Yohana 14:13 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹³ Luensi namukakululompa muliina liane nĩkakulutenda, uTata wakuligue muMuana.

Yohana 14:13 Referans Kwoze

Yohana 15:7

Kanga mwikyale munsĩ yaane ninkaani zaane zikyale munsĩ yaani, lompĩ luensi namusiiile, mukitendelua.

Maliko 11:24

Kunsooko ĩĩ namuĩĩla, Mensi namukumapeepia muulompi, suĩĩlĩ ya kĩna mukumaanũnkula, nindayo mikitũla maani.

Matayo 21:22

Tũlũ yensi namukuilompa muulompi, ĩmusuĩlĩĩle, mukiaanũnkula.

Matayo 7:7

“Lompĩ gua, mukipeegua; dũũmĩ gua, mukiona, ũgiĩ gua, mukakigyuĩlua.

1 Yohana 5:14

Uu wau uukamatiku nakuutĩĩte kumuakue; ya kĩna kanga kulompe lukaani kwilika lya ulooa waakue, ukukũigia.

Yohana 16:23

Mulutondo luasio sika mukinkolia kalukaani. Tai-taaii namuĩĩla, luensi kanga mumulompe uTata muliina liane ukakumupeela.

1 Yohana 3:22

kangĩ luensi nakulompile, kukuluanũnkulaa kumuakue, kunsooko kukendegelĩĩle ĩmalagĩĩlio maakue nukwitenda nazĩmuloelĩĩlie pamiiso maakue.

Yohana 15:16

Inie sika alĩ munsaaguĩle ĩne, ĩpa neene alĩ numusaaguĩle inie, nanumuĩĩka muende mupĩe inkali, ninkali zaani zikyale; koona luensi kanga mumulompe uTata muliina liane wamupeele.

Yohana 14:14

Luensi kanga munompe muliina liane nĩkakulutenda.”

Yakobo 5:16

Ĩkũmulĩlĩ ĩmĩlandu niinie kuniinie, nukukĩlompeela koona mukamigue. uUlompi wa muna kulukuuluu usũũmĩkilie kanga ĩwĩkakilie.

Apilipi 4:13

Nĩzishũũmile tũlũ kwa kĩuyo nukumpeela ingũlũ.

Yakobo 1:5

Ĩpa wensi mumiani nawakeepeelua nĩmasala, wamulompe uNzua nukuapeela tũlũ kuukende, sunga sikukutakĩlanaa; ninduyo ukipeegua.

Aepeso 3:12

Mumuakue alukutongelĩĩle ĩnzĩla ya kumuagaana, ĩkutilĩ kaooa wensi, kuukamatĩkũ, kunzĩla ya usuĩĩli wĩĩtu mumuakue.

Yohana 16:26

Palutondo luasio mukilompa muliina liane; sika nukumuĩĩla kĩna nĩkakumulompeela inie kwa kĩTata.

Yohana 10:30

Ĩne nuTata kwĩumuĩ.”

Aepeso 2:18

Luulo gua, kunzĩla yaakue ishie nakuabĩlĩ kwaligagiaa nzĩla ya kumusũgamĩĩla uTata kwa kĩMuau umuĩ.

Akolosai 3:17

Luensi namukulutenda kulukaani katia kuutendi, tendĩ tũlũ muliina lya kĩShekulu Yesu, ĩmukumusongelia uNzua Tata kwa kĩuyo.

Yohana 7:37

Palutondo nalukulu nangũlũ, lwa mumalĩĩlio lwa ntondo nankulu, ũYeu nuĩmĩka nwĩtuntĩkia nuũga, “Tũlũ wensi kanga wakolue ĩnoota waaze kumuane wakope.

Aebulania 7:25

Iio gua, usũũmile kukuagũna sunga kumpelo ĩaasio naakumusũgamĩĩla uNzua kwa kĩuyo, kunsooko ukoolĩ mupanga intondo tũlũ, koona waalompeele.

Yohana 14:6

ũYesu numuĩĩla, “Ĩne neene nzĩla nĩtai nuupanga; ukutilĩ nũjile kwa kĩTata isiititũla kunzĩla ya ĩne.

Yohana 12:44

ũYesu nwĩtunta ululi nuũga, “Nusuĩlĩĩle mumuane sikunsuĩlĩĩle kaneene, ĩpa uuyo naaluntumile.

Luka 11:9

“Nineene namuĩĩla; Lompĩ gua, mukipeegua; dũũmĩ gua, mukiona; kinintiĩ gua, mukakigyuĩlua.

1 Petelo 2:5

Inie ni niinie zĩ magũe namapanga muazengue muĩ numba ya kĩnkoolo, muĩ apolia naeelu, muleete ĩmapũnio ma kĩnkoolo namagombigue nuNzua kunzĩla ya kĩYesu Kilisito.

Yohana 5:19

Iio gua ũYesu nushookeelia, “Tai-taai namuĩĩla, uMuana sika wishũũma kwitenda kalukaani wing'ene, ĩpa luensi nuoonie uTata witenda; kuitĩ kĩna ukutendaa uyo, iio nuMuana ukuzitendaa zizo-ziizoo.

Aebulania 13:15

Luulo gua, kunzĩla yaakue umuene nakumupeele uNzua ipyũnio lya lukũmo intondo tũlũ, ingĩ ĩnkali ya mĩlomo nyukukũmuulaa ĩliina liakue.

Aebulania 4:15

Kuitĩ kuagila kamupolia namukulu nasikusũũmile kukukukolelua ishie ĩkĩsuusu muuneketũ wĩĩtu, ĩpa umuene alĩ mugemue zĩ undiishie mumpola tũlũ, ĩpa sikaka nutimula.

Aepeso 3:14

Kunsooko ĩĩ natũngama pa kĩtata,

Yohana 4:14

unuasio nukikopa ĩmaazĩ nanĩkakumupeela ĩne, sikukikolua kanoota sunga ĩkalĩ nakalĩ, ĩpa ĩmaazĩ nanĩkakumupeela mikitũla munsĩ yaakue nziĩlio ya maazĩ namakusamambaa sunga kuupanga wa kalĩ nakalĩ.”

Yohana 4:10

ũYesu nushookeelia numuĩĩla, “Kanga azuulĩngile azuujile kuumana uupeegua wa kĩNzua ninduyo waani nukuĩĩlile, mpeela nkope, azũjile kumulompa uzo; nduzo azũjile kukupeela ĩmaazĩ ma upanga.”

Yohana 16:7

Ĩpa ĩne namuĩĩla ĩtai, yumũjĩpĩle inie ĩne ndege; kuitĩ kanga nsiitilega, uMualĩĩlia sika wijile kumiani; ĩpa kanga nende nĩkakumutuma kumuani.

Yohana 13:31

Pĩna nupũna, ũYesu nuũga, “Ĩpaino wakulagiguaa uMuana-muntu, nuNzua wakulagiguaa mumuakue.

1 Akolinto 14:13

Luulo gua uyo nwilikitia kutambo nang'enda nwalompe wasũũme kwilondoosia