Yohana 15:19 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹⁹ Kanga ĩazaa mwa unkũmbigyulu, uunkũmbigyulu aza wijile kualoogua ĩaakue; ĩpa kunsooko inie sika mwa unkũmbigyulu, ĩpa ĩne alĩ numusaaguĩle inie muunkũmbigyulu, iio gua, uunkũmbigyulu ukumusuukĩlaguaa.

Yohana 15:19 Referans Kwoze

Yohana 15:16

Inie sika alĩ munsaaguĩle ĩne, ĩpa neene alĩ numusaaguĩle inie, nanumuĩĩka muende mupĩe inkali, ninkali zaani zikyale; koona luensi kanga mumulompe uTata muliina liane wamupeele.

1 Yohana 3:12

Sika kĩna uKaini naalĩ wa kinuasio na Mubĩĩ, numuulaga umunũna waakue. Numuulaga kunsooko kĩ. Kunsooko uutendi waakue alĩ ubĩĩ, uwa munũna waakue alĩ wa kulukuuluu.

Luka 6:32

“Kanga ĩmualoilue ĩaasio naamuloilue inie, ukoolĩ uuza kĩ kumuani? Kuitĩ sunga ĩanamĩlandu aaloilue ĩaasio naaaloilue.

1 Petelo 4:3

Kuitĩ ityũngo lya uumĩ wĩĩtu nalyakĩlile, liendile muumo kwitenda namaaloelĩĩlie ĩa ndugu nazĩngĩ, kwigendela muusambo numunsula nambĩĩ, nulugaalo, nuwĩsũgamĩĩlia wa ulakũ nuukopi, nuwĩtekela anzegamĩla nasika ugombigue.

Ukũnukulua 12:17

iJoka nalĩmutakĩĩla umusungu, nalĩlongola kĩkua ulugu nuwĩleli waakue naalĩ usaagile, nawityapile ĩmalagĩĩlio ma kĩNzua, nukukumukuĩla ũYesu.

Ukũnukulua 12:9

iJoka nikyulu nalĩtaagua, ĩnzoka ya kalĩ nukuĩtaguaa, Mupembeelia kangĩ Shetani, nukulimĩĩlagiaa uunkũmbigyulu tũlũ; nutaagua sunga munsĩĩ, nĩamalaĩka aakue naataagua palumuĩ nduyo.

Matayo 10:22

Mukitũlishuukĩlua nĩantu tulu kunsooko ya liina liane. uNuasio gua nwakugigimĩĩlia sunga ĩmpelo, uuzo ukigũnĩka.

Matayo 24:9

“Paapo ĩkakumusongeela inie muligie impatĩ, nukukumuulaga; kangĩ indugu tũlũ zĩkakumusuukĩlua kunsooko ya liina liane.

Yohana 6:70

ũYesu nuashookeelia, “Sika alĩ numusaaguĩlene inie namwikyumi naabĩlĩ. Nuumuĩ waani ingĩ shetani?”

Yohana 13:18

Sika nitambula impola zaani inie tũlũ. Nĩĩĩzĩ nanĩasaaguĩle, ĩpa uwandĩkua utimĩĩligue, Nulĩĩle india zaane nunsamba ilyakĩ.

Yakobo 4:4

Inie agololia, agoosia nĩakĩĩma, sika mumanilene kĩna ĩkĩsuakĩĩa kya unkũmbigyulu ingĩ ulugu kwa kĩNzua? Luulo gua, wensi nusiiile watũle musuamuua wa unkũmbigyulu ukĩtenda watũle mulugu wa kĩNzua.