Yohana 16:11 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹¹ Kumpola za ulamuli kunsooko umukulu wa unkũmbigyulu uu walamulaguaa.”

Yohana 16:11 Referans Kwoze

Yohana 12:31

Ĩpaino uulamulua wa unkũmbigyulu uu ukoolĩ; ĩpaino umukulu wa unkũmbigyulu ukitaagua kunzi.

1 Yohana 3:8

Nukutendaa ĩmĩlandu ingĩ wa kĩShetani, kunsooko ũShetani ukutendaa ĩmĩlanadu kwipũna umuandio. Kunsooko ĩĩ uMuana wa kĩNzua nwigyeleligua, koona waĩonoone ĩmĩlĩmo ya kĩShetani.

Aebulania 2:14

Iio gua, kunsooko ĩaana akamantĩĩne nĩmiĩlĩ nĩtĩĩte umugali nĩnama, uyo nduyo iio-iioo alukamantanile iio-iioo, koona kunzĩla ya nkia wamoonoone uyo nutĩĩte usũũmi wa ukiu, ingĩ ũShetani,

Akolosai 2:15

Kangĩ ĩakulu nĩanausũũmi nualeegelia ĩmata maao, nuigyelelia kualiĩ kĩna ĩĩlĩ, nuadulĩkia kungili-gili mumusalaba wasio.

2 Akolinto 4:4

Ingĩ mumuao unzua wa unkũmbigyulu uu naalupokũilie ĩmasĩĩgo maao nasika asuĩlĩĩle, alekimĩlĩkĩlua nuweelu wa Mpola na Nziiza za ukulu wa kĩKilisito nampiani ya kĩNzua.

Yohana 14:30

Sika nĩkakumutambuĩla ningĩ kangĩ kunsooko umukulu wa unkũmbigyulu wapolokaa. Mugila kakĩntu kumuane;

Ukũnukulua 1:7

Laaa, wijile nĩmalũnde, nĩliiso liensi lĩkakumuona, nĩndĩo naalĩ amusomile; ninduuli tũlũ za muna nsĩĩ zijililĩla ĩkĩlĩlo kunsooko yaakue. Eeze, Amini.

2 Petelo 3:7

Ĩpa igyulu lya nzuauu nĩnsĩĩ mbĩĩkue kĩuto kumooto kulukaani lulo-luuloo, mbĩĩkue sunga kulutondo lwa ulamulua nulwa koonoonua kumuao ĩantu nasika akumukulagiaa uNzua.

Aebulania 9:27

Nĩkĩna iio ĩantu naaĩĩkĩligue kwikia kamuĩ, pembele ulamulua ukoolĩ,

Aebulania 6:2

nuumanigua wa ubadĩĩzo, nukwiĩĩkĩlua ĩmĩkono, nuwiiukigua mwa akiu, nuulamulua wa kalĩ nakalĩ.

Aepeso 2:2

Naalĩ mukugendelaa ndĩo ĩkalĩ kukuzitiata intendo za unkũmbigyulu uu, nukukumutiata umutemi wa usũũmi wa nzega, ĩnkolo niasio nyĩkĩtuma umulĩmo sunga nunzuauu muaana auleki.

1 Akolinto 4:5

Iio gua, mulekilamula kalukaani pĩna likaalĩ ityũngo liakue, sunga waaze ũShekulu; nunduyo wijile kuziĩĩka muwelu nazĩpisile muwiilu, nukukumigyelelia ĩmasĩĩgo ma nkolo; paapo muntu wensi wijililigia ulukũmo luakue kwa kĩNzua.

Utendi 10:42

Nukulagĩĩlia kuatanantĩlie ĩantu nukukuakuĩla kĩna uyu wayu naalĩ muĩĩkue nuNzua wĩĩ Mulamuli wa apanga nĩnaakiu.

Luka 10:18

Nuaĩĩla; “Aza numuoonie ũShetani wigua kwipũna kwigyulu zĩ lupĩĩto.

Matayo 12:36

Luulo namuĩĩla, Lukaani luensi lwa kiaka naakutambulaa ĩantu ijilipũnia iyalo lya lukaani luasio palutondo lwa ulamuli.

Matayo 12:18

“Laaa, umwĩtumi waane nanumusaaguĩle, Muloogua waane; nkolo yaane yukuloeelagiguaa nduyo. nĩkakumuĩĩkĩla uMuau waane mumuakue, Nduyo ukakuzitanantĩlia indugu nazĩngĩ ĩkulukuuluu.

Alumĩ 16:20

NuNzua nwa matiliga, ukakumutilatĩlia ũShetani nsĩlĩlĩ ya mĩgulu yaani kuukaaũ. uUkende wa kĩShekulu wĩĩtu Yesu Kilisito wĩĩ niniinie.

Alumĩ 2:16

palutondo luasio uNzua pĩna ukakuulamula uunkũnkũ wa antu kunzĩla ya kĩYesu Kilisito, kwilika lya Mpola na Nziiza nantanantilie.

Utendi 26:18

ualaĩlie ĩmiiso maao, agomolue kwipũna mukiiti, ingĩle muweelu; agomolue kwipũna muusũũmi wa kĩShetani, ingĩle kwa kĩNzua; aleegeligue ĩmĩlandu yaao, asaale palumuĩ nĩnaeeligue kuusuĩĩli nawĩĩlĩ mumuane.

Utendi 24:25

Pĩna nulondoosia impola za kulukuuluu nukukĩgilia nuulamuli naukiiza, uPeliki nũingĩĩlua nuooa, nuũga, “Longola ĩpaino, pĩna nikiligia ĩlioma nĩkakukuĩta.”

Yohana 16:12

“Kĩlĩ ntĩĩte ningĩ za kumuĩĩla, ĩpa sika mwishũũma kukuzigigimĩlia ĩpaino.