Yohana 13:13 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹³ Ĩnie mwinjĩta Mumaania kangĩ Shekulu; Mwitambula iiza, ingĩ neene.

Yohana 13:13 Referans Kwoze

Luka 6:46

“Nĩkĩ gua mwinjĩta ‘Shekulu, Shekulu,’ ĩpa nanitambula sika mwitenda.

Apilipi 2:11

lulĩmĩ luensi lukũmuule ya kĩna ũYesu Kilisito ingĩ Shekulu, kuukulu wa kĩNzua Tata.

1 Akolinto 12:3

Luulo gua numulĩngilie ya kĩna ukutilĩ nwitambula muMuau wa kĩNzua kwiũga, “Yesu wazũmilue!” Sunga ukutilĩ nusũũmile kwiũga, “ũYesu ingĩ Shekulu,” isiititũla muMuau Muelu.

Yohana 11:28

Pĩna nuzitambula izi nulongola, numuĩta uMalia umunũna waakue kukĩmpisi-mpisi, nuũga, “uMumania ukoolĩ ukukuĩta.”

Apilipi 3:8

Tai-taaii, naiona tũlũ tũũlũũ kĩna ukapĩki kunsooko ya uuza naugila kaukinĩĩlo wa kumumana uKilisito Yesu, Shekulu waane; iio kunsooko yaakue nandigia uukapĩki wa intu tũlũ, naniiona zĩ mpalala koona numuligie uKilisito;

1 Akolinto 8:6

ĩpa gua, kunsĩĩtu ishie ukoolĩ uNzua umuĩ, mueneTata. Kumuakue uyu intu tũlũ naigyelela, nindiishie kumuakue kukoolĩ; kangĩ ukoolĩ ũShekulu umuĩ YesuKilisito; yensi naitũla ikoolĩ kwa kĩuyo, sunga nindiishie kukoolĩ kwakĩ uuyo.

Yakobo 2:19

Ue usuĩlĩĩle kĩna uNzua ingĩ umuĩ, utendile iiza; sunga ĩmasĩĩmuĩ ndayo masuĩlĩĩle nukũkĩkĩma.

Luka 10:28

Numuĩĩla; “Washookeelia iiza; tenda iio nĩnduue ukitũla umupanga.”

Luka 7:43

uSimoni nushookeelia nuũga, “Nĩmbũge uyu namulekelue iingĩ.” Numuĩĩla “Ulamuĩle ĩtai.”

Matayo 20:28

Kĩna iio uMuana-muntu sika wijile kukĩtumĩlua, ĩpa kukĩtuma, nukwipũnia uuumĩ wakue wĩĩ kĩkomoli kunsooko ya iingĩ.”

Yohana 11:2

Alĩ uMalia uuyo naalumupakile ũShekulu ĩmaakũta nukukumupiagula ĩmĩgulu yaakue kumatũmbĩ maakue; numugũlĩ waakue uLazalo alĩ muluĩle.

Yohana 11:3

Iio gua, ĩagũlĩ naamutualĩla impola, naaũga, “Shekulu laaa, numuloilue waazaa muluĩle.”

Aepeso 6:9

Niniinie namũishekulu, atendelĩ iio-iioo, muleke kuoopokia, ĩmumanile ya kĩna uzo na Shekulu waao kangĩ waani, ukoolĩ kwigyulu, nukumuakue kutilĩ kauloeelia.