Yohana 17:11 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹¹ “Nineene sika nkoolĩ muna unkũmbigyulu; ĩa akoolĩ muna unkũmbigyulu, nineene naazaa kumuako. Tata numuelu, uakendegeele muliina liako aao naalumpĩĩle, koona atũle, umuĩ zĩ undiishie.

Yohana 17:11 Referans Kwoze

Matayo 6:9

Luulo gua, inie lompĩ itĩ; “Tata wĩĩtu nukoolĩ kwigyulu, ĩLiina liako lieligue.

Aebulania 9:24

Kuitĩ uKilisito sika alĩ wingĩĩle pana yeelu naijĩpigue kumĩkono, ĩĩo mpiani ya Pana yeelu ĩpeene, ĩpa alĩ wingĩĩle kwigyulu ĩliene, wigyelele ĩpaino pausiu wa kĩNzua kunsooko yĩĩtu.

Aepeso 4:4

Ukoolĩ umuĩlĩ nuMuau umuĩ, kĩna iio alĩ muĩĩtue kuulaaĩĩli umuĩ wa wĩĩtua waani;

Apilipi 2:9

Kunsooko ĩĩ uNzua numukulĩkia nkankanaa, numupeela iLiina nalĩkĩlile iliina liensi;

Yohana 17:25

Tata mukola kulukuuluu, uunkĩmbigyulu sika ukumanile ue, ĩpa ĩne nukumanile ue, nĩndĩĩa amanile kĩna uue alutumile.

Yohana 13:1

uLutondo lukulu lwa Pasaka pĩna alĩ lwikaalĩ ũYesu numanile kĩna ityũngo liakue liazaaa lya kulega muna unkũmbigyulu uu wende kwa kĩTata, alĩ ualoilue ĩaakue muna unkũmbigyulu, nualoogua sunga kumpelo.

Aebulania 1:3

Uzo ingĩ weelu wa ukulu wa kĩNzua. kangĩ kĩna uNzua wĩĩlĩ, iio ninduyo wĩĩlĩ; nuikenka iintu tũlũ yensi kulukaani luakue lwa ngũlũ. Pĩna alutendile uweeligua wamĩilandu, alĩ wikyalansile pamukono wa kĩgoosia nwa ukulu kukiania,

Yohana 16:33

Izi alĩ numuĩĩlĩĩle muĩ nĩmatiliga mumuane. Muna unkũmbigyulu mutĩĩte luago ĩpa kamiĩ nkolo; ĩne naudulile uunkũmbigyulu.”

Yohana 14:20

Palutondo luasio mukimana uniniie kĩna ĩne moolĩ mwa kĩTata waane, niniinie mumoolĩ mumuane nineene moolĩ mumiani.

Yuda 1:1

Yuda nanĩmwĩtumi wa kĩYesu Kilisito, munũna wa kĩYakobo, kuinie namuĩĩtue, namualoogue mwa kĩNzua Tata nukwikendegeelua mwa kĩYesu Kilisito.

1 Yohana 5:19

Kumanile ya kĩna ishie ingĩ kwa kĩNzua; nuunkũmbigyulu tũlũ ukoolĩ mungũlũ za mubĩĩ.

Yakobo 4:4

Inie agololia, agoosia nĩakĩĩma, sika mumanilene kĩna ĩkĩsuakĩĩa kya unkũmbigyulu ingĩ ulugu kwa kĩNzua? Luulo gua, wensi nusiiile watũle musuamuua wa unkũmbigyulu ukĩtenda watũle mulugu wa kĩNzua.

Utendi 3:21

naalĩ yumũjĩpĩĩle kwiaanũnkulua kwigyulu, sunga maaze ĩmatũngo ma kutendua upia intu tũlũ, naalĩ matambulue nuNzua kumĩlomo ya anakĩdagu aakue naeelu kwipũna iyuukĩ ĩkalĩ.

