Yohana 11:27 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

²⁷ Numuĩĩla, “Eeze Shekulu, ĩne nasuĩlĩĩle kĩna ue uue Kilisito, uMuana wa kĩNzua, nũjile muna unkũmbigyulu.”

Yohana 11:27 Referans Kwoze

Matayo 16:16

uSimoni Petelo numushookeelia, nuũga, “Ue uue Kilisito, Muana wa kĩNzua namupanga.”

Yohana 6:69

nindiishie kwasuĩlĩĩle nukwilĩnga kĩna ue ingĩ uMuelu wa kĩNzua.”

Yohana 6:14

Luulo gua, ĩantu pĩna naakĩona ĩkĩlĩngasĩĩliio naaũga, “Uyu wayu tai taaii umunakĩdagu nũjile muna unkũmbigyulu.”

1 Yohana 5:1

Tũlũ wensi nukusuĩĩla kĩna ũYesu ingĩ Kilisito mulelue nuNzua. Tũlũ wensi nukumuloogaguaa umukola kulela, ukumuloogaguaa ninduzo namulelue nduyo.

1 Yohana 5:20

Kumanile ya kĩna uMuana wa kĩNzua waazile nduyo wakupĩĩle uulĩngi, koona kumulĩnge uzo nwa tai, nindiishie kukoolĩ munsĩ yaakue nwa tai, ingĩ munsĩ ya Muana waakue ũYesu Kilisito. Uyu wayu Nzua nwa tai, nuupanga wa kalĩ nakalĩ.

Utendi 8:36

Pĩna alĩ alonguĩle naapika pamaazĩ, numulindĩĩla-nsao nuũga, “Laa ntaaya ĩmaazĩ; yaani naingilia ndekibadĩĩzigua.”

Yohana 4:42

Naamuĩĩla umusungu, “Ĩpa kwasuĩĩlaa, sika kunsooko ya nkaani zaako udũũ, kuitĩ kũigagiaa undiishie, kangĩ kumanile kĩna tai uzu ingĩ Mugũni wa unkĩmbigyulu.”

Yohana 1:49

uNatanaeli nushookeelia numuĩĩla, “Mumania numukulu, ue uue uMuana wa kĩNzua! Ue uue umutemi wa Ĩsilaeli!”

Luka 2:11

Kuitĩ nantende mukaa ya kĩDaudi walelaguaa Mugũni kunsooko yaani, muene Kilisito Shekulu.

Matayo 11:3

“Ue uuene nwijile, katia kumutũngĩle wĩngĩ.”

Matayo 16:20

Paapo nuagilia ĩmaniigua aakue aleke kumuĩĩla umuntu wensi kĩna uyo muene Kilisito.”

Utendi 8:37

uPilipo nuũga, “Anga usuĩĩle kunkolo yaako yensi, ishũũmĩka udũũ.” Nushookeelia nuũga, “Nasuĩĩla ya kĩna ũYesu Kilisito muene muana wa kĩNzua.”