Yohana 14:10 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹⁰ Sika wishuĩĩlane kĩna ĩne moolĩ mwa kĩTata, nuTata umoolĩ mumuane. iNkaani nanukumuĩĩla ĩne sika nĩkĩtambulĩlagiaa ning'ene, ĩpa uTata nũkyalile munsĩ yaane ukĩtumaa ĩmĩlĩmo yaakue.

Yohana 14:10 Referans Kwoze

Yohana 5:19

Iio gua ũYesu nushookeelia, “Tai-taai namuĩĩla, uMuana sika wishũũma kwitenda kalukaani wing'ene, ĩpa luensi nuoonie uTata witenda; kuitĩ kĩna ukutendaa uyo, iio nuMuana ukuzitendaa zizo-ziizoo.

Yohana 10:38

Kanga ĩnukuĩtendaa, anga musitinshuĩĩla ĩne noo, muĩsuĩĩle ĩmĩlĩmo, koona mumane nukwilĩnga kĩna uTata umoolĩ mumuane nineene moolĩ mwa kĩTata.”

Utendi 10:38

impola za kĩYesu wa kuNazaleti, kĩna uNzua alumupakile ĩmakũta kuMuau Muelu ningũlũ; nduyo nupilima uko ninduuko nukwitenda naiiza nukukuakamia tũlũ naalemeeligue nũShetani, kunsooko uNzua alĩ ĩpalamuĩ ninduyo.

Yohana 12:49

Kunsooko sika alĩ ntambuĩle ning'ene, ĩpa uTata naaluntumile, muene undagĩlĩĩlie nanikiũga nikwitambula.

Yohana 10:30

Ĩne nuTata kwĩumuĩ.”

Yohana 8:28

Paapo ũYesu nuaĩĩla, “Pĩna mukakumunansula uMuana-muntu, paapo mukilĩnga kĩna ingĩ neene, kangĩ kutilĩ nanukulutenda ning'ene, ĩpa kĩna uTata naalumanilie ĩne, ziizo nukuzitambula.

Akolosai 2:9

Kunsooko mumuakue ukoolĩ uwijuli tũlũ-tũũlũũ wa kĩNzua kumpiani ya kĩmuĩlĩ.

Yohana 17:8

Kunsooko inkaani naalumpĩĩle ĩne naapĩĩle; naazaanũnkula, naamana ĩtai kĩna mpũnile kumuako; naasuĩĩla kĩna uue aluntumile.

Yohana 5:17

ũYesu nuashookeelia, “uTata waane ukĩtumaa umulĩmo sunga nunzuauu, nuneene nĩkĩtumaa umulĩmo.”

1 Yohana 5:7

Ninduyo uMuau muene nukukuĩlaa, kunsooko uMuau ingĩ muene tai.

2 Akolinto 5:19

yakĩna uNzua alĩ wĩĩlĩ mwa kĩKilisito nukuukamantania uunkũmbigyulu nĩnduzo, waleke kuaalĩĩlia uutimu waao; nduyo nuĩĩka mumuĩtu ulukaani lwa ukamantani.

Yohana 8:38

Naalĩ nizioonie kwa kĩTata, ziizo nukuzitambulaa. Niniinie namuziigilie kwa kĩTata waani, ziizo mukuzitendaa.”

Akolosai 1:19

Kunsooko mwa kĩuyo alĩ iloeelĩĩlie uwijuli tũlũ wakĩNzua wikyale,

Yohana 14:20

Palutondo luasio mukimana uniniie kĩna ĩne moolĩ mwa kĩTata waane, niniinie mumoolĩ mumuane nineene moolĩ mumiani.

Yohana 7:16

ũYesu nuashookeelia nuũga, “uUmania waane sika waane, ingĩ waakue naaluntumile.

Yohana 8:40

Ĩpaino mwidũũma kwimbulaga ĩne, nanumuntu nanukumuĩĩlaa ĩtai naalĩ nĩmiigilie kwa kĩNzua. uIbũlahimu sika alutendile itĩ.”

Yohana 11:26

Wensi namupanga nukwishuĩĩla mumuane sika ukikia sunga ĩkalĩ nakalĩ. Usuĩlĩĩlene izi.”

Yohana 3:2

Uzo alũjile kwa kĩYesu utiku numuĩĩla, “Mumania numukulu, kumanile kĩna ue uue uMumania nupũnile kwa kĩNzua, kunsooko kutilĩ nusũũmile kwitenda iilĩngasĩĩlio ii nukuitendaa ue pĩna uNzua sika yĩensi nduyo.”

Yohana 14:11

Nsuĩĩlĩ kĩna ĩne nkoolĩ mwa kĩTata nuTata ukoolĩ mumuane; naa sika iio, nsuĩĩlĩ kunsooko ya mĩlĩmo ĩmiene.

Yohana 14:24

Nasika undoulue sikukukendegeelaa inkaani zaane, nulukaani namukulũigagiaa sika luane, ingĩ lwa kĩTata naaluntumile.