Yohana 13:5 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

⁵ Pembele nutaagĩla ĩmaazĩ mukĩĩko nuandia kukuakalalia ĩamanigua ĩmĩgulu nukwipiagula nakĩdeeo naalĩ wĩtungile.

Yohana 13:5 Referans Kwoze

Luka 7:44

Numupĩlukĩĩla umusungu, numuĩĩla uSimoni, “Wamuonaane umusungu uyu. Aza ningĩĩle munumba yaako; ĩpa uyu wansonontekelia ĩmisholi mumĩgulu yaane nukukuĩpiagula kumatũmbĩ mityũe liakue.

1 Timoteo 5:10

namukuĩlue kuutendi nauuza, kanga alĩ mukendegeelaana, kanga alĩ musũgamĩĩlia agenda, kanga alukioogagiaa, ĩeelu ĩmũgulu, kanga aluukuaalĩĩlagiaa naakuagagiguaa, kanga aluutiatile utendi wensi nauuza.

Ukũnukulua 7:14

Nanumuĩĩla; “Shekulu waane, umanile uuue.” Numbuĩla, “ĩAasio aao naapũnile muluago nalukulu, ndĩo akanzile ĩmajialo maao naameelia mumugali wa Muana-nkolo.

Aebulania 10:22

kusũgamĩĩle nĩnkolo ya tai kuukamĩnkĩĩlũ wa usuĩĩli; ikuaminzangĩlue inkolo zĩĩtu kuleke umoo namubĩĩ, koogigue ĩmiĩlĩ kumaazĩ nameelu.

Aepeso 5:26

koona walielie pĩna alulĩogilie kumaazĩ nukuLukaani.

1 Akolinto 6:11

Nĩĩĩa kunsiani alĩ ĩkĩna awa. Ĩpa namoogigua, ĩpa namueligua, ĩpa namualĩĩligua ĩkulukuuluu muliina lya kĩShekulu Yesu Kilisito, nuMuau wa kĩNzua wĩĩtu.

Utendi 22:16

Ĩpaino wĩĩmĩĩle yaani? Ĩĩmĩka ubadĩĩzigue; woogie ĩmĩlandu yaako, wiiĩĩta ĩliina liakue.

1 Yohana 5:6

Uyu wayu naalĩ wijile kumaazĩ nukumugali, ũYesu Kilisito; sika kumaazi udũũ, ĩpa kumaazi nukumugali.

1 Yohana 1:7

Ĩpa kanga kugendele muweelu, kĩna umuene nuĩlĩ muweelu, kukamantanile ndiishie kundiishie, numugali wa kĩYesu uMuana waakue ukukoogia umulandu tũlũ wensi.

Yohana 19:34

Ĩpa mwĩlaasi umuĩ numusoma ndilima mulualũ, ĩkamuĩ nĩpũna mĩgali nĩmaazĩ.

Luka 7:38

nuĩmĩka kunũma yaakue piipĩ nĩmĩgulu yaakue nũilĩla, nuandia kukumusonontekelia ĩmisholi mumĩgulu yaakue nukukuuĩpiagula kumatũmbĩ mityũe liakue, nuĩsunĩkia ĩmĩgulu yaakue nukukuĩpaka ĩmakũta.

Ukũnukulua 1:5

kangĩ nukũpũna kwa kĩYesu Kilisito, mukuĩili namusuĩĩli, mulelua wa muandio wa aasio naalĩ akiile, kangĩ mukulu wa atemi a nsĩĩ. Kumuakue muene nukuloilue nukukukoogia ĩmĩlandu yĩĩtu kumugali waakue

Yohana 13:10

ũYesu numuĩĩla, “uNuasio noogile ukukalalaa ĩmĩgulu udũũ, ĩpa umuĩlĩ wensi muelu, niniinie muelile, ĩpa sika tũlũ ensi.”

Yohana 13:8

uPetelo numuĩĩla, “Sika ukinkalalia ĩmĩgulu yaane sunga ĩkalĩ nakalĩ.” ũYesu numushookeelia, “Kanga nsiite kukukalalia, sika kwityũmpĩ palumuĩ nineene.”

Yohana 13:6

Paapo nupika pa kĩSimoni Petelo. uNuasio numuĩĩla, “Shekulu, ue winkalaliane ĩmĩgulu?”