Yohana 16:23 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

²³ Mulutondo luasio sika mukinkolia kalukaani. Tai-taaii namuĩĩla, luensi kanga mumulompe uTata muliina liane ukakumupeela.

Yohana 16:23 Referans Kwoze

Yohana 15:7

Kanga mwikyale munsĩ yaane ninkaani zaane zikyale munsĩ yaani, lompĩ luensi namusiiile, mukitendelua.

Matayo 21:22

Tũlũ yensi namukuilompa muulompi, ĩmusuĩlĩĩle, mukiaanũnkula.

Matayo 7:7

“Lompĩ gua, mukipeegua; dũũmĩ gua, mukiona, ũgiĩ gua, mukakigyuĩlua.

Yohana 16:26

Palutondo luasio mukilompa muliina liane; sika nukumuĩĩla kĩna nĩkakumulompeela inie kwa kĩTata.

Yohana 14:20

Palutondo luasio mukimana uniniie kĩna ĩne moolĩ mwa kĩTata waane, niniinie mumoolĩ mumuane nineene moolĩ mumiani.

Aepeso 2:18

Luulo gua, kunzĩla yaakue ishie nakuabĩlĩ kwaligagiaa nzĩla ya kumusũgamĩĩla uTata kwa kĩMuau umuĩ.

1 Yohana 2:1

Ana ane na mwanino, nukumuandĩkĩla izi mulekitimula. Kanga wensi watimule kutĩĩte uMualĩĩlia kwa kĩTata, Yesu Kilisito munakulukuuluu;

Yohana 14:5

uTomaso numuĩĩla, “Shekulu, sika kumanile kĩna ulunziĩ, kukakumĩmana mbii ĩnzĩla?”

Yohana 16:19

ũYesu nulĩnga kĩna asiiile kukumukolia, nuaĩĩla, “Mukĩkoliane naaza mbũgile, kĩlĩ katũngo kaniino sika mwimona, kangĩ kĩlĩ katũngo kaniino mukimona?

Yohana 16:30

Ĩpaino kumanile kĩna umanile tũlũ-tũũlũũ, sika wishiia tũlũ wensi wakukolie; luulo kwasuĩĩla kĩna ue upũnile kwa kĩNzua.”

Yohana 14:22

ũYuda, (sika nwa kuIsikaliote,) numuĩĩla, “Shekulu, ikitũla mbii kĩna usiiile kukigyelela kumuĩtu, sika kuunkũmbigyulu?”