Yohana 17:21 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

²¹ Tũlũ ensi atũle umuĩ kĩna ue Tata nukoolĩ mumuane nineene moolĩ mumuako, koona ĩa atũle umuĩ munsĩ yĩĩtu, uunkũmbigyulu usuĩĩle kĩna uue untumile.

Yohana 17:21 Referans Kwoze

1 Akolinto 12:12

Kuiti kĩna iio umuĩlĩ ingĩ umuĩ, nduo utĩĩte pitũmpĩ piingĩ, nipitũmpĩ tũlũ pya muĩlĩ kanga ĩpingĩ noo, ingĩ muilĩ umuĩ dũũ; iio-iioo nuKilisito.

Yohana 17:11

“Nineene sika nkoolĩ muna unkũmbigyulu; ĩa akoolĩ muna unkũmbigyulu, nineene naazaa kumuako. Tata numuelu, uakendegeele muliina liako aao naalumpĩĩle, koona atũle, umuĩ zĩ undiishie.

Apilipi 1:27

uLugendo luani lutũle kĩna ijĩpĩĩle iMpola na Nziiza za kĩKilisito, koona malĩĩ ĩnikiiiza kukumuona inie katia kanga nĩĩ nukutilĩ, nĩziigie impola zaani, kĩna muĩmĩkile kuukamũ kunkolo ĩmuĩ, kũshĩĩgo lĩmuĩ ĩmukĩsinka kuusuĩlĩ wa Mpola na Nziiza.

Yohana 13:35

Kuitĩ tũlũ ikilĩnga kĩna inie mwĩamanigua aane, kanga muĩ nuuloogua niinie kuniinie.”

Utendi 4:32

iYũmbĩ lya aassio naalĩ asuĩlĩĩle, ĩmioo yaao ninkolo zaao nazitũla umuĩ sunga ukutilĩ nunumuĩ naaluũgile kĩna kĩntu kiensi naalukĩtĩĩte ingĩ nsao yaakue umuene, ĩpa intu yensi alĩ ya nsangĩ.

Yohana 17:8

Kunsooko inkaani naalumpĩĩle ĩne naapĩĩle; naazaanũnkula, naamana ĩtai kĩna mpũnile kumuako; naasuĩĩla kĩna uue aluntumile.

Yohana 10:38

Kanga ĩnukuĩtendaa, anga musitinshuĩĩla ĩne noo, muĩsuĩĩle ĩmĩlĩmo, koona mumane nukwilĩnga kĩna uTata umoolĩ mumuane nineene moolĩ mwa kĩTata.”

Yohana 10:30

Ĩne nuTata kwĩumuĩ.”

Agalatia 3:28

Kutilĩ Muyahũdi katia Mugiliki; kutilĩ musese katia mukolelua; kutilĩ mugoosia katia mukĩĩma; kuitĩ inie tũlũ mualĩĩ umuĩ mwa kĩKilisito Yesu.

1 Akolinto 1:10

Numupeepilie inie anũna aane, muliina lya kĩShekulu wĩĩtu Yesu Kilisito, muutambuli waani tũlũ mwĩgombie; ilekitũla kunsiani ulekanuki, ĩpa muĩ akamĩnkĩĩligue mũshĩĩgo lĩmuĩ nĩkialo kĩmuĩ.

Alumĩ 12:5

iio-iioo nindiishie nakwĩiingĩ, kwĩmuĩlĩ umuĩ mwa kĩKilisito, kangĩ wensi numuua kwĩpitũmpĩ udũũ.

1 Yohana 5:7

Ninduyo uMuau muene nukukuĩlaa, kunsooko uMuau ingĩ muene tai.

Utendi 2:46

Lutondo kulutondo kunkolo ĩmuĩ alĩ kuuzaa akoolĩ muNumba ya kĩNzua nukwilĩa uugalĩ munumba zaao. Nailĩa ndia zaao kuulumbi nukunkolo nanzelu,

Yohana 17:25

Tata mukola kulukuuluu, uunkĩmbigyulu sika ukumanile ue, ĩpa ĩne nukumanile ue, nĩndĩĩa amanile kĩna uue alutumile.

Yohana 10:16

Ninkolo nzia nĩzitĩĩte nasika za mumpongolo ĩĩ; nindizo injĩpĩĩle nĩzileete, nululi luane zĩkakulũigia, nalĩkitũla dyale lĩmuĩ numudĩĩmi umuĩ.

Yohana 17:3

Nuupanga wa kalĩ nakalĩ ingĩ ntuuu, akumane ue nwĩNzua nwing'ene nwa tai, nũYesu Kilisito nalumutumile.

Yohana 5:23

itĩ tũlũ ensi amukulie uMuana kĩna akumukulagiaa uTata. Uzo nasika ukumukulagiaa uMuana sika ukumukulagiaa nuTata naalumutumile.”

Yohana 3:17

Kuitĩ uNzua sikumutumile uMuana muna unkũmbigyulu waulamule uunkũmbigyulu, ĩpa uunkũmbigyulu ugũnue ninduyo.

Yohana 17:18

Kĩna iio naaluntumile muna unkũmbigyulu, nineene iio nĩatumile muna unkũmbigyulu.

Yohana 11:42

Nineene manile kĩna ukunzigagiaa intondo tũlũ ĩpa kunsooko ya mulundo naupilimĩkĩlĩĩlĩe ntambuĩle, koona asuĩĩle kĩna uue aluntumile.”

Yohana 17:20

“Sika nukualompeela awa dũũ, ĩpa nĩndĩĩo naikishuĩĩla mumuane kunsooko ya lukaani luao

1 Akolinto 6:17

Ĩpa uyo nukamantĩĩne nũShekulu ingĩ nkolo ĩmuĩ ninduyo.

1 Yohana 1:3

Naalĩ kuuoonie nukwiiigia kukumutanantĩlia inie; koona muligie uukamantani palumuĩ nindiishie, nuukamantani wĩĩtu ingĩ palumuĩ nuTata nuMuana waakue ũYesu Kilisito.

Maliko 3:24

Kanga uutemi wĩĩ kĩpũka nkaani uweene, uutemi waasio sika wishũũma kwiĩĩmĩka.

Yohana 13:32

uNzua kanga wakuligue mumuakue, uNzua ukakumukulia munsĩ yaakue; ĩkamuĩ ukakumukulia.