Yohana 13:3

Luulo gua, ũYesu numanile kĩna uTata alĩ wamupĩĩle tũlũ mumĩkono yaakue nĩkangĩ kĩna alupũnile kwa kĩNzua nukwilongola kwa kĩNzua,

Ukũnukulua 4:8

Niiumbe naipanga inĩĩ, kiensi alĩ kĩtĩĩte mbaa mutandatu, nandĩ zensi numunsĩ ijuile ĩmiiso. Nindĩo sika yukusũũpagiaa munsĩ sunga utiku, naĩuga, “Muelu, Muelu, Muelu, ũShekulu Nzua Mukola ngũlũ zensi, naalukoolĩ, nukoolĩ kangĩ nukiiiza!”

1 Petelo 1:5

Kangĩ mualindĩĩlue kungũlũ za kĩNzua kunzĩla ya usuĩĩli sunga muligie uugũnua namuaĩĩkĩligue naukikũnukulua kwityũngo lya mpelo.

Agalatia 3:28

Kutilĩ Muyahũdi katia Mugiliki; kutilĩ musese katia mukolelua; kutilĩ mugoosia katia mukĩĩma; kuitĩ inie tũlũ mualĩĩ umuĩ mwa kĩKilisito Yesu.

1 Akolinto 1:10

Numupeepilie inie anũna aane, muliina lya kĩShekulu wĩĩtu Yesu Kilisito, muutambuli waani tũlũ mwĩgombie; ilekitũla kunsiani ulekanuki, ĩpa muĩ akamĩnkĩĩligue mũshĩĩgo lĩmuĩ nĩkialo kĩmuĩ.

Alumĩ 12:5

iio-iioo nindiishie nakwĩiingĩ, kwĩmuĩlĩ umuĩ mwa kĩKilisito, kangĩ wensi numuua kwĩpitũmpĩ udũũ.

Alumĩ 9:17

Kuitĩ uwandĩkua umuĩĩlĩĩle uPalao, “Alĩ nukuĩmĩkilie kooona ndagĩĩle ingũlũ zaane kumuako, ĩliina liane lĩtanantigue muna nsĩĩ poo.”

Yohana 16:28

Alĩ mpũnile kwa kĩTata, naazile muna unkũmbigyulu; kangĩ naulekaa uunkũmbigyulu, nalongolaa kwa kĩTata.”

Yohana 7:33

ũYesu nuũga, “Tyũngo niino kĩlĩ nĩpalumuĩ niniinie; nonguĩle kumuakue naaluntumile.

Matayo 10:16

“Laaĩ, ĩne namutuma zĩ nkolo pakatĩ ya iyĩngi; luulo gua, muĩ asugũ zĩ nzoka; muĩ muagila kautiulia zĩ nkunda.

Matayo 5:48

Iio gua muĩ akamĩnkĩĩlũ niniinie zĩ uTata waani nwa kwigyulu namukamĩnkĩĩlũ.”

Ukũnukulua 19:12

Nĩmiiso maakue alĩ zĩ waakĩlo wa mooto, numwityũe liakue ngala ningĩ, nutĩĩte ĩliina naliandĩkue, nasika wĩĩzĩ kaumuĩ, ĩpa umuene namukola.

Ukũnukulua 15:4

Waani nasikukoopokile, ee Shekulu, nukwikulia ĩliina liako? Kunsooko ue wing'ene dũũ wĩmuelu. Kuitĩ indugu tũlũ zikiiiza nukukukutekela ntongela yaako, Kunsooko uutendi waako wa kulukuuluu wakunukuĩlue.”

Yuda 1:24

Uzo nusũũmile kukumulindĩĩla inie muleke kĩkũmpia, nukukumuĩmĩkia ntongela ya ukulu waakue ĩmuagila kamabado muulumbĩ wa kulumbĩĩlia,

1 Yohana 3:12

Sika kĩna uKaini naalĩ wa kinuasio na Mubĩĩ, numuulaga umunũna waakue. Numuulaga kunsooko kĩ. Kunsooko uutendi waakue alĩ ubĩĩ, uwa munũna waakue alĩ wa kulukuuluu.

Yohana 17:6

“ĩLiina liako naligyelelagiaa kuantu naalumpĩĩle muna unkũmbigyulu. Alĩ aako, numpeela ĩne, nulukaani luako alukendegeelaa.

Yohana 17:23

Ĩne munsĩ yaao nunduue munsi yaane, koona atũle akamatĩkũ muumuĩ, uunkũmbigyulu umane kĩna uue alutumile, nualoogua ĩa kĩna alundoilue ĩne.