Yohana 12:27 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

²⁷ “Ĩpaino ĩnkolo yaane yakankanalaa, mbũgeeii? Tata, ungũne mutyũngo ĩlĩ. Ĩpa kunsooko ya izi nalĩpikĩĩlaa ityũngo ĩlĩ.

Yohana 12:27 Referans Kwoze

Yohana 12:23

ũYesu nuashookeelia nuũga, “iTyũngo liazaa uMuana-muntu wakuligue.

Aebulania 5:7

Uyo pantondo zaasio pĩna alĩ wĩĩlĩ muwikyaalĩ wa muĩlĩ wa kĩuntu, alumupũnĩĩlie uulompi nuupeepia palumuĩ nukukumulĩĩlĩkia kumisholi, uyo nusũũmile kukumugũna kwipũna muukiu; nũigigua kwilika lya ukulia Nzua waakue.

Yohana 13:21

Pĩna nutambula izi, ũYesu nukankanala munkolo nukuĩla nuũga, “Tai-taaii namuĩĩla, umuĩ waani ukinshakia.”

Matayo 26:42

Nuenda kangĩ kaubĩlĩ, nulompa, nuũga, “Tata, malĩĩ ĩsika ishũũmĩkile ĩkĩĩko kĩnkĩle ndeke kukĩkopela, iio gua, uulooa waako utendue.”

Aebulania 2:14

Iio gua, kunsooko ĩaana akamantĩĩne nĩmiĩlĩ nĩtĩĩte umugali nĩnama, uyo nduyo iio-iioo alukamantanile iio-iioo, koona kunzĩla ya nkia wamoonoone uyo nutĩĩte usũũmi wa ukiu, ingĩ ũShetani,

Luka 22:44

Ninduyo pĩna alĩ wĩĩlĩ muluago, nwĩkakia kwilompa, iyĩla liakue nalĩtũla zĩ ntununtu za mĩgali nishononteka pansĩĩ.

Yohana 18:37

Iio uPilatu numuĩĩla, “Ue umutemine gile?” ũYesu nushookeelia, “Kĩna ue waũgaa, ĩne neene numutemi. Ĩne alĩ numulelue kunsooko ĩĩ, nukunsooko ĩĩ nijile muna unkũmbigyulu, koona nkuĩle ĩtai. Wensi nwa tai ukunzigagiaa ululi luane.”

Luka 22:53

Lutondo kulutondo pĩna alĩ nĩpalumuĩ niniinie munumba ya kĩNzua, sika alĩ mwalantualĩĩla kamikono, ĩpa ĩlĩ Tyũngo liani nuusũmi wa kiiti.”

1 Timoteo 1:15

Ingĩ lukaani lwa kusuĩĩlua, nalwijĩpĩĩle kwigombigua nkankanaa, ya kĩna uKilisito Yesu alĩ wijile muna unkũmbigyulu waagũne ĩanamĩlandu, nineene namuandio waao;

Yohana 11:41

Naalĩleegia igyũe. ũYesu nulangamĩla, nuũga, “Tata, nakusongelagiaa kunsooko wanzigagiaa.

Matayo 11:25

ĩTyungo liasio ũYesu nushookeelia, nuũga, “Nakusongelia, Tata, Shekulu wigyulu nĩnsĩĩ, kunsooko waapisĩĩle izi ĩanamasala nusugũ nuakũnukuĩla ĩaana naatakata.

Matayo 11:26

Eeze Tata, kuitĩ iio alĩ iloelĩĩlie ntongela yaako.”

Matayo 26:45

Paapo nuaagaana ĩamanigua aakue, nuaĩĩla, “Gonĩ gua ĩpaino, musũũpie; ityũngo lyasũgamĩĩlaa, uMuana-muntu waĩĩkue mumĩkono ya anamĩlandu.”