Yohana 13:1 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹ uLutondo lukulu lwa Pasaka pĩna alĩ lwikaalĩ ũYesu numanile kĩna ityũngo liakue liazaaa lya kulega muna unkũmbigyulu uu wende kwa kĩTata, alĩ ualoilue ĩaakue muna unkũmbigyulu, nualoogua sunga kumpelo.

Yohana 13:1 Referans Kwoze

Yohana 12:23

ũYesu nuashookeelia nuũga, “iTyũngo liazaa uMuana-muntu wakuligue.

1 Yohana 4:19

Iishie kutĩĩte uuloogua kunsooko muene alukuloogilue umuandio.

Yohana 13:34

Namupeela lyagĩĩlio nĩpia, mwĩloogue. Kĩnaalĩ numuloilue inie, niniinie mwĩloogue iio-iioo.

Yohana 16:28

Alĩ mpũnile kwa kĩTata, naazile muna unkũmbigyulu; kangĩ naulekaa uunkũmbigyulu, nalongolaa kwa kĩTata.”

Yohana 13:3

Luulo gua, ũYesu numanile kĩna uTata alĩ wamupĩĩle tũlũ mumĩkono yaakue nĩkangĩ kĩna alupũnile kwa kĩNzua nukwilongola kwa kĩNzua,

Yohana 18:4

Iio ũYesu kunsooko alumanile tũlũ nazĩkakumuagaana, nupũna nuaĩĩla, “Mukumudũũma waani?”

1 Akolinto 1:8

Ninduyo ukakumukamĩnkĩĩlia sunga ĩmpelo, mulekishokigua palutondo lwa kĩShekulu wĩĩtu Yesu Kilisito.

Yohana 17:16

Ĩa sika a unkũmbigyulu kĩna uneene nasika na unkũmbigyulu.

Yohana 17:1

iNkaani izi aluzitambuĩle ũYesu; nulangamĩla kwigyulu, nuũga, “Tata, ityũngo liazaa. Kulia ue uMuana waako, koona uMuana wakukulie ue,

Ukũnukulua 1:5

kangĩ nukũpũna kwa kĩYesu Kilisito, mukuĩili namusuĩĩli, mulelua wa muandio wa aasio naalĩ akiile, kangĩ mukulu wa atemi a nsĩĩ. Kumuakue muene nukuloilue nukukukoogia ĩmĩlandu yĩĩtu kumugali waakue

Aebulania 3:14

Kuitĩ kualĩĩ akamantani a kĩKilisito kanga kũtyapĩkie uukamatĩkũ wĩĩtu wa muandio sunga kumpelo,

Yohana 17:5

Ĩpaino Tata, nkulia pamuako kuukulu waasio naalĩ ntĩĩte kumuako pĩna uunkũmbigyulu alĩ wikaalĩ.

Matayo 26:45

Paapo nuaagaana ĩamanigua aakue, nuaĩĩla, “Gonĩ gua ĩpaino, musũũpie; ityũngo lyasũgamĩĩlaa, uMuana-muntu waĩĩkue mumĩkono ya anamĩlandu.”

1 Petelo 1:13

Luulo gua, lĩganĩĩliĩ kĩĩsa masĩĩgo maani, kengealĩ, mulaaĩĩlĩkie kuukamĩnkĩĩlũ uukende namukileetelua muukũnukulua wa kĩYesu Kilisito.

Aebulania 6:11

Kwasiiia gua, wensi mumiani wigyelelie uukamatĩkũ uo-uuoo, waũtyapĩkie uulaaĩĩli tũlũ sunga kumpelo,

Aebulania 3:6

Ĩpa uKilisito gua alĩ musuĩĩli mumpola za numba ya kĩNzua kĩna Muana. Nidiishie kwĩnumba yaakue kanga kwityapĩkie sunga kumpelo uukamatĩkũ wĩĩtu, nukukĩkũmazukilia muulaĩĩli wĩĩtu.

Alumĩ 8:37

Ĩpa itĩ mumpola izi tũlũ kukudulĩkagiaa kwikĩlĩkĩĩla kunzĩla yaakue nukuloilue.

Yohana 17:26

Naamanilie ĩliina liako, kangĩ nĩkakuamania; itĩ uuloogua naalundoilue ĩne wĩĩ munsĩ yaao, nineene nĩĩ munsĩ yaao.”

Yohana 14:28

“Mũigilie kĩna ĩne alĩnumuĩlĩĩle kĩna nalongola, nijile kangĩ kumiani. Kanga ĩalĩĩ mundoilue alĩ mũjililumba kunsooko nalongola kwa kĩTata, kuitĩ uTata ingĩ mukulu kwikĩla ĩne.

Yohana 11:55

nĩPasaka ya Ayahũdi alĩ yĩpiipĩ; iingĩ naanankĩla kwipũna nandĩ zensi kwienda kũYelusalemũ koonna ĩeelie pĩna ĩPasaka alĩ ikaalĩ.

Yohana 7:30

Luulo gua naandũũma kukumuguĩla, ĩpa kutilĩ naalumutualĩlĩĩle umukono, kunsooko ityũngo liakue sika alĩ lyalaaza.

Yohana 7:6

Luulo ũYesu nuaĩĩla, “ityũngo liane likaalĩ kalapika, ĩpa ityũngo liani lĩkoolĩ intondo tũlũ.

Yohana 6:4

ĩPasaka, ulutondo nalukulu lwa Ayahũdi, alĩ lwĩpiipĩ.

Luka 22:53

Lutondo kulutondo pĩna alĩ nĩpalumuĩ niniinie munumba ya kĩNzua, sika alĩ mwalantualĩĩla kamikono, ĩpa ĩlĩ Tyũngo liani nuusũmi wa kiiti.”

Luka 9:51

Pĩna ntondo zaakue za kunankĩla kwigyulu naziishũgamĩĩla, uyo nutengemalia uusiu waakue wende kwitungĩnkana niYelusalemũ;

Matayo 28:20

ĩmukuamania aziambe tũlũ zensi naalĩ numulagĩlĩĩlie inie. Laaa ĩne nkoolĩ palumuĩ niniinie intondo tũlũ zensi, sunga kumpelo ya unkũmbigyulu.”

Yohana 8:20

iNkaani izi alutambuĩle nũmania muNumba ya kĩNzua, nwĩpaapo pauĩĩkĩlo wa sadaka. Kutilĩ naalumuguĩlile, kuitĩ ityũngo liakue sika alĩ lyalaaza.

Yohana 2:13

ĩPasaka ya Ayahũdi alĩ yĩpipĩ; nũYesu nunankĩla kũYelusalemũ.

Yohana 13:29

ĩĨĩa, kunsooko ũYuda alumĩtĩĩte ĩmbogoosi ya mpeesa, naasĩĩga kĩna ũYesu alumuĩĩlĩĩle, “Gula nakuasilĩlue kulutondo nalukulu,” katia waapeele ĩatũka kĩntu.

Yohana 14:31

ĩpa uunkũmbigyulu umane kĩna numuloilue uTata, iio nukutendaa kĩna uTata alundagĩlĩĩlie. Uukĩ kwĩĩni kulege kunu.”

Yohana 19:28

Pembele ũYesu pĩna numana kĩna tũlũ zakondagiguaa uwandĩkua utimĩĩligue, nuũga, “Nakolua noota.”