Yohana 13:3 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

³ Luulo gua, ũYesu numanile kĩna uTata alĩ wamupĩĩle tũlũ mumĩkono yaakue nĩkangĩ kĩna alupũnile kwa kĩNzua nukwilongola kwa kĩNzua,

Yohana 13:3 Referans Kwoze

Yohana 3:35

uTata umuloilue uMuana, nduyo umupĩĩle tũlũ mumukono waakue.

Matayo 11:27

“Tũlũ yensi napĩĩlue nuTata waane; kutilĩ numulĩngile uMuana, isiititũla uTata; kangĩ kutilĩ numulĩngile uTata, isiititũla uMuana, nunuasio wensi uMuana nusiiile kukumukũnukũĩla.

Aebulania 1:2

ĩpa kuntondo izi za mpelo utambuĩle nindiishie kuMuana, naalumuĩĩkile wĩĩ musaali wa intu yensi, kwa kĩuyu nuuumba uunkũmbigyulu.

Yohana 17:2

kĩna yoi naalumupĩĩle uusũũmi kuensi naakola muĩlĩ, itĩ tũlũ naalumupĩĩle waapeele uupanga wa kalĩ nakalĩ.

Yohana 8:42

ũYesu nuaĩĩla, “Kanga uNzua ĩTata waani aza mujilindoogua nineene, kuitĩ nijile mpũnile kwa kĩNzua; sika nijile ning'ene, ĩpa muene aluntumile.

Matayo 28:18

ũYesu nuaagaana, nuĩ kuatambuĩla, nuũga, “Napeegaguaa uusũũmi tũlũ wensi kwigyulu numuna nsĩĩ.

1 Akolinto 15:27

“Kuitĩ uNzua nuiiĩka iintu tũlũ yensi nsĩlĩlĩ ya mĩgulu yakue.” Pĩna itambulue, “Tũlũ yaĩĩkilue nsĩlĩlĩ yaakue,” ingĩ kualiĩ kĩna uyo naalumuĩĩkĩĩlie tũlũ yensi nsĩlĩlĩ yaakue ukutilĩ muasio.

Utendi 2:36

“Luulo gua, ĩnumba tũlũ nya Ĩsilaeli amane kutai ya kĩna uNzua wamutendile ũYesu unuasio naalĩ mumukonontelĩĩle mumusalaba kwitũla Shekulu, kangĩ Kilisito.”

Yohana 13:1

uLutondo lukulu lwa Pasaka pĩna alĩ lwikaalĩ ũYesu numanile kĩna ityũngo liakue liazaaa lya kulega muna unkũmbigyulu uu wende kwa kĩTata, alĩ ualoilue ĩaakue muna unkũmbigyulu, nualoogua sunga kumpelo.

Yohana 7:33

ũYesu nuũga, “Tyũngo niino kĩlĩ nĩpalumuĩ niniinie; nonguĩle kumuakue naaluntumile.

Yohana 7:29

Ĩne numuĩzĩ kunsooko mpũnile kumuakue, nduyo muene untumile.”

Yohana 3:13

Kutilĩ naalunankĩĩle kwigyulu ĩpa uuzo uMuana-muntu naalĩ wiikile kwipũna kwigyulu.

Yohana 1:18

Kutilĩ numuoonie uNzua ityũngo liensi; uMuana wing'ene nuĩlĩ mukĩkũa kya kĩTata, muene alumukũnukuĩle.

Luka 10:22

Tũlũ yensi napeegilue nuTata waane; kutilĩ numulĩngile uMuana isiititũla uTata, kangĩ wensi kutilĩ numulĩngile uTata isiititũla uMuana kangĩ wensi uMuana nusiiile kukumukũnukulĩla.

Yohana 8:14

ũYesu nushookeelia nuaĩĩla, “Kanga ĩne ĩnĩkuĩlĩĩle ning'ene nakĩ, uukuĩli waane ingĩ wa tai, kuitĩ nĩĩzĩ kĩna mpũnile nĩkĩna nunziĩ. Inie gua sika mumanile kĩna mpũnile nĩkĩna nunziĩ.