Yohana 16:10 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹⁰ Kumpola za kulukuuluu, kunsooko nalongolaa kwa kĩTata; sika mwimona kangĩ.

Yohana 16:10 Referans Kwoze

1 Petelo 3:18

Kuitĩ uKilisito nduyo alukiile kamuĩ dũũ kunsooko ya mĩlandu, munakulukuuluu kunsooko yaao nasika anakulukuuluu, koona wakutuale ishie kwa kĩNzua; nuulagua umuĩlĩ ĩpa ĩnkolo yaakue nĩpangatigua.

2 Akolinto 5:21

Uyo nasikuumanile umulandu, numutenda watũle mulandu kunsooko yĩĩtu, koona kutũle kulukuuluu ya kĩNzua mumuakue.

1 Timoteo 3:16

Kutilĩ kankankani, uunkũnkũ wa wĩtekeli wĩĩtu ingĩ ukulu. uNzua alĩ mũgyeleligue mumuĩlĩ, Nulĩngĩkigua kĩna munakulukuuluu mwa kĩMuau, Alĩ wigyelĩĩle kuamalaĩka, Nutanantigua pakatĩ ya ndugu, Nusuĩĩlua muna unkũmbigyulu, Nunansulua kukiania muukulu.

1 Akolinto 1:30

Ĩpa kumuakue inie mukoolĩ mwa kĩKilisito Yesu naalĩ mutendue kumuĩtu wĩĩ masala namapũnile kwa kĩNzua, nĩkulukuuluu nuweeligua nuukomolua;

Utendi 3:14

Inie gua namumukaana uyo naMuelu na Munakulukuuluu, namulooa mupeegue umuulagi,

Agalatia 5:5

Kuitĩ ishie kungũlũ za kĩ Muau kutũngĩĩle uulaaĩĩli wa kulukuuluu kuunzĩla ya usuĩĩli.

Alumĩ 1:17

Kuitĩ ĩkulukuuluu ya kĩNzua yukukũnukulaguaa munsĩ yaakue kwipũna uusuĩĩli sunga kuusuĩĩli, kĩna yandĩkue, “uMukola kulukuuluu kunzĩla ya usuĩĩli ukitũla mupanga.”

Utendi 17:31

Kunsooko uĩĩkile ulutondo lwa kulamula uunkũmbigyulu mukulukuuluu kumuntu naalumusaaguĩle; ninduyo nuapĩĩle ĩantu ensi ukamĩnkĩĩlia wa mpola izi kunzĩla ya kumũiukia kwipũna muakiu.”

Utendi 7:52

uMunakĩdagu nuĩmbi ĩatata aani nasika alĩ amuagilie. Sunga naaaulaga ĩaasio naalĩ atanantilie ĩkalĩ impola za kuuza kumuakue uMukola Kulukuuluu; wayuuyu ĩpaino namwamusakilie nukukumuulaga;

Utendi 2:32

“ũYesu wayu uNzua naalumũiukilie, nindiishie tũlũ kuakuĩli a mpola izi.

Yohana 5:32

Ukoolĩ nuĩngĩ nwinkuĩla; manile kĩna uukuĩli waakue nwinkuĩla ingĩ wa tai.

Yohana 3:14

Kĩna uMusa naalumĩnansuĩle ĩnzoka mumbugi-melemele, iio iioo yumũjĩpĩĩle uMuana-muntu wanansulue.

Yohana 7:33

ũYesu nuũga, “Tyũngo niino kĩlĩ nĩpalumuĩ niniinie; nonguĩle kumuakue naaluntumile.

Yohana 16:5

Ĩpaino nalongola kumuakue naaluntumile. Ukutilĩ mumuani nwinkolia, Ulunziĩ mpĩĩ?

Yohana 16:28

Alĩ mpũnile kwa kĩTata, naazile muna unkũmbigyulu; kangĩ naulekaa uunkũmbigyulu, nalongolaa kwa kĩTata.”