Yohana 10:6 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

⁶ ũYesu nuaĩĩla ĩmpiani ĩĩ, ĩpa ĩaasio sika naalĩnga naalukuaĩĩla.

Yohana 10:6 Referans Kwoze

Yohana 16:25

“Izi numuĩĩlĩĩle inie kuung'enua; ityũngo lijile sika nikitambula niniinie kangĩ kuung'enua, ĩpa nĩkakumudundulĩla impola za kĩTata.

Matayo 13:51

“Mwalĩngane izi zensi.” Naamushookeelia. “Eeze.”

1 Yohana 5:20

Kumanile ya kĩna uMuana wa kĩNzua waazile nduyo wakupĩĩle uulĩngi, koona kumulĩnge uzo nwa tai, nindiishie kukoolĩ munsĩ yaakue nwa tai, ingĩ munsĩ ya Muana waakue ũYesu Kilisito. Uyu wayu Nzua nwa tai, nuupanga wa kalĩ nakalĩ.

1 Akolinto 2:14

Ĩpa umuntu kumasĩĩgo maakue umuene sikukuzaanũnkulaa ĩza kĩMuau wa kĩNzua; kuitĩ kumuakue zaasio ingĩ ulu, sunga sika wishũũma kukuzilĩpa, kuiti zukulekanulaguaa kunzĩla ya kĩnkoolo.

Yohana 8:43

Nĩkĩ mwasiitilĩnga uutambuli waane? Ingĩ kunsooko sika mwishũũma kwiiigia ulukani luane.

Yohana 8:27

Sika naalĩnga kĩna ukuaĩĩla za kĩTata.

Yohana 7:36

Lukaani kĩ ulu naazulutambuĩle, Mukindũũma, sika mukimona; nineene pĩna nĩĩlĩ inie sika mwishũũma kwiiiza?”

Yohana 6:60

Kunsooko ĩĩ, iingĩ muamanigua aakue pĩna alĩ iigilie izi, naaũga, “uLukaani ulu lukakũ! Waani nusũũmile kukulutegeela.”

Yohana 6:52

Paapo ĩAyahũdi naĩĩ kĩkunguma eene kueene, naaũga, “Wishũũma mbii uyu kukukupeela umuĩlĩ waakue kuulĩe?”

Matayo 13:34

Izi zensi ũYesu alumaĩĩlĩĩle ĩmaũmbĩ mumpiani; sika alukuaĩĩla kalukaani isititũla kunzĩla ya mpiani;

Maliko 4:34

Sikukĩtambuĩlaa ndĩo isiititũla kunzĩla ya mpiani. Nualondoosia ĩamanigua aakue ing'ene inkaaani zensi.

Yohana 16:29

ĩAmanigua aakue naaũga, “Laaa gua, ĩpaino witambula tengetenge, sikakawitambula kuung'enua.

2 Petelo 2:22

Ĩpa igyelela kumiao kwilika lya ung'enua wa tai, “ĩMbua yĩshookĩĩle ĩmalukiu maakue ĩnene, nĩngũlũma naalĩ nzogigue ĩshookĩĩle kwigala-gala mumalolo.”