Yohana 11:25 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

²⁵ ũYesu numuĩĩla, “Ĩne neene wiiuki nuupanga; nusuĩlĩĩle mumuane, kanga wakie nakĩ, ukipangata.

Yohana 11:25 Referans Kwoze

1 Atesaloniki 4:14

Malĩĩ kusuĩlĩĩle ya kĩna ũYesu alukiilee, nũiuka, iio-iioo nĩaasio naagonile mwa kĩYesu, uNzua akakualeeta palumuĩ ninduyo.

Yohana 3:36

Nusuĩlĩĩle mwa kĩMuana utĩĩte uupanga wa kalĩ nakalĩ; nasikumusuĩlĩĩle uMuana sikukiona uupanga, ĩpa uutaki wa kĩNzua ukuĩmaa mumuakue.

Yohana 1:4

Mumuakue uupanga alĩ ukoolĩ, nduo upanga alĩ weelu wa antu;

Yohana 5:21

Kuitĩ kĩna uTata ukũiukagiaa ĩakiu nukukuapangatia, iio-iioo nuMuana ukuapangatagiaa nualoilue.

Yohana 6:44

Kutilĩ nusũũmile kwiiiza kumuane kaanga ĩsika mulũtue nuTata naaluntumile; nineene nĩkakumũiukia palutondo lwa mpelo.

Alumĩ 8:2

Kuitĩ uulagĩĩlio wa kiMuau wa upaanga naukoolĩ mwa kĩKilisito Yesu wantũngulĩĩle kwipũna muulagĩĩlio wa mulandu nuukia.

Yohana 6:35

ũYesu nuaĩĩla, “Ĩne neene nĩndia ya upanga. Nuasio nũjile kumuane sika ukikolua kanzala; nduyo nusuĩlĩĩle mumuane sikukikolua ĩnoota kainiino.

Ukũnukulua 21:4

Ukipiagula ulũsholi luensi mumiiso maao, nĩnkia ikitũla yukutilĩ kangĩ; sunga ukiu nĩkĩlĩlo nuuwai ukitũla ukutilĩ kangĩ, kunsooko ĩza muandio zakondile kwikĩla.”

Apilipi 3:10

Kangĩ numumane uyo, ningũlũ za wiiuki waakue, nuukamantani wa waagi waakue, nĩpianĩkĩĩligue nukwĩkia kumuakue;

Ukũnukulua 20:5

ĩAkiu naalĩ asaagile sika naatũla apanga, sunga ĩule ĩmiaka gyana lya nzogũ. uu wau wiiuki wa muandio.

Utendi 3:15

namumuulaga uyo uMuandio wa upanga, uyo uNzua naalumũiukilie kwipũna muakiu, nindiishie kuakuĩlli aakue.

Yohana 14:6

ũYesu numuĩĩla, “Ĩne neene nzĩla nĩtai nuupanga; ukutilĩ nũjile kwa kĩTata isiititũla kunzĩla ya ĩne.

Yohana 5:26

Iio gua, kĩna uTata utĩĩte upanga umuene, iio-iioo numupeela uMuana wĩĩ nuupanga umuene.

Ukũnukulua 22:17

nuMuau nuMutoolua iũga, “Nzuu!” Ninduyo nukũigagiaa waũge, “Nzuu!” Nĩnamukolue ĩnoota nuaze; ninduyo nusiile, nwamasole nakanda ĩmaazĩ ma upanga.

Yohana 14:19

Kĩlĩ katũngo kaniino uunkũmbigyulu sika wimona kangĩ, ĩpa inie mwĩmona kunsooko ĩne numupamga, niniinie mukitũla muapanga.

Apilipi 1:23

Numutuunue pakatĩ ya nkaani zibĩlĩ. Ntĩĩte nsula ndege muna nsĩĩ nikyale palumuĩ nuKilisito, kuitĩ ingĩ iiza nangũlũ;

Ukũnukulua 22:1

Paapo nundagĩĩla umongo wa mazĩ ma upanga naukumĩlĩmĩntaa zĩ kĩlolelo, upũnile mwityengu lya kĩtemi lya kĩNzua, nĩlya Muana-nkolo,

2 Akolinto 4:14

kumanile kĩna naalumũiukilie ũShekulu Yesu ukakukũiukia sunga nindiishie palumuĩ nũYesu, nukukukutuala palumuĩ niniinie ntongela yaakue.

Alumĩ 4:17

kĩna yandĩkue, “Nakuĩĩka utũle tata wa ndugu ningĩ” Ntongela ya kĩNzua numusuĩlĩĩle, nukũiukagiaa ĩakiu nukukigyelelia iintu nayukutilĩ kĩna zĩ ikoolĩ.

Luka 23:43

ũYesu numuĩĩla; Tai nakuĩĩla, nantende yoĩ ukitũla palumuĩ nineene muPaladiiso.

1 Akolinto 15:29

Ĩpa gua naabadĩĩzigue kunsooko yaakiu ijilitenda yaani. Malĩĩ ĩakiu ĩsika iiiukigua kainiino, nĩkĩ naabadĩĩzigua kunsooko yaao?

1 Akolinto 15:18

Iio gua, nĩaasio naagonile mwa kĩKilisito alimĩlĩĩle.

Yohana 3:16

Iti yoi uNzua aluulogilue uunkũmbigyulu, sunga numupũnia uMuana waakue wing'ene, koona tũlũ wensi nusuĩlĩĩle mumuakue walekilimĩĩla, ĩpa wĩĩ nuupanga wa kalĩ nakalĩ.

Ukũnukulua 1:18

nanumupanga; Nineene alĩ nakiile, ĩpa laaa numupanga sunga ĩkalĩ nakalĩ. Nineene ntĩĩte ĩmiguĩlo ma Ukiu nĩma Kuulungu.