Yohana 14:23 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

²³ ũYesu nushookeelia numuĩĩla, “Wensi kanga wandoogue ukikendegeela ulukaani luane, nuTata waane ukakumuloogua, nindiishie kukiiiza kumuakue nukwitenda wikyalo kumuakue.

Yohana 14:23 Referans Kwoze

Yohana 14:21

uNuasio nutĩĩte ĩmalagĩĩlio maane nukukumakendegeela, unuasio undoilue; nduzo nundoilue ukiloogua nuTata waane, nineene nĩkakumuloogua nukukigyelela kumuakue.”

Yohana 14:15

Kanga mundoogue mukikendegeela ĩmalagĩĩlio maane.

1 Yohana 2:24

Ĩpa gua inie, uluasio naalĩ mulũigilie kwipũna umuandio, lũkyale munsĩ yaani. Kanga uluasio naalĩ mulũigilie kwipũna umuandio lwikyale munsĩ yaani, paapo mukakikyala munsĩ ya muana numunsĩ ya kĩTata.

1 Yohana 4:4

Ana ane, inie ingĩ mwa kĩNzua; niniiinie muadulile ĩaaso, kunsooko unuasio nuĩlĩ munsĩ yaani ingĩ mukulu kwikĩla uyo nuĩlĩ muna unkũmbigyulu.

2 Akolinto 6:16

Ukoolĩne uumuĩ pakatĩ ya Numba ya kĩNzua nĩanzegamĩla. Kuitĩ ishie kwĩNumba ya kĩNzua namukola upanga, kĩna uNzua aluũgile, “Nĩkakikyala pakatĩ yaao, kangĩ nikigendela pakatĩ yaao; Nineene nikitũla Nzua waao, ndĩo ikitũla antu aane.

Yohana 10:30

Ĩne nuTata kwĩumuĩ.”

Yohana 6:56

Nulĩĩle umuĩlĩ waane nukwikopa umugali waane ukikyalaa munsĩ yaane nineene munsĩ yaakue.

Yohana 14:17

uMuau nwa tai; uunkũmbigyulu sika wishũũma kukumuanũnkula kunsooko sika umuoonie, sunga sika umulĩngile. Ĩnie mumulĩngile kunsooko wikyalile kumuani, nduzo ukitũla munsĩ yaani.

Ukũnukulua 21:22

Sika namona kaNumba ya kĩNzua munsĩ yaakue, kunsooko ũShekulu Nzua mukola ngũlũ zensi nuMuana-nkolo eene ĩNumba ya kĩNzua yaakue,

Ukũnukulua 22:3

Ijilitũla kutilĩ kakĩzũmo kiensi kangĩ, nityengu lya kĩtemi lya kĩNzua nĩlya Muanankolo jilee liĩlĩ mumuakue, nĩĩtumi aakue ĩkakumutumĩla;

Yohana 8:51

Tai-taaii namuĩĩla, tũlũ wensi kanga wakendegeele ulukaani luane sika ukiona kaukiu sunga ĩkalĩ nakalĩ.”

Yohana 8:52

ĩAyahũdi naamuĩĩla, “Ĩpa kwalĩnga kĩna umunalĩsĩĩmuĩ ue. uIbũlahimu nukia nĩanakĩdagu, ninduue wiũga, Tũlũ wensi kanga wakendegeele ulukaani luane sika ukilũla kaukiu sunga ĩkalĩ nakalĩ.

Yohana 14:24

Nasika undoulue sikukukendegeelaa inkaani zaane, nulukaani namukulũigagiaa sika luane, ingĩ lwa kĩTata naaluntumile.

Yohana 15:10

Kanga mukendegeele ĩmalagĩĩlio maane, mukakikyala muuloogua waane, kĩna uneene naalĩ nĩmakendegelĩĩle ĩmalagĩĩlio ma kĩTata waane, nanikyala muuloogua waakue.

Yohana 16:27

Kunsooko uTata muene umuloilue inie, kuitĩ inie mwandoilue nukwishuĩĩla kĩna ĩne alĩ mpũnile kwa kĩTata.

Aepeso 3:17

uKilisito wikyale munkolo zaani kunzĩla ya usuĩĩli; koona inie musĩmbĩlue ĩmĩlĩ, muzengue mumukũlĩla muuloogua.

1 Yohana 2:5

uNuasio nulukendegelĩĩle ulukaani luakue, mumuakue uuloogua wa kĩNzua wakamĩnkĩlĩĩle ĩtai-taai. Muasio kulĩngile kĩna kuĩlĩ munsĩ yaakue.

1 Yohana 5:3

Kuitĩ uu wau uuloogua wa kĩNzua, kumakendegeele ĩmalagĩĩlio maakue; kangĩ ĩmalagĩĩlio maakue sika malũto.

2 Yohana 1:6

Nunduu wau uuloogua; kugendele nukukumatiata ĩmalagĩĩlio maakue. Ĩlĩ lyolĩ lyagĩĩlio, kĩna alĩ mũigilie kwipũna umuandio kĩna mugendele muumo.

Ukũnukulua 21:3

Naniigia luli lukulu kwipũna mwityengu lya kĩtemi naluũga, “Laaa, wikyaalĩ wa kĩNzua wĩpalumuĩ nĩantu, nduyo ukakikyala palumuĩ ndĩo, nĩndĩo ikitũla antu aakue, uNzua umuene ukitũla palumuĩ ndĩo.