Yohana 14:11 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹¹ Nsuĩĩlĩ kĩna ĩne nkoolĩ mwa kĩTata nuTata ukoolĩ mumuane; naa sika iio, nsuĩĩlĩ kunsooko ya mĩlĩmo ĩmiene.

Yohana 14:11 Referans Kwoze

Yohana 10:38

Kanga ĩnukuĩtendaa, anga musitinshuĩĩla ĩne noo, muĩsuĩĩle ĩmĩlĩmo, koona mumane nukwilĩnga kĩna uTata umoolĩ mumuane nineene moolĩ mwa kĩTata.”

Yohana 5:36

“Ĩne gua ntĩĩte ukuĩli ukulu kwikila wa kĩYohana. Kuitĩ ĩmĩlĩmo naalĩ numupeegue nuTata nĩĩmalĩĩlie, ĩmĩlĩmo niasio nanukuĩtumaa ĩnkuĩlĩĩle kĩna uTata untumile.

Yohana 10:25

ũYesu nuashookeelia, “Alĩ namuĩĩlĩĩle, niniinie sika mwishuĩĩla. ĩMĩlĩmo nanĩkĩtumaa kuliina lya kĩTata waane, ĩĩo ĩnkuĩlĩĩle ĩne.

Yohana 14:10

Sika wishuĩĩlane kĩna ĩne moolĩ mwa kĩTata, nuTata umoolĩ mumuane. iNkaani nanukumuĩĩla ĩne sika nĩkĩtambulĩlagiaa ning'ene, ĩpa uTata nũkyalile munsĩ yaane ukĩtumaa ĩmĩlĩmo yaakue.

Utendi 2:22

“Agoosia a Ĩsilaeli, tegeelĩ inkaani izi; ũYesu Munazaleti, muntu naalĩ mũgyeleligue kumiani nuNzua kuutendi kwa kĩuyo pakatĩ yaani, kĩna uniinie akola namumanile;

Aebulania 2:4

uNzua nduyo nukuĩla kukilĩngasĩĩlio nĩmakula nuutendi wingĩ wa ngũlũ, nukuipeegua ya kĩMuau Muelu kĩna alĩ muloelue umuene.

Yohana 10:32

ũYesu nushookeelia, “Numulagĩlĩĩle mĩlĩmo mingĩ namĩĩza nĩpũnile kwa kĩTata. Mumĩlĩmo ĩĩ, nuĩmbĩ namwintũlĩla ĩmagũe?”

Yohana 14:20

Palutondo luasio mukimana uniniie kĩna ĩne moolĩ mwa kĩTata waane, niniinie mumoolĩ mumuane nineene moolĩ mumiani.