Yohana 16:2 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

² Ĩkakumukamatula mumasũnagogi; ĩtai ityũngo lijile, wensi kanga wamuulage inie ukishĩĩga ukumutumĩla uNzua.

Yohana 16:2 Referans Kwoze

Yohana 9:22

ĩAleli aakue alĩ itambula izi kunsooko alĩ aoopookile ĩAyahũdi, kuitĩ ĩAyahũdi alĩ akondilie kwikomia ĩkialo tũlũ wensi kanga wamukuĩle uKilisito, wakamatulue mũshũnagogi.

Matayo 10:28

Muleke kĩoopooka naakuulagaa umuĩlĩ, nasika asũũmile kukumĩulaga ĩnkolo; taazu mumoopoke nusũũmile kwioonoona ĩnkolo numuĩlĩ gaa muGehena.

Ukũnukulua 6:9

Pĩna nuuũnanga ũmuntoozo wakataano, namona nsĩlĩlĩ ya upolelio inkolo zaao naali aulague kunsooko ya lukaani lwa kĩNzua, nukunsooko ya ukuĩli naalĩ akuĩlĩĩle.

Yohana 12:42

Ĩpa sunga muakulu alĩ akoolĩ iingĩ naasuĩlĩĩle mumuakue, ĩpa kunsooko ya Apalisayo sika naakũmuula, alekikamatulua mũshũnagogi.

Luka 6:22

“Mualiukũ inie pĩna ĩantu ĩkakumusuukĩlua nukukumukamatula nukukumutukĩla nukukulĩtaaga kunzi ĩliina liani kĩna byĩĩ kunsooko ya muana-muntu.

1 Akolinto 4:13

Muna kwitũngigua kwagema kwikamantania; kwatũla zĩ malagala ma unkũmbigyulu, kangĩ zĩ udobũ wa intu tũlũ sunga nunzuauu.

Utendi 7:56

Nuũga, “Laaĩ naona igyulu lyakũnukuka, nuMuana-muntu wĩĩmĩkile pamukono wa kĩgoosia wa kĩNzua.”

Matayo 24:9

“Paapo ĩkakumusongeela inie muligie impatĩ, nukukumuulaga; kangĩ indugu tũlũ zĩkakumusuukĩlua kunsooko ya liina liane.

Yohana 9:34

Naashookeelia naamuĩĩla, “Ue alumulelue mumĩlandu mĩtilĩ, ninduuene wakukumania ishie?” Naamuguma kunzi.

Utendi 5:33

Ĩo pĩna naiigia izi, naatakĩkia, naasiia kukuaulaga.

Yohana 4:21

ũYesu numuĩĩla, “Maau nsuĩĩla, kĩna ityũngo likiiza pĩna sika mukakumutekela uTata muna nkonko ĩĩ katia kũYelusalemũ.

Apilipi 3:6

kumpola za wĩkakia, mukola kuliagia ikyanisa; kumpola za kulukuuluu niĩlĩ muUlagĩĩlio, alĩ numugila kishokio.

Yohana 4:23

Ĩpa ityũngo likiiza ndĩĩpa lĩkoolĩ, pĩna ĩĩtekeli a tai ĩkakumutekela uTata kunkolo nukutai. Kuluulo uTata ukuadũũmaa kĩna aasio amutekele.

Yohana 16:25

“Izi numuĩĩlĩĩle inie kuung'enua; ityũngo lijile sika nikitambula niniinie kangĩ kuung'enua, ĩpa nĩkakumudundulĩla impola za kĩTata.

Yohana 16:32

Laaa gua, ityũngo lijile, kangĩ liazaa, mukishapatĩla muntu wensi kunsiao, mukindeka ning'ene. ĩpa sika ning'ene, kunsooko uTata ukoolĩ palumuĩ nineene.