Yohana 15:18 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹⁸ “Kanga uunkũmbigyulu umusuukĩlue inie, mulĩnge kĩna ĩne neene namuandio kwishuukĩlua nduo.

Yohana 15:18 Referans Kwoze

1 Yohana 3:13

Mulekikulĩlua anũna aane, kĩna uunkũmbigyulu umusuukĩĩlue.

Yohana 7:7

uUnkũmbigyulu sika wishũũma kukumusuukĩlua inie; ukunsuukĩlaguaa uneene kunsooko ĩne nukuukuĩlaa kĩna uutendi waakue ingĩ ubĩĩ.

Yohana 3:20

Tũlũ wensi gua nukumatendaa namabĩĩ ukuusuukĩlaguaa uweelu. Sikukuuzaa kuweelu, uutendi waakue ulekitakĩlua.

Maliko 13:13

Niniinie mukitũlishuukĩlua nĩantu tũlũ kunsooko ya liina liane. Ĩpa umukola kugigimĩlia sunga kumpelo, uyo ukigũnĩka.

Luka 6:22

“Mualiukũ inie pĩna ĩantu ĩkakumusuukĩlua nukukumukamatula nukukumutukĩla nukukulĩtaaga kunzi ĩliina liani kĩna byĩĩ kunsooko ya muana-muntu.

Matayo 10:22

Mukitũlishuukĩlua nĩantu tulu kunsooko ya liina liane. uNuasio gua nwakugigimĩĩlia sunga ĩmpelo, uuzo ukigũnĩka.

1 Yohana 3:1

Laaĩ uu uloogua kĩ naalukupĩĩle uTata, sunga kuĩtua aana a kĩNzua; Nindiishie iio kuĩlĩ. Kunsooko ĩĩ uunkũmbigyulu sika ukulĩngile, kunsooko sika umulĩngile uyo.

Matayo 5:11

Muakembetue pĩna ĩkakumutukĩla nukukumuagia nukukumutambula uubĩ wensi kuulongo, kunsooko yaane.

Yakobo 4:4

Inie agololia, agoosia nĩakĩĩma, sika mumanilene kĩna ĩkĩsuakĩĩa kya unkũmbigyulu ingĩ ulugu kwa kĩNzua? Luulo gua, wensi nusiiile watũle musuamuua wa unkũmbigyulu ukĩtenda watũle mulugu wa kĩNzua.

Aebulania 12:2

ĩkumulaaĩlĩĩle ũYesu. mukola kuandĩĩlia, numukola kukamĩnkĩĩlia uusuĩĩli wĩĩtu. uMuene kunsooko ya ulumbi naalĩ uĩĩkue ntongela yaakue aluugigimĩĩlie umusalaba nukũshiitikolua inshoni, wikyalansile pa mukono wa kĩgoosia pityengu lya kĩtemi lya kĩnzua.

1 Yohana 3:3

Kangĩ wensi nutĩĩte uulaaĩĩli uu kumuakue ukĩeelagiaa, kĩna umuene namuelu.

Matayo 24:9

“Paapo ĩkakumusongeela inie muligie impatĩ, nukukumuulaga; kangĩ indugu tũlũ zĩkakumusuukĩlua kunsooko ya liina liane.

Yohana 16:1

“Izi alĩ numuĩĩlĩĩle mulekikũmpigua.

Yohana 16:33

Izi alĩ numuĩĩlĩĩle muĩ nĩmatiliga mumuane. Muna unkũmbigyulu mutĩĩte luago ĩpa kamiĩ nkolo; ĩne naudulile uunkũmbigyulu.”

Utendi 14:22

naakuzĩkamĩnkĩĩlia inkolo za amanigua nukukuasugula ĩkamatĩkie muusuĩĩli, naiũga ya kĩna yukũjĩpĩĩle kwiingĩla muutemi wa kĩNzua kuwaagi wĩngĩ.