Yohana 12:26 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

²⁶ Wensi kanga wantumĩle, nwantiate; pĩna nĩĩlĩ ĩne, paapo numwĩtumi waane ukitũla wĩĩlĩ. Wensi kanga wamtumile, uTata ukakumukulia.

Yohana 12:26 Referans Kwoze

Agalatia 1:10

ĩPaino nadũũma ng'ombigue nĩantune katia nuNzua? Katia nidũũma kukualoeelia antune? Kanga azaa kĩlĩ nukualoeelia antu, sika aza nijilitũla mwĩtumi wa kĩKilisito.

Akolosai 3:24

ĩmunanile ya kĩna mukiaanũnkula kwa kĩShekulu uupeegua wa usaali; kuitĩ mukumutumĩla ũShekulu Kilisito.

Alumĩ 1:1

Paulo nanĩmwĩtumi wa kĩYesu Kilisito, nanumuĩtue ntũle mutumua nukwikamatulua ntanantie impola na nziiza za kĩNzua,

Yohana 17:24

“Tata, ĩaasio nwampĩĩle ĩne, nsiiile ĩĩ palumuĩ nineene pĩna nĩĩlĩ, alaae uukulu waane nwampĩĩle ĩne, kunsooko alundoilue pĩna umukulĩla wa unkũmbigyulu alĩ wikaalĩ kalaĩĩkua

Yohana 10:27

iNkolo zaane zukũigagiaa ululi luane nineene nĩzimanile, ndizo zukuntiataa.

2 Akolinto 5:8

Kutĩĩte nkolo nkamũ gua, taazu kuleke kikyala mumiĩlĩ nukukikyala ensi nũShekulu.

Yuda 1:1

Yuda nanĩmwĩtumi wa kĩYesu Kilisito, munũna wa kĩYakobo, kuinie namuĩĩtue, namualoogue mwa kĩNzua Tata nukwikendegeelua mwa kĩYesu Kilisito.

1 Yohana 5:3

Kuitĩ uu wau uuloogua wa kĩNzua, kumakendegeele ĩmalagĩĩlio maakue; kangĩ ĩmalagĩĩlio maakue sika malũto.

2 Petelo 1:1

Simoni Petelo, mwĩtumi, numutumua wa kĩYesu Kilisito, namuandĩkĩla inie naalĩ muligilie uusuĩĩli umuĩ nindiishie, nawa ngele nkakũ, mukulukuuluu ya kĩNzua wĩĩtu nuMugũni Yesu Kilisito.

2 Akolinto 4:5

Kuitĩ sika kwĩtanantilie ishie undiishie, ĩpa uKilisito Yesu kĩna ingĩ Shekulu, nindiishie kuĩtumi aani kunsooko ya kĩYesu.

Alumĩ 14:18

Kuitĩ uyo nukumutumĩla uKilisito munkani izi, ukumuloeelagia uNzua, kangĩ ukugombagiguaa nĩantu.

Yohana 15:20

Lũjukĩ ulukaani naalĩ numuĩĩlĩĩle, musese sika mukulu kwikĩla ũshekulu waakue. Malĩĩ alĩĩ anzagilie ĩne, ĩkakumuagia niniinie. Malĩĩ alĩĩ alukendegelĩĩle ulukaani luane, ĩkakulukendegeela nulukaani luani.

Luka 6:46

“Nĩkĩ gua mwinjĩta ‘Shekulu, Shekulu,’ ĩpa nanitambula sika mwitenda.

Apilipi 1:23

Numutuunue pakatĩ ya nkaani zibĩlĩ. Ntĩĩte nsula ndege muna nsĩĩ nikyale palumuĩ nuKilisito, kuitĩ ingĩ iiza nangũlũ;

Yohana 14:3

Pĩna nalongola kukumuzipilĩĩlia uwĩĩmo, nikiiiza kangĩ numuanũnkule kumuane, koona pĩna nĩĩlĩ ĩne, niniinie muĩ paapo.

Yohana 13:16

Tai-taaii namuĩĩla, uMusese sika mukulu kwikĩla ũShekulu waakue, katia umutumua sika mukulu kwikĩla numutumile.

Luka 9:23

Nuaĩĩla tũlũ ensi; “Wensi nusiile kwintiata nwĩĩime ĩmaakue, waukenke umusalaba waaakue lutondo luensi, wantiate ĩne.

Matayo 25:21

ũShekulu waakue numuĩĩla, ‘Iiza gua, umwĩtumi namuuza numusuĩĩli; alĩ umusuĩĩli kuna ikeei, nĩkakukuĩĩka wĩĩ umukulu wa mingĩ; ingĩla muulumbi wa kĩShekulu waako.’

Ukũnukulua 14:4

Ĩa awa sika aĩĩkĩlue udobũ wensi palumuĩ nĩakĩĩma kunsooko alĩ eeligue; ĩa awa akumutiatĩĩlaa uMuana-nkolo tũlũ kwensi kĩna ulunjie, ĩa alĩ agulue kwipũna muantu, nduĩ-nduĩ kwa kĩNzua nukwa kĩMuana-nkolo,

Akolosai 4:12

uEpafula nwa kunsiani, mwĩtumi wa kĩYesu, ukumulamukia; ukĩkamatĩkagiaa intondo tũlũ kunsooko yaani muulompi waakue, koona muĩmĩke ke, akamĩnkĩĩlũ, mulĩngĩkie uulooa tũlũ wa kĩNzua.

Yohana 21:22

ũYesu numuĩĩla, “Kanga ĩnumuloe wikyale sunga nĩĩze, yaani gua ue. Ue ntiata.”

Yohana 14:15

Kanga mundoogue mukikendegeela ĩmalagĩĩlio maane.

Maliko 8:34

Nuliĩta iyũmbĩ palumuĩ nĩamanigua aakue, nuaĩĩla, nuasio nusiiile kwintiata kunũma yaane, nwĩiime ĩmaakue, wakenke umusalaba waakue, wantiate.

Matayo 16:24

Paapo ũYesu nuaĩĩla ĩamanigua akue, “Wensi nusiile kwintiata ĩne, nwĩiime ĩmakue, waukenke umusalaba waakue, wantiate ĩne.

Luka 12:37

Aliukũ ĩĩtumi aasio, pĩna ũShekulu waao ukiiza waagaane alaĩĩle. Tai namuĩĩla, ukakĩtũnga nukukuasũgamĩĩlia pandia, ukiiiza nukukuatumĩla.