zensi naalĩ aĩĩlue nĩapolia naakulu nĩanampala.

Luka 22:44

Ninduyo pĩna alĩ wĩĩlĩ muluago, nwĩkakia kwilompa, iyĩla liakue nalĩtũla zĩ ntununtu za mĩgali nishononteka pansĩĩ.

Yohana 18:3

Luulo, ũYuda pĩna nuligia ĩkĩũmbĩ kya ĩlaasi nĩĩtumi a apolia naakulu nĩApalisayo, nuenda kuasio niimulĩ nintala nĩmata.