Yohana 14:19 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹⁹ Kĩlĩ katũngo kaniino uunkũmbigyulu sika wimona kangĩ, ĩpa inie mwĩmona kunsooko ĩne numupamga, niniinie mukitũla muapanga.

Yohana 14:19 Referans Kwoze

Yohana 16:16

“Kĩlĩ katũngo kaniino sika mwimona; kangĩ kĩlĩ katũngo kaniino mukimona.”

Aebulania 7:25

Iio gua, usũũmile kukuagũna sunga kumpelo ĩaasio naakumusũgamĩĩla uNzua kwa kĩuyo, kunsooko ukoolĩ mupanga intondo tũlũ, koona waalompeele.

Yohana 7:33

ũYesu nuũga, “Tyũngo niino kĩlĩ nĩpalumuĩ niniinie; nonguĩle kumuakue naaluntumile.

Yohana 11:25

ũYesu numuĩĩla, “Ĩne neene wiiuki nuupanga; nusuĩlĩĩle mumuane, kanga wakie nakĩ, ukipangata.

1 Akolinto 15:45

Iio yandĩkue, “uMuntu wamuandio, uAdamu, nutũla nĩnkoolo; ya uumĩ.” uAdamu nwamumalĩĩlio nutũla nkolo ya kupangatia.

Yohana 16:22

Iio niniinie mutĩĩte uusungu ĩpaino, ĩpa nĩkakumuona kangĩ ninkolo zaani zikilumba, nuulumbi waani ukutilĩ nukumuleegelia.

Alumĩ 8:34

Waani ukilamula kukaasigue. uKilisito Yesu ingĩ muene naalukiile, eeze naikulu nangũlũ naalĩ mũiukigue, nukoolĩ kumukono wa kĩgoosia nwa kĩNzua, kangĩ muene ukukulompeelaa.

Alumĩ 5:10

Kuitĩ malĩĩ pĩna alĩ kwĩalugu, nakukamantanigua kwa kĩNzua kunzĩila ya nkia ya Muana waakue; naikulu nangũlũ pĩna kwakondia kwikamantanigua, kukigũnua kuupanga waakue.

1 Akolinto 15:20

Ĩpa gua uKilisito nũiukigua kwipũna muakiu, nutũla nduĩ-nduĩ kumiao naagonile.

Yohana 14:6

ũYesu numuĩĩla, “Ĩne neene nzĩla nĩtai nuupanga; ukutilĩ nũjile kwa kĩTata isiititũla kunzĩla ya ĩne.

Yohana 13:33

Aana aane namuaniino, kĩlĩ nkoolĩ tyungo niino palumuĩ niniinie. Mukindaaa-laa-la; kĩna alĩ nĩaĩĩlĩĩle ĩAyahũdi, ĩpaino namuĩĩla niniinie, ĩne, kĩna nunziĩ, inie sika mwishũũma kwiiiza.

Yohana 12:35

Iio ũYesu nuaĩĩla, “uWeelu kĩlĩ ukoolĩ kumiani tyũngo; mugende pĩna mutĩĩte uweelu, ĩkiitĩ kĩleke kumuguĩla. Nukugendalaa mukiiti sika wĩĩzĩ kĩna ulunziĩ.

Yohana 8:21

Paapo ũYesu nuaĩĩla kangĩ, “Ĩne nalega, niniinie mukindũũma; mukikia mumulandu waani; kĩna nunziĩ ĩne, inie sika musũũmile kwiiiza.”

Yohana 6:40

Kuitĩ uu wau uulooa wa kĩtata waane, tũlũ wensi nukumulaaa uMuana nukwishuĩĩla mumuakue, wĩĩ nuupanga wa kalĩ nakalĩ; nineene nĩkakumũiukia palutondo lwa mpelo.”

Utendi 10:41

sika kuantu tũlũ, ĩpa undiishie naalĩ kuasaagulue nuNzua kuĩ akuĩli, nindiishie naalĩ kulĩĩle nukwikopa ensi ninduyo pĩina alĩ wiiukile kwipũna muakiu.

Ukũnukulua 20:4

Namona matengu ma kĩtemi, nĩnaikyalansile mumaasio naapeegua uusũũmi wa ulamuli; namona inkolo zaao naalĩ adumulue ĩmatũe kunsooko ya ukuĩli wa kĩYesu, nukunsooko ya lukaani lwa kĩNzua, ĩaasio nasika alĩ akumĩtekela ĩnimu nunzegamĩla waakue, sunga kwiĩĩkĩlua uugomola muusiu waao numumĩkono yaao. Naatũla apanga kangĩ, naatema palumuĩ nuKilisito miaka gyana lya nzogũ.