Yohana 16:13 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹³ Ĩpa pĩna ukiiiza unuasio, uMuau nwa tai, ukakumutongeela inie mutai tũlũ yensĩ, kunsooko sika ukakĩtambulĩlia wing'ene, ĩpa ziizo nukakuziigia ukitambula; sunga nazijile ukakumutanantĩlia.

Yohana 16:13 Referans Kwoze

Yohana 14:26

Ĩpa uMualĩĩlia, uMuau Muelu, uTata nukakumutuma muliina liane, unuasio ukakumumania tũlũ zensi nukukumũjukĩlia tũlũ zensi naalĩ numuĩĩlĩĩle.

Yohana 14:17

uMuau nwa tai; uunkũmbigyulu sika wishũũma kukumuanũnkula kunsooko sika umuoonie, sunga sika umulĩngile. Ĩnie mumulĩngile kunsooko wikyalile kumuani, nduzo ukitũla munsĩ yaani.

Yohana 15:26

Ĩpa pĩna waaza uMualĩĩlia nanĩkakumutuma ĩne kwipũna kwa kĩTata, uMuau nwa tai nupũnile kwa kĩTata, unuasio ukinkuĩla;

1 Yohana 2:27

Ĩpa ĩmakũta naalĩ mumaligilie kumuakue makikyalaa munsĩ yaani, niniinie sika musiiile wensi wamumanie; ĩpa gua, kĩna iio ĩmakũta maasio makumumania impola tũlũ zensi, kangĩ maayo tai, sika ulongo, iio-iioo naalĩ mamumanilie inie; kyalĩ munsĩ yaakue.

1 Yohana 2:20

Ĩpa inie mwapakilue makũta nunuasio naMuelu, kangĩ mumanile tũlũ.

Yohana 12:49

Kunsooko sika alĩ ntambuĩle ning'ene, ĩpa uTata naaluntumile, muene undagĩlĩĩlie nanikiũga nikwitambula.

1 Yohana 4:6

Ishie kwa kĩNzua. uNuasio numumanile uNzua ukukutegeelaa, unuasio nasika wa kĩNzua sikukukutegeelaa. Kunzĩla ĩĩ kulekanuĩle ĩnkolo nya tai nĩnkolo nya ulimĩĩli.

Yohana 14:6

ũYesu numuĩĩla, “Ĩne neene nzĩla nĩtai nuupanga; ukutilĩ nũjile kwa kĩTata isiititũla kunzĩla ya ĩne.

Ukũnukulua 1:19

Andĩka gua impola naazuzioonie, nazikoolĩ nindizo nazikitũla pembele ya zaasio.

Yohana 8:38

Naalĩ nizioonie kwa kĩTata, ziizo nukuzitambulaa. Niniinie namuziigilie kwa kĩTata waani, ziizo mukuzitendaa.”

2 Atesaloniki 2:3

Kaumuĩ waleke kumupembeelia inie kunzĩla yensi kunsooko sika lukitũla isiititũla wĩĩze tangua uuleki, wakũnukulue umuntu wa mulandu, muana wa oononeki,

Ukũnukulua 1:1

Ukũnukulua wa kĩYesu Kilisito, naalĩ mupeegue nuNzua waalagĩĩle ĩĩtumi aakue impola nazikitũla kuukaaũ kutilĩ kawĩnegelo; nduyo nutuma kumukono wa kĩmalaĩka numulagĩĩla umwĩtumi waakue uYohana;

2 Atesaloniki 2:12

koona alamulue ensi nasika amĩsuĩlĩĩle ĩtai, ĩpa alĩ akĩloeelagiaa muoononeki.

Utendi 27:24

wambuĩla, ‘Lekioopooka Paulo, ukutilĩ kawĩnegelo, ukiĩĩmĩka ntongela ya kĩKaisali; kangĩ laaa, uNzua wakupeelaa ĩaasio tũlũ naatĩĩte umusĩnzo palumuĩ ninduue.’

Utendi 20:23

isiititũla uMuau Muelu kuuzaa unkuĩlĩĩle mukaa zensi kĩna uutũngua nimpatĩ zinindĩĩle.

Yohana 3:32

Nuzioonie nukukuziigia, ziizo ukuzikuĩlaa; ĩpa kutilĩ nukugombaa uukuĩli waakue.

Utendi 11:28

Nuĩmĩka umuĩ waao ĩliina liakue Agabo, nulagĩĩla kuusũũmi wa kĩMuau kĩna nzala nkulu ikiiiza muna unkũmbigyulu wensi; nigyelela pantondo za kĩKilaudio.

Yohana 16:12

“Kĩlĩ ntĩĩte ningĩ za kumuĩĩla, ĩpa sika mwishũũma kukuzigigimĩlia ĩpaino.

Aebulania 1:1

Kumatũmpĩ mingĩ nukunzĩla ningĩ uNzua pakalĩ alĩ ĩkĩtambuĩlaa nĩatata ĩĩtu kumĩlomo ya anakĩdagu,

1 Yohana 5:6

Uyu wayu naalĩ wijile kumaazĩ nukumugali, ũYesu Kilisito; sika kumaazi udũũ, ĩpa kumaazi nukumugali.