Yohana 13:8 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

⁸ uPetelo numuĩĩla, “Sika ukinkalalia ĩmĩgulu yaane sunga ĩkalĩ nakalĩ.” ũYesu numushookeelia, “Kanga nsiite kukukalalia, sika kwityũmpĩ palumuĩ nineene.”

Yohana 13:8 Referans Kwoze

Tito 3:5

sika kunsooko ya utendi wa kulukuuluu naalĩ kuutendile ishie, ĩpa kwilika lya kĩnishungu kiakue, kunzĩla ya oogi wa ulelua wa kabĩlĩ nukwitendua upia mwa kĩMuau Muelu,

Utendi 22:16

Ĩpaino wĩĩmĩĩle yaani? Ĩĩmĩka ubadĩĩzigue; woogie ĩmĩlandu yaako, wiiĩĩta ĩliina liakue.

Aebulania 10:22

kusũgamĩĩle nĩnkolo ya tai kuukamĩnkĩĩlũ wa usuĩĩli; ikuaminzangĩlue inkolo zĩĩtu kuleke umoo namubĩĩ, koogigue ĩmiĩlĩ kumaazĩ nameelu.

Aepeso 5:26

koona walielie pĩna alulĩogilie kumaazĩ nukuLukaani.

1 Akolinto 6:11

Nĩĩĩa kunsiani alĩ ĩkĩna awa. Ĩpa namoogigua, ĩpa namueligua, ĩpa namualĩĩligua ĩkulukuuluu muliina lya kĩShekulu Yesu Kilisito, nuMuau wa kĩNzua wĩĩtu.

Ukũnukulua 7:14

Nanumuĩĩla; “Shekulu waane, umanile uuue.” Numbuĩla, “ĩAasio aao naapũnile muluago nalukulu, ndĩo akanzile ĩmajialo maao naameelia mumugali wa Muana-nkolo.

Ukũnukulua 1:5

kangĩ nukũpũna kwa kĩYesu Kilisito, mukuĩili namusuĩĩli, mulelua wa muandio wa aasio naalĩ akiile, kangĩ mukulu wa atemi a nsĩĩ. Kumuakue muene nukuloilue nukukukoogia ĩmĩlandu yĩĩtu kumugali waakue

Akolosai 2:23

iMpola zaasio zikigyelelaa kĩna za masala, muwĩtekeli ĩantu naĩzĩpĩĩlie ĩeene numuwĩniinupia, numuutema muĩlĩ kukuwonatĩĩlia kuupiu; ĩpa itĩ sika zileetile kansaĩlo kukuzigilia inshula za muĩlĩ.

Akolosai 2:18

Kaumuĩ waleke kumuleegelia ĩkĩpeegua kiani, nwishiia mumutiate nduyo kukĩniinupia nukukũatekela ĩamalaĩka. Nukikyala mumaoni maakue, nukukĩkentula nakanda kwishala liakue lya kĩmuĩlĩ,

Yohana 3:5

ũYesu nushookeelia, “Tai-taaii nakuĩĩla, muntu kanga wasitilelua kumaazĩ nukwa kĩMuau, sika wishũũma kwiingĩla muutemi wa kĩNzua

Matayo 26:33

uPetelo nushookeelia, numuĩĩla, “Kanga tũlũ ensi ashooke kunũma kunsooko yaako, ĩne sika nikitenda yaasio kainiino.”

Matayo 21:29

Nushookeelia nuũga, ‘Sika nuunzie.’

Matayo 26:35

uPetelo numuĩĩla, “Kanga injĩpĩle nakĩ kwikia palumuĩ ninduue sika nĩkakukukaana kainiino. ĩAmanigua tũlũ naaũga iio-iioo.”

Matayo 16:22

uPetelo numusola, nuandia kukumutakĩla, nuũga, “Taagi yaasio; Shekulu, izi zileke kukuagaana!”

Yohana 13:6

Paapo nupika pa kĩSimoni Petelo. uNuasio numuĩĩla, “Shekulu, ue winkalaliane ĩmĩgulu?”

Yohana 13:9

uSimoni Petelo numuĩĩla, “Shekulu, sika kamĩgulu yaane udũũ, sunga nĩmĩkono nityũe gaa.”